六點起身，發覺個身出左好多汗，於是開爐沖涼，沖完涼真係爽爆啊~XDD  之後就執野番學，一番到去就做ERS，不過最後都做唔晒，咪唯有欠囉！跟住姑姑又話連個張咁既英文ws都要收喎，好在趕得切係小肥交落去前比到佢，如果唔係就真係仆街喇！之後上中文，"2C劇場"—"啊慈捉鬼記"，係咁搞爛gag......=.=""小息個陣收到料話掛左「紅雨」，hazel仲話係佢係香港既最後一次「紅雨」......=.=""跟住係英文，又係無無聊聊咁過左。再跟住係maths，隻死雞又教新野，出左一成力去學......XP"小息之後係DT，做埋份project佢，之後畫側，基本上只係畫左幾筆~XDD""到放學，「紅雨」都未除下，同teresa、hazel、潺燕搭車番粉嶺~

番到屋企沖涼，之後換衫出街搵潺燕佢地，hazel請客，去德興食魚蛋粉，死人潺燕係到開「性經班」......>v<""食完去hazel屋企，佢話幫我個日記整skin，佢咪又係上網抄人地既......=.=""跟住同啊媽&姨媽出屯門醫院探啊婆，佢好精神啊，仲肥左tim，真係希望佢快d出院。番去上水同啊媽&姨媽食吉野家，之後搭火車番屋企。番到屋企，第一時間開電視，睇「飛短留長」，睇得一半咋，跟住睇<15/16>，勁搞gag啊！