2009-11-05
陸運第2日
冇再搵人簽衫
因為為簽而簽真無聊
但係   禮社竟然可以丙姐接力拎冠軍......
真係感動
外藉生係度玩數獨
我都好想提佢
但係小弟既外語能力有待提高
都係算啦,,,,,
不過我最想睇既啦啦隊我都睇唔清楚
真係.....激死我

頂  點解係呢個咁重要既節日我都冇帶相機
而家真係有少少後悔
不過我覺得班友好搞笑
例如陳某人咁
話捕捉最動人一刻
當然   影左張相就可以永遠保留呢一瞬間
但係用左相機所影出黎既野係死
最多都係一個畫面
見到既只係僅僅一刻
自己對眼見到既先係最活生生最真實最值得放係心中
但係你竟然捨本逐末
要影一張相黎放棄自己心中親眼見證既回憶
現實就真係冇可能兩全其美?

運動會後遺症
肌肉疼痛
我諗聽日我唔駛行都得.....
好痛......
跑之前又唔做熱身
玩時又格外投入
咪搞到咁囉.....

真係玩夠喇
好收拾心情
我仲未做任何準備去應付考試.....
聽日唔可以再幻想喇
要踏實少少
要留低就要犧牲一下咁啦