今朝早6:00起左身，好眼訓...... ~0~
因為約左Nicole一齊用早餐券係大家樂食早餐。
學校樓下明明就有一間，Nicole又話好污漕喎，結果要我特登走落去筲箕灣... =.=
落到去又唔見人喎，我又冇帶電話，忽然間見到有個公眾電話，於是用佢黎打比Nicole~
原來佢係D出口，我就係A出口等左10分鐘...
去到大家樂，張券上面D野又未整好喎，結果要用 $19 自己買早餐，仲搞到得返好少時間食~ (/ . \)
終於返到學校，第1堂係 Class Period ，第2堂係 Music，有D人要考試，不過我唔使，第 3 & 4 堂係中文，考口試...
結果我成朝都好得閒~ 仲幫左班畫 Dance Con. 件衫~ ^^
Lunch Time，因為尋日好少人去幫手，搞到做唔哂D旗仔，今日要再去過~
April、暉暉 佢地又叫我練 Music考試 喎...
結果我唔去練啦，因為要食飯。
食完飯之後，我去o個個 Rm 度，竟然冇人！
又比人昆左，仲冇練到 Music 添~！
成日都要作埋D冇意義ge犧牲，我真係愈黎愈頂唔順呢份苦差事.............
遲D仲要寫信比每一個同學，D人都唔會回嫁啦！
回左信ge人，結果咪同我一樣無啦啦比人塞左份工黎做lo！！！
條氣真係好唔順，我成日都諗：點解會揀中我做關愛大使？？？
我無論係學校定邊度，都只係一個成日被無視ge小女孩... T.T
究竟係因為D人 以為我對人友善=關心人？定係隨便抽？
同時，我都唔明點解有D人咁主動關心人？
揀人做關愛大使，係因為佢地人緣好，多人關心；定係一樣冇人關心，不過睇化左？
可能佢地真係覺得與其坐係度無人理，不如主動去關心其他被忽略ge人...
返到屋企，媽媽已經坐係度彈緊琴。
因為佢學校今日水運會，所以佢咁早放。
我一開電腦，先上D fds ge Xanga & Blog，佢地個 Xanga/Blog 有好多人留言ar~ 所以我都唔執輸，嘿嘿！
但係轉頭上自己o個個，篇篇日誌都係 0 Comments 的.................................
好失望... 點解我去關心人，人地又唔黎關心下我？？？
枉我仲日日都寫齊，結果係徒勞的.................
希望大家都留句言，呢樣都唔係一件好難做ge事o者............ @^@
