岩岩去左休息,訓醒左之後諗起以前好多事,
有時係度諗,點解當初要咁呢?可能係我錯,可能我果一刻頂唔順你
我真係好想帶你正式咁見家長(因為我屋企人係新年果時終於唔介意我有女朋友呢件事)
但係果時都分開左,新年果時真係好唔開心好唔開心,
最後當然希望你開心就夠,呢個總係叫做我唯一個支撐到我起返身既理由

初初好多時候得自己一個,我會係度諗冇左你真係好可惜,
因為我仲未愛夠你,我仲好想同你一齊,
呢幾個月真係見識多左,我發現自己有好多個"可能"既希望,但係見只有好多"不可能"既現實
初初果一個月,我會係度係咁諗:
可能柔柔都係一時貪玩姐...可能柔柔仲鐘意我呢...可能柔柔想我追返佢呢...
日子慢慢咁過去,我見到既只係:
柔柔冇可能再鐘意我,柔柔只係不斷憎我,柔柔佢只想我放手

其實我真係好多野想問你,但係我係電話入面真係問唔出口,
一黎,我已經唔知你講既野仲會唔會係信得過,
其次,即使我知道左,結果我想冷靜既時間一定比依家長
不過我知道既係無論結果如何,我真係好想好想你思路清楚咁答我:
你係咪想同返我一齊?

係!呢一刻我真係比唔到10萬個信心自己可以完全愛你,
但係我相信依家呢一刻我比到既係另一種既愛你,
呢種係友誼既愛,我可以關心你,接納你,包容你,
但係我唔想再好似個傻仔咁愛你,以前咁愛你,反而變左個好似比人點玩都得既傻仔
就連我都覺得好白痴,咁信你,信你會改,信你會聽我講,結果見到第2個比到種初戀既感覺你就唔要我
當然分手呢件事係因為我察覺到你同我之間有第3者先,
我真係好傻,點解好似我AR媽咁咁大方,
不過講真,即使留到你個人,將來你同我一齊同居既話,你都會覺得我煩,之後就跟左第2個人,
只係呢樣野冇可能發生,我依家最想見到你開開心心,唔單止面上,我最想睇到既係你由心而發果種笑容
因為只有呢種笑容先至可以配得上你.

希望自己將來會搵到一個治療到我既女朋友LA...
不過唔期望咁多,最起碼搵到個同我有共同目標--結婚既人做我女朋友
始終,拍拖唔結婚一黎怪,二黎咁拍拖黎做咩?倒不如搵援交仲好=.=

今日收工,坐係屋企附近間美心係度打PSP,打左成粒鐘,終於冇電了..
我先安安樂樂咁食早餐XD,食食下突然覺得自己愈黎愈宅~.~

之後既事就當然訓覺,不過返到屋企見到個後母...
頂@@!之後好悶就叫左車里龜陪我去玩馬機打發下時間
打左一陣間,我發覺自己既精神都唔多足夠,於是就跟左佢返屋企,

原本佢諗住去楊振問下野,但係最終冇去,而我係佢屋企度發呆
去到5點幾,我終於頂唔順,決定搭車返去公司訓,訓醒就接更XD
反正佢地都冇咩野所謂既@@

之後接左更,提早左開電腦,聽到我AR媽既聲音,
唉...我預左到時比佢捱"哦"

之後開面書閒逛,見到柔柔係度POST左段文章
我又即刻有霞想~.~我諗左一諗:
應該係同佢男朋友講姐...
跟住隨手打左句:你男朋友真係幸福,有你咁好既女仔陪你,真係羨慕死人
之後我就搞一搞E-MAIL既野,
再開返果時,佢叫我自己刪左段野佢,仲話好憎我咁打呢D野係佢FB上面,仲話同果個男仔無關係

跟住我有小小唔明白,可能對我仲係愛,可能對我只有恨,可能唔想有咁多人知,
又有可能根本自己都唔知自己想點,
不過點都好,我自己真係好想你開心,當初叫我只係放手,你就會開心,
因為果個男仔忙忽略左你,你就打比我傾計
依家你同我講同佢冇曬關係,咁姐係想我追返你AR...?定係叫我消失呢?

不過我諗應該係其二嫁LA..始終諗返起由分手到依家,我只係冇做到一樣野--係你面前消失
因為我做左咁多傻事,真係麻煩到你對唔住,但係我答應你,我從此唔再搵你LA...你應該會好開心好開心嫁何@@?
哈哈...當然仲有個可能性比較低既係你想我追返你,但係我暫時唔想做追人既事住,
一黎仲未好返,二黎我唔想比自己任何一個將來都會有個伴呢個希望自己,
樂觀D咁講,因為我仲未準備好
悲觀D咁講,因為呢個傷口我一世都唔會想佢好返
不過邊種講法都好,我都係唔想拍拖住,可能過多10,20年有日就會好快,不過希望果一日來臨得快D
因為我唔想變成一個AR伯果時先諗拍拖~///~

無論你係點睇都好LA...反正如果你想同我拍返拖果時,我諗我會接受,因為我仲係愛你
但係我會變左好多,我唔會再成日同你出咁多街,因為我講過我專注工作多D
相反,你唔想見到我,我會消失,我唔會再比你見到我一面,因為你講過我放棄你就會一定好輕鬆,對嗎?

唔經唔覺,同柔柔分手都已經1個幾月
我自己都係度忘我咁工作,陪FD玩,返工,陪FD玩,返工,陪FD.....
我連自己點休息同埋係邊度休息都唔記得左
因為我知道既係自己既思考唔可以停,一旦停落黎,我就會開始諗返以前既事
可以叫做最完美既開始...跟住我就會慢慢,慢慢咁變成一個廢青,成為一個無業中年人,
最後就好似我發過一個dream咁,你嫁比一個有錢人,而我都要靠你去到搵一份工...

但願自己唔好停下黎,不斷迫自己向前推進
真係好攰,唔打LA,訓覺覺@@

莊仔,訓醒就咩事都無嫁LA!

好耐冇打過野入去,主要原因都係因為忙住陪FD搞WAR GAME D野~.~

13/2/12
今日應你既要求陪你,講清來楚D,係因為有日你男朋友忙溫書覺得好似比人冷落所以先打比我傾計
傾計既內容都係我哄你,點知你喊左,可能你諗起以前既事又或者其他野,
結果我一時沖動就約左送你返去,到左3點幾放學,我係恩榮係度等,
等到4點幾打比你,你話要陪FD,我真係有小小火,但係我唔介意,我等
跟住我就記得你話想食糖水,我知道如果同你食埋我唔夠時間返工,
於是就順手買左個外賣比佢食,到左上車果時,我就比左佢食野,佢問我一唔一齊食,
其實我心係好想,但係我知道如果我食左既話,我就好似成為第3者咁,儘管你既本意唔係咁
之後你再講多句,我鐘意食你口水尾,但係我一再謝絕,因為呢個係我底線,
我唔會同一個同我冇關係既人兩份食一個糖水,因為我唔想同埋我憎自己咁做,
當然你想我後悔咪迫我飲酒LO...但係後果你自負LA...XD

之後我見你好冇癮咁食緊野果時,我將一支護膚野放係你書包,
因為你唔鐘意我再送野比你,但係我真係好希望你快D好返,完成我既心願
不過諗諗下都係講比你知有野送左比你,跟住你果時個面變得好怏,
你黑曬面問我買左咩放左邊?!我當然唔答,我唔想無啦啦比人將呢支好貴既野比返我
最起碼對我黎講真係冇任何用處,之後我就不斷講野,你就愈黎愈火,
到左最後,你暗暗講左句痴線,我真係火都黎埋,但係我忍,我只係不斷暗暗講粗口,
當然我知你聽到,跟住你就叫我還$,我果時係度諗,你同我計數,我都仲未同你計
我當年放係你屋企果1千都仲未叫你還比我,依家你叫我還1百比你?!
算!我唔介意,但係我冇咁多,於是還左$50比你

跟住我愈諗愈火,我真係好想打你,但係我落唔到手,始終你曾經係我愛人,始終我見到你心痛
於是我又講左幾句粗口就大大聲講"痴線佬走LA"

落車果一刻,真係好唔開心好心痛,不過同一時間同自己講左句"算LA我唔介意"
跟住就重拾心情返工,返去果時,望住曾經相愛過既街頭,一齊等車既地方,互相擁抱既車站,
心中不楚暗暗地流下眼淚....

14/2/2012

情人節都要返工,唉!不過都係一件好事黎既...最起碼唔想煩搵邊個陪,
不過我FEEL到錯左一個溝女良機XD,不過算LA,依家應該搵$為重@@

返到去就係度諗同你由拍拖到依家到底過左幾多個情人節呢@@?
答案...諗黎咪仲傷心~.~唔諗LA
之後見到振英哥係度成車巴士黎,係度係咁宣傳:
我粱振英今日同我太太粱靖兒祝大家情人節快D,happy ....
之後真係有D唔開心,但係我上司同我講:咁單身果D係咩?
我個心即刻好返D,唔係因為佢講呢句說話,而係佢老婆係大陸,
異地戀已經夠辛苦,而且仲要加結埋婚,可想而知佢想搞野果時都唔得LA...
真係替佢可憐XD
之後收工果時,因為佢又係住土瓜灣既關係(嘿嘿又識多左個土瓜灣友)同我同車,
同佢唔知傾咩,傾傾下就問佢澳門都好似咩玩
佢答我:唔係既...都係沖涼同賭錢LO..
我:哦..咁又係...沖涼係桑拿LO何?
佢:都係既..(停左幾秒)有小姐陪你LO..
好奇既我問多幾句先知佢講既沖涼俗D咁講姐係叫雞,
佢又講到好過癮咁,搞到我想試下~.~
不過佢話最好組隊去先過癮,但係我身邊個個都好正直,
唉~,~都係等第時有機會先LA@@
反正我有既係時間AR MA...何況如果我真係叫我都只係叫佢陪下我訓就好,
我都唔想第1次咁就比左隻雞=.=

15/2/12
基本上冇訓過
收工返到屋企,約FD跑步,因為車里龜既關係,我係咁笑佢做D無里頭既野,搞到自己做1百下sit up算=.=
跟住同佢食早餐,打機,最後返工又一DAY=.=

16/2/12
原本係去春茗既...不過最後冇去到,我訓左覺
跟住訓醒就晚上7點幾之後我又坐的士,唉...貴到PK=.=
之後到依家,冇咩特別,只係覺得好悶,因為冇FD 陪,
不過過左一排冇你既日子,慢慢我又習慣返,
同時間我希望搵到一個可以陪我過日子既人,而當我有$買樓果時就同佢結婚既人
祝自己搵到個我心水要既人,跟住約你出黎行街,比你睇我同佢恩愛,好衰的說XDD

今日反左教會，之後聽到個講員講道，我真係有小小想中佢==

之後同滔打機，完左就落槍街買軍服加買護膚品比你，因為你最近皮膚病反發，希望呢隻可以減輕你既痛苦拉