由上個20號開始, 就為琴日既war game了解e方面既知識, 買裝等等, 20號果日, 試左阿ming支sniper m700,
真係好好玩同好準, 琴日, 我地21個人去左元朗一個叫戰谷既war game場, 有裝備160蚊, 冇既280,
280包衫, 車, 長槍(AK or MP5), 2000粒彈, 面罩同lunch, 所以真係幾抵玩...
至於我, 除左槍就咩都有, 好彩阿ming借左支FAMAS比我, 加埋紅點鏡, 方便我瞄人...
total打左4個場, 每個場打3局, 一局最多打20分鐘, 第一個係貨櫃場, 個人覺得最好玩, 因為每局我最少殺兩個人,
而且死左一次, 咁可能因為我team人勁啦, 阿ming第一局好勁, 佢用sniper ko左兩個, 手槍一個,
好彩同佢一team姐~_~(順帶一提, GAS分三種, 佢支m700用最差既134a GAS有1.4焦,
但係用Topgas GAS就急升到3.7焦, 應該會射穿幾個汽水罐, 如果用紅氣,
我諗應該可以打死人, 因為任何氣槍包括手槍一用紅氣都會超過法例規定既2焦,
以sniper黎講1.4焦唔算勁, 因為好d機槍都去到e個數, 但佢又唔用以用Topgas GAS= =
不過佢支m700開槍真係好靜, 比佢射中真係死左唔知咩事)
第2場就打迷宮(CQB), 所以槍都要教單發, 所以e場用手槍好著數...因為裁判話所有場都唔比了槍
(即係唔可以係牆後只係申支槍出黎亂射), 咁之後有2局我都係守大路,
因為我支係長槍仲有比佢地d槍準, 其中一局同對面守大路既肥仔俊支AUG互射,
AUG係cs到就真係幾準, 不過bb彈槍就...所以佢都係死係我槍下, 有一局就問人借左支手槍玩,
同ryan兩個人一齊衝, 果陣好搞笑, 係ryan同對方互射之後比我執雞之後, 有個人衝係我兩個3米內都射唔中,
比我地兩個殺返, 3局加埋殺左4個死2次...
第3場就玩大場(唔記得個場叫咩名), 而且重新分左3 team, 阿ming, ryan走晒= =
第一局, 冇殺到人死左, 第2局, 兜去對方後面殺左2個, 之後好7咁死係阿ken支手槍之下,
第3局玩搶旗, 兩team打最重火力果team, 可惜我支FAMAS出左問題玩唔到落去, 最終搶唔到旗...
第4場, 又係3 team, 戰壕場, 好大而且比較似平原, 第一局即刻殺返阿ken報仇,
之後自己分左心比人殺左, 果陣企係死人區望住肥仔俊一個殺3個, 所以第2局又玩搶旗,
肥仔俊果team負責守旗, 最後雖然冇死兼搶到旗, 但係就冇殺到人= =
最後一局, 我地負責守, 預左輸, 火力過低加幾個冇槍品既人, 想唔輸都幾難...
關於果幾個癟槍品既人, 真係唔想同佢地打, 佢地比人打中唔認啦, 又成日走火射親人, 了槍,
亂開槍, CQB教連發, 死左係死人區都仲要開槍, 仲想整爛租返黎既槍, 相信佢地人品都唔會好得去邊...
至於我隻左手比人射紅左一點, 背脊兩點, 今日成身都好酸痛...
不過我都會玩落去, 不久會買支M4, 因為配件易搵同多, 本來想買M16, 但揸上手覺得槍管太長...
好耐冇認真打過日誌, 覺得facebook好玩d...
|
