今日測IS同中史，IS唔洗講啦，測驗時間9個字，我3個字就做完，結果係點，心照啦！訓左半個鐘跟住就落左去，又被hazel同李雋文玩「門神」，好無奈，根本溫唔到書，然後番上去，PE代課個啊sir監考，狂笑~XDD"" 見到份卷，差唔多識晒，點知又係唔夠時間做，好抵死啊......><""  放學去左婦女會搵啊媽，食埋飯先走，無奈......=.='"

然係返屋企換衫，之後去老麥搵michael佢地，點知出左門口先收到kelly電話，話要遲d黎，同michael佢地係粉嶺中心行左陣，然後番去，等到佢地黎齊先記起自己唔記得帶相機，勁無奈......=.=""  call啊媽，番屋企羅，跟住去MK~

去到就即係去旺中，係零密搵到最後一隻「555」(好開心啊，終於齊喇~^^)，跟住開始行，去左間賣木製品既舖頭，買左個音樂牌比契媽，成百蚊啊，不過唔緊要啦，kelly都買左個比自己，佢同我個個都好靚嫁~>w<"  jackie佢地買左隻介指，之後同kelly佢地一齊行，點知走失左，搵黎搵去，好在最後都搵得番......=.=""  後黎行行下，danny佢地話要去第二度行（kelly個時己經發緊嬲嫁喇......><""），借左部我電話比kelly。

點知再行左一陣，danny話要去行模型舖，問kelly羅番部電話，跟住同佢地行去睇模型......（如果我係kelly實會殺左danny啊......）行完之後，michael話要番去搵kelly，我搵1樓，michael搵2樓，最後我好快就係1樓搵到佢地（睇黎michael同kelly好似無咩緣份......=.="），之後就走，去到火車站，michael佢地話去老麥，同kelly佢地講「佢地可以唔去。」點知佢聽完就即刻轉身走人（又講錯既......=.="），好左後來又係火車站撞番，一齊搭去尖東先再搭車番粉嶺，落車之後，其他人都番屋企，同michael一路行一路傾，搞到佢遲左番屋企，不過了解左佢好多~

夜晚，同michael傾電話，傾左唔係好耐，我同佢都無咩點講野......（唔知點解同佢總係見到面先多野講......），之後再同kelly講電話，傾左勁耐，由9點幾傾到12點。

我本來諗住今日會好開心嫁，點知最後變成咁......不過唔緊要啦，我相信下次應該唔會咁嫁喇~