20號果日係我地學校中五既謝師宴，我地幾個人一早去左天水圍set頭，整得都唔錯我覺得，不過....
daisy個頭40蚊就唔值囉，佢個頭自己窄都窄到，陸塋塋個頭好可愛，卡卡卡.....
個個都set完之後我地就各自返屋企啦，我地去左買飯，買完之後daisy就去化妝，我就等佢化完先一齊走啦，
化左都ok耐下，不過化化下期間就落好大雨，之後我地就係間鋪頭度食埋飯先走，返到屋企之後我地就玩左一陣電腦，
之後就擦指甲油，擦左成個幾鐘，次次擦完之後都會整到，之後又夠鐘出門口啦，費事理佢啦，
因為趕住出門口，所以有好多野都未搞，仲唔記得左帶送比美玉媽份禮物添，跟住叫阿媽拎過黎巴士站比我，
好彩去到巴士站記得，如果上到車先記得甘就死得啦...
我地去到海港城果度叫阿魚出黎帶我地入去，跟住係酒店門口join埋茵茵就入去啦，入到去要簽名，跟住我地去完toilet先入去，
一開始係玩遊戲，之後就可以食野啦，d野食都ok既，之後就抽獎啦，都唔知點解抽左好多e班啊，有d唔公平，
我就一樣都抽唔到啦，嗚嗚.... 完左之後我地就影班相啦，我地班同e班爭個台影相，哈哈，好白痴.....
不過都係我地果班影先，好好笑.....之後我地就諗住去海傍行下啦，judy帶左一支吹泡泡既野去，我地就吹住黎影相啦，
，行左小小阿魚就話就話腳好痛要走，但係我地個個都好想行去果邊影相，我地就諗住帶佢去車站，跟住我地就返去行啦，
但係搵左個巴士站好耐都搵唔到，搞到我地都好累，跟住就費事行啦，甘就一齊走啦，差唔多去到車站時，
阿魚話要去廁所，甘我地就係地鐵站度等佢，順便坐係度休息下，之後就去搭車返去啦，
我地返到元朗之後阿魚同晶晶就返屋企，甘我地就去b仔食野啦，跟住佢地話唔知見到邊個就唔去，
去左711，佢地買左啤酒飲，我飲左一啖，不過覺得好苦就冇飲啦，之後佢地果班人又過左黎711喎，
一陣之後我地就諗住去公園盪鞦韆啦，跟住見到有個警察同一班人係度就冇去啦，之後我地就去返b仔，食完就返屋企啦。
琴晚食飯之前我用緊電腦，跟住食完飯之後我阿妹用左唔肯比返我喎，之後仲話佢用緊，好想打佢啊...
之後仲同人地講我咩咩喎，明明自己個問題仲好意思話人喎，都唔知咩人黎架!!! |
