星期六夜晚我同老馮去左白沙灣釣魚,起初天氣都唔係好差,無乜風,
我釣到一條墨魚,兩條魚,老戚都釣到一條,
之後釣釣下,有兩個唔識既釣魚人撩我地傾計,咁就一齊釣一齊傾計,
點知突然一陣強風吹跌左其中一個人盒虫落海, 之後再吹到我張chair訓低左,
之後老馮就笑話:『嘩,連我張chair都跌埋落地...真勁..』
講完依句之後突然有個人大叫:『大家小心呀,有水龍捲...』
未聽得清楚既時候已經有陣超過80k既強風吹埋黎我地度, 三面都係海, 我同老馮就爬左係地下,
因為我地走唔切去d柱後面, d風吹到d雨好似石頭咁打落我地身上, 痛到仆街....
成身濕曬 , 連條底褲都係雨水, 我就用盡力搵隻腳踩實條柱仔, 隻手就攬住d野,
我就大叫:『都底要撐幾耐架??好鬼凍呀!!!』之後有個無著衫既男人同我講:『撐住呀!!命仔緊要呀!!』
陣強風大約維持左6分幾鐘, 但我覺得過左成個鐘咁, 之後風勢無禁強既時候, 我就立即同老馮汁起D野沖入架車度,
之後上到車, 渣回頭睇下頭先D人洗唔洗幫手, 之後我地就載左一個男仔車佢回家...之後就開始回家,
但真係好可怕, D路都有好多樹跌曬落馬路度, 終於平安回到家, 但係個心仲好驚,
因為差D跌鬼左落個海度, 有種好似坐過山車無左突然無左安全帶咁既感覺...
依D經歷真係不生難忘....
『水龍捲』= 海上既龍捲風 , 萬一跌左落去, 一定實死無生!!! |
