今日又要返數學班啦，真係好唔願意啊，唔係唔想學，不過個阿sir有少少頂佢唔順，咩都管住晒，我地有半班係度傳紙仔，係度話個阿sir係咪著睡褲嫁，真係好似啊，仲係吊腳嫁添，好kid啊，成堂都無人蘇佢，靜到咩咁...無晒d上堂氣氛，真係好想以前個黃sir教返啊=.=''
之後返屋企，食完飯...開左一陣電腦，返新teen地。行左去昌運間柏斯睇吉他，想買支新嫁，不過好似唔靚ga。我覺得自己一個的感覺永遠是最好的，又可以諗下野咁...不過唔好成日做獨行俠，唔係就會變成自閉嫁啦^^
唔知點解呢，返親新teen地&教會都會有一個家的感覺，會睇到有關心的，開心的，互勉的……好開心，團歌→「可愛的家」....會好感受到呢份家的感覺^^
今日聖經話劇...幾好玩，哈..好多無里頭，我好想左個bb啊，-.-次次都俾人屈做耶穌~.~好彩我地過組唔係包尾姐...
跟住要做咕里，同ball王，alan&紹銘去買野，聽日弟兄組終於有一次有野食啦，好開心，難得一次，....哈^^
買完返去同toby，阿君，yan等人吹水，阿yan好童真，話好想要氣球，幾歲啊...跟住入返校牧室繼續吹，原來佢地仲未走ga，又話去剪頭髮，原來等埋idol先去，無端端唔知邊個話魚缸得一條魚好寂寞...Christeen姐叫我去買多條，跟住我以為講下，佢地真係話去買....好多種類，都唔知買邊樣好，睇到眼都花啊，唉...都係聽日先考慮買唔買啦...

今日自己返學，差唔多返到學校先記得自己無帶個茶壺，唉…尋晚整得咁辛苦，唔知點好，岑老師話今日交添嫁，實俾佢鬧啦-.-一路行一路祈禱，希望無事啦^^
今日班主任又訓話啦，又係葉老師，我自己以家都覺得有少少內疚，都好同意mrs ng講ga野，有陣時係咪真係太自我中心呢，好ga就聽，唔好ga就唔聽，其實老師背後我地係唔知嫁，佢地的辛勞我地又知幾多啊，我地真係要好好聽書啦，唔為下自己都為下人地啊，真係有d人想聽書啊，求下你地下次唔好咁啦，唔係李sir又咩嫁啦，好彩李sir今次無發火，唔係真係非同小可囉….小得罪為妙。
葉老師唔返都要評估-.-有好多唔識做，救命…
化學堂去做水晶膠，好好玩啊^^個個都好用心去做，整出黎一定好靚啦，哈哈…
小息去搵岑老師，佢竟然無鬧我ow，叫我聽日交返，真係好彩，感謝神~~
lunch過陣去聽師生歌隊唱詩歌，好好好聽，good X 10…
有好多詩歌都好鍾意，遇見神，踏上彩虹等…
放學團契仲精彩，S3 FILE~~講上天堂和落地獄，我覺得ok啊，不過好似比想像中悶，無上年咁精彩，文駿今年又有份上去客串-.-不過佢做得都幾好ow~~
完左之後去校牧室叫阿ball教我彈「誰曾應許」，講就易囉，彈起上黎真係有咁上下功夫先得，慢慢練啦，希望半個月會練得熟啦，多謝你啊，阿ball…
~~~~~~~~~~~~~~~~~~~~~~~~~~~~~~~~~~~~~~~~~~~~~~~
以家係23：53~~好眼訓，今晚練得好攰啊，哈哈，練左一晚，識左兩段啦^^繼續加油
我以家仲未向過人傳福音啊，聽日係最後一日啦，點算… 

今朝…哈哈，終於無行河啦，好臭，選舉左行昌運過邊，返到去無靈修啊，唉…好唔自在，曲騏話唔想上ow，今日又要早會，慘慘~~校長又講野啦，一個月講次ow，好彩佢講話話一個月講一次炸，大家話係咪先。第一堂英文堂，要我地出黎講星座，勁唔服=.=我地雖然講到好多字唔識，但比劉億利過組講得好ow，但我地就fail，人地就past，mrs ng都唔知搞咩，我同mickey都勁唔踞-.-
過左一陣無咩啦，繼續上堂，中文堂miss葉又發火啦，我地班都唔知搞咩，越黎越嘈啦~.~唉唉唉..
pys唔知郭sir講咩，3原色ow，唔聽啦，完全放棄。
lunch落去聽福音電台，誰曾應許第一位啊，勁無奈，無俾人點唱到，我都有點呢首嫁，但抽獎又抽到我-.-唉…朱古力俾嘉麟搶左~.~
今日上PE堂我地籃球勁炒E班，54比0….d人唔知係咪唔識打嫁，我都入左成10分，搞錯-.-
跟住去睇魔術，好精彩，出神入化，佢講福音過陣，我突然唔知聖靈再一次觸動了我，我諗返起為主來夢想呢首歌…
完左同阿君佢地係綠台吹水…跟住梁家寶(唔記得佢新名)係度表演魔術，緊係不容錯過啦，呃左我兩蚊，有陣時魔術真係可以俾到人有歡樂嫁ow…哈哈~~