唉-.-.......... 返工唔係做野辛苦, 而係比人煩住......個種感覺唔係好好-.-....有點起雞皮作嘔既感覺......

件事係點?? 等我慢慢打出黎吧, 因為我已經開始有點忍唔住........

第一日返工, 我未有制服,咁就著住其他舊制服先啦, 都有兩套架啦~

個分區經理就話叫我跟佢去第二個商場度拎多幾套更換,

咁好啦, 佢就渣車載我去另一個商場.....依個時候我已經覺得怪怪地, 正常應該叫我自己坐車去架嘛...

咁我當佢驚我唔識路車我啦.....

到第二日返工, 依一日下午要去南昌個邊個商場開會,

當時有主管<丫趙>,主任<李先生> 同埋個個分區經理同埋我 , 一行4人......

咁差唔多開完會, 個分區經理 無啦啦行埋黎我度話 車埋我返屋企.....

我心知不妙, 即刻扮話要返青衣同丫媽食飯, 都唔順路唔洗車了!!

唉-.-.....

跟住到今日第三日, 我發燒無返工, 咁下午等睇醫生個時佢無啦啦打黎,內容如下;

佢問:『慧慧, 做乜今日無返工?? 係咪工作太多所以怕左無返工呀??丫趙同我都好擔心!』

我答:『唔係呀, 我今日發燒所以先無返之麻,同埋我都唔覺多野做,我聽日會返工架!你地放心!!』

佢答:『原來係咁, e...昨日本來我都要過青衣架,不過後尾細佬點點點點點點點.....乜乜乜乜..』

<講埋d無聊野-.-...>

我答:『哦...係咩?!...到我睇醫生啦,唔講住...聽日見..88』

我即刻扮到我睇,咁先收左佢線..... 依一刻開始覺得 唔係我多心, 佢係有點問題.....

跟住我打比家姐話佢知, 跟住條分區經理又打黎.... 我扮睇唔到-.-唔鬼聽佢電話.....

到頭先岩岩夜晚9點幾左右, 佢又打黎....訓訓下覺比佢嘈醒左,

咁今次我聽啦....

佢就問:『你屋企旁係咪有間商場叫event 架?』

我答:『係呀...』

佢再講: 『我有兩張戲飛, 聽日9點30分架, 我送比你同你d朋友仔去睇呀!』

我聽完呆左一野,再答:『唔洗啦, 我都唔係禁鐘意睇戲ga, 加上我又病病地, 聽日放工都返屋企啦!多謝你先!

你自己唔去睇??』

跟住佢就答:『張飛係買車個時車行送ga, 我自己一個睇 ,又多左張嘛, 廢事曬嘛!!』

我答:『哦...原來係咁.....』

佢再答:『um......你訓緊覺呀??』

我答:『係呀...哈哈...』

跟住佢答:『呀...咁唔阻你休息啦!』

跟住我好快咁cut鬼左佢線-.-.........

大家聽完覺得如何???

係我多心左?? 定係佢有點問題 ??

因為我感到好作嘔-.- 好核凸..............

最核凸既係每次佢同我講親野把死人聲,懶溫柔.....還有弱智樣..........!<好想打佢幾拳個d...>

好苦惱 , 跟住我話我老馮知, 佢就話 小心佢下午約埋你食午餐-.-...睇你點拒絕....

我都呆曬-.- 約人食飯依個藉口用得一兩日,咁三四日後呢?? 點算 -.-.........

我問過家姐丫媽, 同埋一些朋友 , 佢地都覺得有點問題個個分區經理.........

依份工其實 其他同事都好好人, 好nice....所以唔做既話好似有點可惜.......

好亂個人-.-........

如果直接同個分區經理講我有未婚夫架啦, 一陣佢黑薄我點算-.-.......仲有日後會好監介架嘛.......

唉.......大家可唔可以比d意見我?? =.= 好辛苦咁樣.......

各位.......

我下年11月會結婚啦!!!!

依架已經搵左地方擺酒, 差落定就攪掂.....

大家有定心理準備收我張紅炸蛋吧@@"哈哈....

今日發燒 , 請左病假...... 一陣3點幾去睇醫生............

全身勁痛-.- 好似比人毒打完咁, 又頭痛,又咳......又狂流鼻水-.-...真係想死.....!!

依架開始要努力減下肥, 因為我要結婚個日瘦瘦的令令的=0=vv

做個全場最正既新娘=0=vvv 哈哈.....

寫到依度先~差唔多要出去睇醫生~~

今日去左睇擺酒地方,搵左幾間,價錢都差唔多4千5 至5千3左右.....

心目中都有想要既地方,依架差日子就可以擺酒結婚了^^"

我諗應該11月結婚, 但丫媽想我2月中結 -.- .....話我結完到佢結 -.-....o曬咀..........嘩卡卡.......

跟住夜晚老馮同丫文,歐家細佬,jay篤波, 而我就約左妹豬丫英個d打麻雀,

大約12點半打完回家, 我既戰果 嬴左8蚊=0=嘩卡卡....

我地打8番$128 , 戰果算係不錯=0=v 起碼唔洗輸...嘩卡卡....

星期五個日係青衣無無聊聊影左d相,

比幾張無聊攪笑相比大家望望啦^^"  <<我已經放左係新增相薄度,想睇多d就自己按相濁睇吧^^">>

我無無聊聊拎左細佬個書包影相-..- 上面白白地色個個.....嘩卡卡

寫住禁多先,眼訓了^^

昨晚勁唔開心, 勁無奈.....

發生左一件我諗都諗唔到既事,

事件發生係facebook ,

件事大約係點等我講比大家聽啦!!!

前日我既好朋友<A女>問我『乜你識得KING架咩??』

咁我就答佢:『唔識呀...』

跟住到昨晚佢問我『你唔識又ADD人??』

我答『你話你唔會亂ADD人,ADD親都係識GA,咁我諗住你有其他我識既人呀嘛,咁咪去你個LIST度ADD曬D人,咁包有個中係識架嘛!!』

跟住佢就答『你都得架啦你,係人都岩,小心有人呷醋...』

我聽完依句我著左火咁,真係好嬲....但又唔想破壞左大家既友誼,

所以就答佢『你呷醋呀??我都唔知ｄ舊同學叫乜名，咪ａｄｄ曬你LIST D朋友囉∼，

仲有ADD左一定要講野架咩？我個LIST大把人都無講過野架！

你個句係人都岩會唔會過份左ｄ呢∼我覺得有點過火左∼』

跟住我再講『條友禁樣衰，要溝都唔溝佢啦！』

跟住佢答『呷醋關我咩事?我講緊你條仔呀,個句說話我唔係咁既意思,你誤會左意思啦，咁對唔住囉』

跟住我諗住-.-整番和平氣氛,同佢講『放心啦,我del左條友,你都唔好禁火,冷靜d,乖乖!』

之後大家再無講落去了.....

<<< 以上個D對話都係FACEBOOK留言板度講GA >>>

我話比我條仔老馮知依件事後,佢都O曬咀....跟住係度笑.......

我問佢笑乜....我咁樣比佢話法好激死......

佢就答我 A女一定同個個男仔"有路",驚你搶左去, 先講埋D禁衰既野.......

我真係好無奈囉 -.-..............我都無諗過ADD人會發生D咁既事........

我真係好嬲個句野, 你話我乜都得,但係個句野就唔得...........

好討厭的說話.....

我不停係度諗點解佢為左個咁既人而咁樣話鬼我,

可能好似老馮講咁, A女鐘意條仔掛 -.-.......唉...............

我依架DEL鬼左條友,廢事煩.............怕左了..........

以後ADD人都要小心D先得......ADD人變成得罪就慘了.......................

昨日早上就接到電話 , 石籬個邊請左我 , 都算預料之內^0^哈哈....

不過新鴻基個邊制服令d , 所以矛盾左一陣 , 諗左一陣 , 最後決定做石籬了.....呵呵...

依個決定係由丫媽 同老馮既提意....^_______^" 我都覺得石籬返得輕鬆d , 唔洗返禁夜.....

之後下午就去左驗身抽血 , 超可怕 - . -" 支針好大支 , 個針頭又粗 -.-.....超痛...................

回想起2年前細路 同我要抽血 , 細佬驚到面青曬.....真係青個隻.....仲有成日震.........幾鬼恐怖=..=""

依架終於攪掂曬 , 等埋佢份報告出 , 就可以約時間簽約同返工了......^^"

見左兩份工之麻, 就有人請.......我真係成世幸運=00=v 哈哈.........

我發覺日記隻歌無左 , 原來上次上載失敗左 -.-.........

今次用過第二個上載野既網 , 希望唔好再無歌仔=..="

今次我既背景音樂係好正好正既歌 , 個名叫 You Are My Angel ............

之前睇電視聽第一次已經深深吸引住................真係超正超正!!!!!!!!!!

大家有時間聽一聽 , 唔會曬你好耐 , 隻歌好短ga...............^^" 希望大家鐘意.........

仲有我個相薄重開番@_@ 更新埋背景音樂....大家得閒望望吧~