Sorry，咁耐都唔打日記，希望大家見諒~XP"

今朝一番到去，就做中央作業，跟住0745就開始行落去準備開會（今日有好多人遲到，而且個個既藉口都係火車遲左~><""），唉，今日係最後一日要on C組喇，真係好唔捨得啊！然後番上去，中途聽到陳sir宣布話唔洗早會（但係逢星期二、四，都係晨讀日，唔洗早會......=.=""），見到Teresa個陣，我個心就「拿住拿住」咁痛......之後開始晨讀，羅左本《再說一次我愛你》出黎睇（真係好好睇，雖然只係睇到一半，不過都係勁感人嫁~）。

 第一堂係音樂，要表演，好緊張，係度狂笑，點知都比Ms. Soon讚我地個組（都有讚過我講野個度夠大聲......=.=""），之後第二堂係中史，對作業，「企鵝」無啦啦叫左我起身，我都唔知咩事，今次我明明題題都有寫左野（點知佢叫我起身係因為我寫得太少，咁我今朝番黎趕頭趕命，為咩呢？），結果要抄"元"既課文三次（頂佢，我尋日先抄左一次交比佢咋......><""）。

跟住上Eng List，同潺燕傾左一陣（上Ms. Chow堂真係越黎越有趣，無啦啦將"tim"變成"dim sum"，唔知下年仲係咪佢做班主任呢？），跟住CL，整programme，然後交去e- class，好簡單咁完成左份野~之後係IS，同michael講左我同Teresa既事，潺燕就係度訓覺......><""

Lunch出左去食，去左老麥，不過我係羅住自己個飯盒去，勁kai......=.=""一路食既時候，我都好內疚，不竟都係我對唔住michael，不過我相信佢既！之後番到黎on duty，四民兄唔得閒，所以搵左陳紫宇黎代，跟住同佢一路on，一路傾計，都幾輕鬆嫁~XDD" 跟住係公民，玩地圖，好搞笑，將D資源四圍貼，哈哈~之後係中文，教創意寫作，我一路聽書，一路留意Ms. Fong個d小動作，過左一堂睇ETV之後，就叫我地"隨口UP"，作左好多好搞笑既故事~

放學，跟住Teresa後面，本來我想跟耐D，不過約左啊媽去醫院探啊婆，所以早D返去。去到醫院，啊婆初時都仲未由手術室推出黎，搞到我地好擔心，好左後來佢都推左出黎~見佢無咩事，我地先安心走。之後同姨媽、表姐佢地搭小巴返屋企，途中講左好多笑話，勁搞笑~