今日,好早起身.搞掂曬d野.汁靚個型仔頭. (落左好多髮泥)

出發去皇后碼頭集合啦!去到原來已經好多人係度.

等多左一陣,好野上車出發lu~係車度就同傻仔舜係度傾鬼怪.

傾下傾下話咁快就到lu~衝呀衝呀~gogogo~去到個度原來好凍的~

大家好快咁搵左個靚位.開始透爐.整左鬼死咁耐喎~好彩有阿達佬係度~

唔係透到聽日都未得呀~多得佢我地先可以坐低慢慢燒野食~燒左四粒魚蛋仔~試下先...

唔好食既~算啦~唔燒啦~走左去周圍行行企企咁啦~一行就行左兩粒鐘.好無聊呀~!

不過,個度d風吹過黎都幾正好爽~搞到我鬼死咁精神.本來想訓下覺既,搞到訓唔到喎~!

行下行下,呀~見到肥浩佢地喎~訓曬係張椅上既~走埋去睇下啦~哈~佢地班野原來飲完酒.

肥浩同龍哥仔仲醉埋tim~唉~肥浩都冇乜野既~龍哥仔就大件事lu~醉得好勁~仲發酒癲.

哈哈~笑死我啦~訓訓下係度傻笑~仲叫住要再飲(好明顯發緊酒癲)之後玩下玩下~我地用水淋醒左佢喎~

佢都唔知咩事先好笑~佢話訓著左~之後醒左就成身濕曬~問佢做咩傻笑啦~佢可以話冇喎~唉......醉到咁既樣

之後,同佢地玩多一陣,夠鐘要走lu~咁就上車走人啦.係車度想訓下都唔得.好鬼嘈呀! 都唔知佢地邊度得黎咁好精神

既~! 唉~嘈完一輪~終於到啦~ 咁就行番屋企lu~番到屋企~原來歐陽打過俾我~咁就打番俾佢啦~傾左一陣.再打俾

Yuki傾計啦.佢真係忙嫁啦傾左兩句咋就要收線lu.想傾多陣都唔得tim~ 不過佢唔得閒冇理由阻住佢既.

跟住同華dee打左一陣機啦~跟住既野唔打住啦~打左好多啦~好累呀~休息陣先~!

裝作沒事地,時常都以一個開朗外型待人.但有時也會忍不住會默默無言地發呆.

這都因我想你,這感覺難以形容.或許你也曾經嘗試過真心真意地愛一個人,

但你已有很久沒見他.那刻想起他.那你便會知道是怎樣的.不好受吧!

是的,因我就是這樣!難道愛人都有罪嗎?還是我們跟本不知道什麼叫愛.

定是一個人單思就是這樣的叫人難受!希望他日的我能走出這此感覺當中.

愛的魔力如此的大.他日能走出又如何.可能又會忍不住乖乖地歸去那感覺當中!

怡

  今日,學校搞聖誕聯歡會.唉~講起就慘啦.

番到去坐左超耐,好無聊.因為我唔係幾想同佢地一樣咁玩.

所以正係坐左係度睇,野都冇食呀.不過算啦~都係我自願既.

坐左好耐終於坐到走得啦~好野一天都光曬啦~點知......

我唔記得左要去買聽日旅行燒烤d野食喎.咁冇計啦~買左好多野.

就企係正街個頭等個兩隻野啦~點不知~俾班女仔見到.屈我地幫佢拎埋佢地包炭

等左好耐~佢地終於肯死出黎幫手拎野啦.wo~好野可以番屋企打機lu~

d野超重呀~ 唔想拎呀~唉~最後都要幫手拎左兩大樽氣水番屋企~

算啦~當練下手力啦~不過都唔係好重既.番到屋企.開機,跟住就同華dee玩aoc(1v1)

大家都扮曬野用隨機喎~入到去我抽中左法蘭克喎~都識識地用既~而佢就抽中左匈奴~

唔知佢識唔識玩呀~打下打下~30分鐘後我d分高過佢喎~跟住打左冇耐~佢話要食野喎~

佢話今場野我win~咁我就算啦~有得win~加上佢唔係好舒服~放佢一馬啦~下次冇咁容易嫁啦 ~

跟住都冇乜特別野啦~唔想再打啦~就打到宜度算啦~ 88各位~我去打機啦~

  今日,放學番到屋企.冇野做喎~

咁就上網聽恐怖熱線啦.聽左一陣,

又整整個日記仔啦,整完左啦.又再聽聽啦.

聽多左陣~唉~肚仔餓呀~唔聽住啦.就快食飯啦.

咁就睇陣電視等食飯啦~肚餓既時間真係難過啦~等左好耐呀~

好野~終於有野食啦~好味道~阿媽整咕嚕肉呀~ 食緊飯時,

電話響喎~咁就聽下啦~原來係班主任打黎喎~ 死啦~咩事呢?

哦~原來我未交讀書報告. 叫我聽日交俾佢喎~咁就食完飯就走左去做啦~

做完左就睇電視啦~唔打機 lu~ 睇完訓覺啦~  今日有打啦~冇偷懶啦~

今日偷懶,唔打啦~ 訓覺緊要呀~ 敬請大家見諒  我都唔想嫁 係華dee偷懶先 我有樣學樣嫁~

  今日,體育堂要跑千六米呀

病左唔想跑,都唔得呀~算 頂硬上啦

跑呀跑呀~唉~累到阿媽都唔認得呀~

好彩,都玩得唔差既.7分09秒 算好嫁啦~

病左都有咁既成績,不過下次我一定要再跑6分幾既成績

因為今次病左先咁慢.上年最快都6分幾.今年差左少少.努力加油呀~

  今日,考左數學統測.成個人都輕鬆曬.

終於可以輕鬆下啦,我等左呢日好耐啦.

阿媽番左鄉下,今晚要自己去買飯食呀~

食完之後,悶悶地就玩下電腦啦.唉......就係咁無聊

帆仔加華dee大戰4個肉手  

  食完飯,打俾華dee玩aoc.玩左幾場,

幾場得win.但係打到最後果場,超激呀~

入到去得我同華dee打.因為個兩個同盟是on9的.

咁就死頂啦,打到30分後,慘遭sm喎.點都頂落去.

打呀打呀!頂左好耐.我清一個國,之後就係咁頂啦.

打都冇得打呀.好彩我地都夠勁啦.頂左佢地超耐.

最後,華dee死埋佢隊馬弓 .哈哈,笑爆肚.俾人sm馬弓.大家齊齊棄lu.大戰結束. 唉.........

  今日,冇咩野特別野發生.

所以唔打啦,貼張圖片算啦.

  今日,訓到好晚先起身.

沈晚搞到成一點鐘先訓呀,所以先咁懶訓.

起左身食左早餐,又坐落電腦台打機啦~

玩左一陣,華dee打黎,咁就同佢一齊玩啦.

都玩得幾happy差唔多場場都win既,haha

勁呀~好似冇人夠我地打咁樣呀~

自信番曬黎 ._.v玩左好多場.

跟住見累啦.唔玩lu 走左去呆坐.

宜家仲食埋晚餐tim~今晚繼續玩 kakaka