今日12點先起身，本來諗住早d起o既，因為要做「光影流聲」，但係實在太累了。
起身之後都冇即刻做呀，一路拖，拖到4點先動手。執下d相已經7點多，要出門去練波了。
個室內場冇冷氣，熱到死呀，我件衫濕到紐得出水。
冇咩心機打，9點左右去左吃杯麵，佢地自己打。完場前15分鐘，我就去左沖涼，沖完舒服晒。
本來話去食糖水，不過太累，都係唔去lu。
回家繼續整「光影流聲」，一路整，整到2點開波，決賽喇終於都。頭一粒鐘冇睇到，因為要整野，後一粒鐘開始睇。
最後十二碼決勝，意大利勝出。
睇完又再整左一陣，而家已經係5點半了，去訓一個鐘又起身返工。
| 
