今朝6:00就醒左，可能因為已經訓到訓唔著...
係床上面hea到45分先起身，諗起：冇發燒=返學，返學=交功課，功課=普通話作業，普通話作業=未做！
所以就即刻搞掂左本普通話作業。
我諗住Nicole 7:20都未打比我，可能以為我今日唔返學啦！於是就唔趕唔趕咁食早餐。
點知Nicole 7:30過D先打黎，我7:40過D先出得門口，覺得自己咁遲，Nicole應該唔會等我啦！
見到架529，所以就上左車。跟住打比Nicole，原來佢仲等緊我！
Sorry呀！Nicole！ ~ :P
第5、6堂係Elit.，有最後兩組做Drama，呢兩組都做得好好呀！
尤其是係Anna，D acting 真係好勁！
Lunch o個陣，雖然好曬，不過我地都落左花園食，除左Janice。
Nicole話Janice遲早好似Maggie咁，因為怕曬到出雀斑而唔落黎食啦！
跟住係EPA堂，有 Dictation，但係我都冇乜溫過，所以錯左3個字...
不過o個3個字，其中ge Career範圍入面冇嫁！Miss.Chan 仲話好容易，never mind... T.T
最尾兩堂係HEC堂，今次要交件公仔衫ge紙版，其實我覺得自己做o個件唔係幾o岩身，不過 Mrs.Tam 話OK喎~
之後我地可以剪布，不過婉芳姨姨會比D中國衫ge布我，所以我唔使o羅。
不過我都o羅左D，諗住如果有時間，我可以做多幾套衫嘛！
放學有個整校刊ge Meeting，我同 Nicole 負責整 School Song o個版，我地淨係用左1個Recess ge時間就搞掂左，
但係今晚返去唔使趕補工，又唔使比人踩，D姐姐仲話我地做得OK喎，真係好！ ~ ^^
今日好返好多啦！冇發燒，淨係流鼻水。
好多謝大家ge關心~ ^.^
