平安夜...只要唔係一個人渡過...我已經好欣慰...上年點過已經唔記得...

肯定既係響屋企到過...不過上年收到你今日話只有小學生會寫既聖誕卡...

所以我e家先知...原來你上年係小學生...

4點出左門口...去左apm打機兼搵3個人...打打下去左赤丸食野...之後又打過...

6點半...去左九龍灣等車去九龍城唱k...總共有8個人...4男4女...有4個人我唔識的...

到k房後...所有人第一時間都係出去拎野食...早知頭先就唔食咁飽...

基本上...由頭到尾我都係點左一首歌唱...不過佢地點果d我都有唱過下咁...

實際上...我係同人玩大話骰同幸運骰...某人雖然唔識玩大話骰但玩幸運骰超有運...

令我食左唔少芥辣壽司...第一次係人地面前流眼淚...相反...佢食就面不改客...

玩啤牌抽大小玩到我自己都覺得自己恐怖...要邊隻抽邊隻...

抽一隻牌既概率大家都可想而知係幾咁細...或者我既生活真係充滿巧合...

唔好再同我講六合彩...我都想得e樣野咁巧合...

10點...8個人返去九龍灣打機...係機鋪撞到queenie姐...同佢應該有年幾冇見...

拍住阿達2個人玩seed挑人地機...一向自問玩seed唔差既我點可以係女仔面前輸...

條pk阿達係我地打到對方剩返一槍血就win既情況下不斷話自己就死就死...

逼我鬼死咁急打埋果一槍血...贏完之後望住下阿達部機仲有5百幾血= =

食人地幾槍都唔死啦...就死就死= =

打完之後有d人走左...最後去左淘大食m記...之後返屋企訓教...

聖誕節...留係屋企打機...訓醒果陣屋企人都出晒去...整左d野比自己食...

繼續玩我既GUNDAM 無双 2 ...爆左turn A , F91既story mode...

之後玩惡魔GUNDAM先好玩...部機好用兼勁到離譜...

本身部機攻擊力高同範圍大...再加上特殊能力係將收過黎打...

簡單d黎講...即係成個畫面打晒...無双亂舞又夠集中...又可以變形...唯獨出招慢左少少...

又流鼻血...兩個月內第4次= =

ps:明明過得開心...點解個心會咁痛呢..節目...某個角度睇對我黎講唔係好事...尤其.......

琴日...survey既error只有8mm...唔錯...不過隔壁team只有2mm...睇黎再要努力d~_~

放學本來想去遊戲展...因此最後一日門票$10張...可惜5點已經閉幕lu...

返到屋企做埋兩篇英文作文...一個鐘一篇...但係做得好求其...因為10點先做而且聽日要交...

今日...有兩堂空堂...連埋lunch有3個鐘自由活動...無無聊聊就跟左佢地玩康樂棋...

記得幾年前玩過一兩次...再玩先知康樂棋原來唔少規則...玩左2局已經掌握到重點...

同桌球差唔多姐...而且...又比人話我學野快...

記得...成日都聽到人地咁對我講...例如桌球...籃球...頭d...太鼓...拍子機...野外定向等等...

總係比其他人學得快...又或者教識徒弟無師父...但有d事因為冇左動力而半途而廢...

所以先會輸比勤力既人...如果自己肯努力...獨當一面根本唔係問題...朋友經常咁同我講...

玩左無耐...miss訂既pizza就送到黎...原因係我地斑listening多過70%既人合格...

搶左三件黎食...已經有d飽...之後都係打下機...玩下啤牌等上堂...

返到屋企一陣又流鼻血啦...算啦...唔理啦...繼續玩我既GUNDAM 無双 2...

e排每當同朋友挑咩都好...最緊要贏氣勢先...增加自己信心兼嚇唬人地...贏都贏得易d...

中午繼續打GUNDAM 無双 2...想搵人倍我一齊玩...幫我d機體升 lv...

「格硬黎」好適合形容今集GUNDAM 00...

我諗睇過上集既人都覺沙慈同路易絲既重逢幾咁「格硬黎」...

今集仲要講部GUNDAM 00整部機體連機司可以量子分解同組合...

要比喻的話...即係有人向我打一拳...我既身體可以分開成幾億以上既細胞...

再係果個人後面組合返...再向佢還擊...GUNDAM 00真係變得愈黎愈「格硬黎」...

ps : 除此之外, 我仲可以點, 以前, 希望到底係咪真實~_~?

星期五做左一件作為一個學生好唔應該做既事...至於咩事係到就唔方便講啦...

夜晚7點...陪fd去左觀塘ive參加x'mas party...入場費$80...最主要係參加抽獎同食野...

第一隻玩既game果然係踩氣球...只不過係二人三足咁玩...我用既戰略非常成功...

令自己成為最後4 team...由於大家都唔敢出手...所以輸左既人都可以幫腳踩...

唔知點解...好享受比人圍攻既感覺...可能因為係比人圍攻咁勝出比起單挑勝出成功感更大...

可惜...最後比阿達個fd一手揸爆左...勝方係兩位女仔...因為冇人敢向佢地出手...

之後就睇人玩game同食野...佢地都係玩d爭蹬仔...辣辣壽司...做動作估野等等...

期待既抽獎10點先開始...有5份獎品...第一份就已經抽中我...隔離號碼既男仕...

當佢好開心咁出去先發覺獎品係一件粉紅色既睡衣連裙...仲要即場著= =

第二份係一棵迷你聖誕樹...e兩份係抽左人先話獎品係咩...

我既目標係2獎...wii一部...大獎8 gb ipod touch冇興趣...因為我有部16 gb~_~

3獎係迪士尼門票x2...有d興趣....不過到最後我都係咩都抽唔到...比fd呃左...

又話有20隻2 gb手指抽...邊知係玩game既獎品...近排好需要一隻...10點半...散場...

星期六...唔得記幾多點一個人出左去MK...目的係買GUNDAM 無双 2...

lunch已經諗好食海南雞飯...咁岩搭車搭到MK附近睇到間以泰式海南雞飯做招牌既餐廳...

咁就走左入去試...$42泰式海南雞飯連雜菜湯...味道雖然唔係我食過既海南雞飯中最好...

但都唔係最差...無奈係d雞肉有骨...令我食慾減左少少...食完就繼續行程...

去到好景門口對面條馬路...又見到d不得了既野...我架dream car 黑色GT-R R35...

完全比佢既霸氣嚇呆左我...冇錢買都想做下乘客...如果我當時買野飲...咁就錯過左lu...

買完game就去嘆返杯朱古力奶茶...e次等左12分鐘先有得飲...上次好似等左廿幾分鐘~_~

新之城間機鋪多左部果d用代幣推跌代幣既機...好大部...正式名稱有冇人知叫咩?

睇d人玩得好喪...唔當錢係一回事...玩GVG有贏有輸...MK d人果然比KT d人勁...

買返黎GUNDAM 無双 2玩唔到...無奈...唯有搵人教我燒碟玩...原來真係幾麻煩...

試完新機後就玩GOD GUNDAM既story mode...無理由唔玩自己既愛機先~_~

GUNDAM 無双 2 比上集好玩左少少同耐玩...最大分別係多左d大型MA同係空中出無双...