很久很久以前，某個國家的皇后在冬季生下了一個女孩，因此她被命名為白雪公主，

皇后在生下公主不久後就過世了，國王另娶了一個美麗驕傲的女人當皇后。

新皇后有一面魔鏡，她常常問魔鏡：「魔鏡呀魔鏡，誰是世界上最美的女人？」

魔鏡總是回答：「您是世界上最美麗的女人。」

但隨著白雪公主的長大，有一天，魔鏡回答皇后說：

「皇后陛下，您的確是個相當美麗的女人，但是白雪公主比妳更美麗。」

皇后非常嫉妒白雪公主的美貌，因此她命令一名獵人帶白雪公主到森林中，並將她殺掉。

為了確認白雪公主已死，皇后要獵人事成之後，帶著白雪公主的肺和肝回來，作為證明。

獵人帶著白雪公主到森林中，卻發現自己無法下手殺害這個女孩，獵人放了白雪公主，

獵了野豬，取野豬的肺和肝向皇后交差。

在森林中，白雪公主發現一個小小的農舍，這個農舍屬於七個小矮人，她在這個農舍中住了下來。

此時，皇后又再度問魔鏡：「魔鏡呀魔鏡，誰是世界上最美麗的女人？」

魔鏡回答：「白雪公主尚在人世，且和矮人們同住在森林中。」

於是皇后偽裝成一個農婦，到森林中拜訪白雪公主，並給她一個毒蘋果，當白雪公主咬下蘋果，立即昏了過去。

當七矮人發現她時，只能哀慟地將她放在一個玻璃棺中。

時光流逝，有一個國家的王子經過這座森林，發現躺在玻璃棺中的白雪公主。

王子被白雪公主的美麗所吸引並且愛上了她。他向矮人們要求，讓他帶走玻璃棺。

王子和他的隨從在搬運的過程中，有人不小心被絆倒，這一搖晃，讓那片毒蘋果從白雪公主的口中吐了出來，

白雪公主也因此甦醒。王子向白雪公主表明了愛意，決定結婚，並訂下婚期。

虛榮的皇后認為白雪公主已死，她再度問魔鏡誰是這個世界上最美麗的女人，

魔鏡的回答卻使她震驚不已，魔鏡說：「皇后陛下，您的確很美，但是新的皇后比您還要美麗。」

皇后前往參加了這場婚禮，發現原來這個新皇后就是白雪公主。

為了懲罰皇后惡劣的行徑，她的雙腳被套上一雙熾熱的鐵鞋，然後她一直痛苦地跳著直到死去。

三十年後，年華老去的白雪公主，穿上她最喜愛的華衣，打開一個密室，走到魔鏡前面，

問：「魔鏡呀魔鏡，誰是世界上最美麗的女人？」

幾日前開始...每一日唔係訓就係煲劇....一煲就煲到朝早6,7點...之後下午3,4點先起身...

亦因為咁...樣子開始有d殘...聽日返學...要早d訓...

今日下午去左慈雲山...目的係搵咸魚同同買衫...2百幾蚊一件乾濕褸...真係幾抵玩...

買左件黑色之後可能e幾日買埋件米白色...都係果句...易襯衫姐...

其後順便試埋m記個麻辣板燒豬柳飽...仲有麻辣麥樂雞...不過兩樣味道一般而且都唔辣的...

最近好似食得太多野~_~

我好似開始逃避某d野...亦重新評估一d野...

除夕...依然過着一個好無聊既中午...

夜晚7點...應約去左唱k...不過因為一d突發既事令我遲到...我經已早左出門口...

唱k...又係去九龍城廣場頂樓間Neway唱...不過去既人唔同左...比上次少左2個人...

但多左4個新面孔...而且我今次一首歌都冇點...只係唱其他人點既歌...唔多鍾意自己把聲...

一般黎講...多數人都唔鍾意聽由喇叭播既自己把聲...好似因為空氣同骨頭既震動頻率唔同...

除左唱k之外...都係玩下骰盅咁...其中有次十個人玩...包揼分隊...通常普通人都係出包先...

我同上次飲酒一樣...係要出揼先....鍾意一挑幾...少數贏多數先好玩...

而今次既結果就係我一挑九個人...不過有人自行跳槽幫我...變成二挑八...

最後我兩當然輸左...型...係要付出代價...就咁吞左一匙芥辣...由於我用凍朱古力好似送藥丸咁吞...

雖然咁吞唔辣...但係就搞到個胃好痛...

十點鐘...又係散場既時候...十個有九人個去左德福打機...包括我...仲撞到咸魚tim...

唔知點解...佢地玩既GAME都係我強項...例如射籃球...太鼓...仲有一部專玩小遊戲既機...

話得係強項...當然唔輸得啦...尤其唔可以輸比女仔...咁會嚴重打擊我自尊~_~

打打下最後就係機鋪渡過倒數...雖然同我預期有d唔同...但係都比上年好...

玩到散剩三個男仔...之後去左食車仔麵...唔使我出錢d味有d唔好意思...

2點幾...返到屋企...dl左兩套戲...「有隻僵屍暗戀你」同「地球停轉日」...

「有隻僵屍暗戀你」故事一般...不過都比佢嚇左次...而養眼鏡頭真係幾多...

總括係套不過不失我亦唔會比錢睇既港產片...睇完之後6點鐘...訓教...

1月1日...新一年既開始...由砌SF果日開始都係凌晨6點訓...下午3點起身...希望唔會變成習慣...

繼續睇埋另一套戲「地球停轉日」...睇完之後第一個感覺...「地球停轉日」同停轉完成無關...

故事大概係講述有個外星人同外星機器人黎到地球...(外星人係奇洛李維斯飾演)...

覺得人類會危害地球而消滅人類...奇洛李維斯係套戲既中後期啟動外星機器人既消滅程序...

最後由於奇洛李維斯同女主角既教授朋友既一段對話...決定比機會人類...停止消滅程序...

然後離開地球...總括故事都係麻麻...特技幾好睇...不過我個人覺得唔夠多...

8點半...去左apm打機...打到9點半...再去德福MCL同琴日其中六個人睇九點九既「神探伽俐略」電影版...

睇完之後...我作為「神探伽俐略」既fans都有d失望...因為電影版同TV版既風格好唔同...

(順帶一提...「神探伽俐略」除左TVB播既第0章天才現身仲有一個特別章...

係講內海薰身邊果個光光地頭既檢察官既一個偵探故事)

講返套電影版...除左一開頭同平時TV版咁用物理角度解釋返第0章結尾點樣擊沈架船之外...

成套戲大部份都係講湯川同果個數學天才等等既人物關係同背景...亦冇特別既殺人方法...

只係講數學天才點樣運用佢既邏輯思維黎預測警方行動黎幫真正既兇手脫罪...

而且女主角內海薰出場鏡頭唔多...係故事更係可有可無既存在...睇到最後發覺...

成個故事好矛盾...既然一早處理好屍體點解仲要殺多個人代替果個死者比警方查呢...

我諗我要dl再睇一次先明...而其他人都同我咁...睇完有點失望...

11點睇完之後自己一個去左打機...應該話冇人倍我打機先岩...打左半個鐘就想周圍行下...

e次係我今次冬天第二次夜晚一個人周圍行...人又唔多...條街非常靜...感覺真係好...

最緊要就係凍...每次周圍行個心都會好靜...有時仲可以品嚐夜晚先有既小食....

2點幾...返到屋企打我今日要打既日誌...打到e到...就黎6點....

ps: 雖然亦唔係次次都係...不過有時當我不安既時侯你都會出現...唔多唔少都令我舒服左d...

本來仲打我e兩日既體會到既野...不過打左咁長都有d眼訓....

e幾日不斷趕工...終於係琴日砌完部Strike Freedom (SF)...

之後今日再貼埋d水印貼紙(肩膀果d)...明知水印貼紙難貼同唔可以貼錯...但我都唔小心而浪費左一張...

最鍾意e張...

一閃...

全炮...

為左盡怏完成佢...e幾日搞到我6點先訓...嚴重睡眠不足...可能趕得濟...好多細節都好馬虎...

發覺自己砌GUNDAM最先砌頭同身...腳一定係最後先砌...因為最唔鍾意砌腳...

每次砌都覺得砌得唔靚...不過比起腳...我更唔鍾意砌SF d浮游炮...

試想想...一支浮游炮由兩件膠組合...八支有十六件膠...而每件膠都一模一樣...

打磨同一樣野 d 水口位十六次...滲線滲同一樣野十六次...都咪話唔厭...

最鍾意砌(SF)對翼...除左可以拉長之外...翼裹面仲有d槓桿既機關...

只要轉動後面果隻翼...前面同後面隻翼既兩條翅膀會自動張開...原理雖然簡單...

但因為轉翼同翅膀張開既幅度不一...設計上一定要準確咁計算...仲可以利用三四件好細既膠件實行...

抵BANDAI係GUNDAM模型上賺咁多錢...

e家諗緊噴唔噴一層消光油好...感覺上件野好膠...但又怕噴左之後d電鍍金冇咁閃...

聽日做下實驗睇睇...但砌完隻SF又衍生第二個問題...咁大隻野冇位擺= =

今日...都唔知自己做過乜...呆下呆下咁過...9點出左去打機...同阿達...阿KEN...咸魚一齊...

之後去左M記吹水...阿KEN今日失戀...咸魚同fish姐耍花槍...而阿達又比人鍾意...

我今日見過對方...都幾靚女...我相信佢地不久會成為男女朋友...

聽咸魚講...因為佢識人可以以二千蚊買到Burberry既乾濕褸...真係幾抵...可惜我暫時冇錢~_~

最近我所做既事令一個問題出現...我應唔應該為快樂而違背自己一直以來既理念~_~?

做事過人果關容乜易...但自己果關卻非常難過...或者我將自己逼得太盡...

琴日...一如既住係個無聊既上午和中午...阿娘依然係大陸...我依然一個人係屋企...

唯一特別既係...叉鵝飯貴左...平時買燒肉鵝飯只係16蚊...點解叉鵝飯要35蚊呢....

好唔合邏輯= =就咁買左個叉鴨飯...因為好耐冇食過鴨....有機會...再問下燒肉鵝飯幾多錢先...

夜晚10點鐘...參加左一個由KT ive d人搞既 x'mas party...9點先去apm集合...

(順帶一提...9點係吉之島買12件裝三文魚紫菜卷壽司只係9蚊...抵食)

目的地係KT 工廠區某橦大廈天台...點搞要係果d地方搞呢?

因為每個人參加e個party既目的都係飲酒...去到之後...

發覺會場面積都幾大...而且仲有間屋仔...應該有4百幾尺...而且設備完善....

仲有吧檯同調酒師...骰盅有數十個...每個酒杯內都有粒造型好似冰粒既燈...

十足十間小型酒吧...可見主辦者都算有d誠意...不枉每人比左150蚊入場費...

點解我會參加我都唔係好清楚...可能e排唔係幾開心...而某人又係咁叫我去...

在場既大約有7,80個人...多數都係唔識...玩玩下自然會識...

不過飲啤酒以外既酒都係第一次...好驚自己會「冧」...當然任飲果d唔係純酒...

有d溝左橙汁...利賓納等等...要純酒可以去吧檯拎...聽講要的話可以溝奶茶= =

但係佢用咩酒溝我就唔知...可以肯定唔係啤酒...

之後都係同d人玩大話骰...幸運骰...十五二十等等...輸左當然要飲...

有時我仲會一挑5,6個人...型...係要付出代價...而我飲黎飲去都係飲溝橙汁...

溝利賓納好難飲...1點半...抽獎時間又到...獎品有5份...每份都係現金獎100蚊...

e次抽獎方式特別左...入場果陣佢每人比左張5x5...總共有25格既紙...

每一格都寫上1-99其中一個號碼...中間個格仔係百搭...其餘果24個格仔號碼唔會重覆...

每一張紙既號碼亦都唔同...之後就好似六合彩咁不斷彈d號碼出黎...

再係張紙將中左既號碼記底...直至有5個中左既號碼連成直線先叫中獎...

遺憾我再一次中唔到獎....2,3點...終於有人「冧」左...果陣我都飲左好多杯...

應該有廿杯以上= =所以我都暈暈地...不過仲知道自己做緊咩同行到直線...

去左吧檯拎左杯熱茶飲就冇咁暈...4點因為有d fd走左同知道自己都飲唔到...

所以就返左屋企...5點...個頭痛到好難先訓得著...睇黎我都開始墮落...

今日...一起身個頭依然好痛...到左中午情況好d ...所以今日都係休息下...打下機咁...

7點...決定砌一年多前買既MG 1/100 strike freedom gundam豪華版...

對上一次砌模型...應該係1年前= =砌砌下先知...技術退步左少少...仲有唔見左支金色marker...

得返罐金色噴油...唯有砌住先啦...

最近諗返小學既事...小學既時候我好頑皮...經常整喊miss...而且亦試過比訓係到既主任體罰...

有一次落樓梯比一個我經常得罪既阿sir 「cake」腳...差d仆落樓梯...可想而知我咁多仇家...

記得中三果陣都係咁頑皮...不過都係惡作劇果d...我從來冇諗過入亦冇入過黑社會....

果年發生過一d事令我乖左好多...但我又唔記得係咩事...一直都好想諗返起~_~

自此之後我好守規矩...有時又太守規矩...有時亦會玩得好投入...可能開始懂事...

好羨慕以前既我冇感情煩惱...

待續......