今日一回到學校就比人煩，唉！做之前又唔講清楚，到人地整完又e樣o個樣，資料又比唔足，都唔知有冇攪錯。

本來今日要帶隊，因為要做條片，唔洗去。

下午同妹吃午飯，撞見其他老師，哈！妹話佢地有奇異眼光，我覺得有咩奇，同學生食飯有問題咩！有病！

下午繼續整片，芍妍、c冰、yoyo三個o係度，冇咁悶！5點9先走，去左7仔買野飲。

回家7點食飯，8點約左文文去新港城傾計，o係仙蹟岩飲左杯百香果綠茶，問佢幾時結婚，佢反問番我！哈！我？有排.......

飲完去左買野，終於買齊晒d禮物了！yeah~！

妹打o黎問整幾多啫喱，其實我都唔係好知，不過少d好過多，怕食唔晒。

冇左世界杯，qq話冇晒人生意義，哈哈！四年後就有啦！

今日12點先起身，本來諗住早d起o既，因為要做「光影流聲」，但係實在太累了。

起身之後都冇即刻做呀，一路拖，拖到4點先動手。執下d相已經7點多，要出門去練波了。

個室內場冇冷氣，熱到死呀，我件衫濕到紐得出水。

冇咩心機打，9點左右去左吃杯麵，佢地自己打。完場前15分鐘，我就去左沖涼，沖完舒服晒。

本來話去食糖水，不過太累，都係唔去lu。

回家繼續整「光影流聲」，一路整，整到2點開波，決賽喇終於都。頭一粒鐘冇睇到，因為要整野，後一粒鐘開始睇。

最後十二碼決勝，意大利勝出。

睇完又再整左一陣，而家已經係5點半了，去訓一個鐘又起身返工。

今日起身去聽講座，出門o既時候出面落好大雨呀，惟有拎傘。搭803去大圍，足足悶左兩個半小時，之後同d新同事一齊食飯，傾下o黎緊要做o既野。真係慘，都未正試返工就已經有野要做！>.<

下午回家拎衫去跆拳。今日練得好辛苦，因為太熱了，雖然道場有冷氣，但當我一運動起上o黎，就不斷咁出水！

完左練習同小雲、zoe兩個去食麵，之後去西田shopping，再去大眾同商務。買左d禮物同一本書。

我發現唔見左隻公仔，唔知去左邊度，唉，新買架，唔見左，好可憐啊！

今日早上回到學校之前，已經o係巴士上面吃完個炒麵，好飽！之後miss戚話去食早餐，我都去坐下，冇食到任何野！

之後才藝共賞，我只睇左獅藝就走，因為太多野要攪。我去下剪片，又去預備下下午o既新教師工作坊o既活動。

1:30先上到車，我遲到左15分鐘，真係唔好意思。之後一路聽關於新校o既野，認識下d新同事，又玩下遊戲咁！

去到我負責活動喇！咁我就做左一個心理測驗，目的係睇下各人對應負壓力的情況。我個part o既活動都算幾順暢，好快就完左lu。

                                                          教學樓向外望

校園大門                 我的位置                     往宿舍

                                                           教學樓正門

之後完晒所有活動o既時候，有個小型o既茶會。

同幾個新同事搭的士去坑口地鐵站，之後我就去左太古城，同qq食飯行街街。9:00左右就回家去了。

今日回到學校後，同幾個老師一齊去永華園吃早餐，飽飽啊！

食完就要出隊喇，今日o既目的地係西貢o既上窰民俗文物館。我地去到北潭涌停車場之後，慢慢向目的地出發。沿途由郭大俠(郭sir)講解，其實我興趣不太大，加上天氣熱，大汗踏細汗，成身濕晒，真係攞命啊！我地行去文物館o既途中，突然落大雨，好在我有傘，呵呵。唔洗一陣，太陽又出番o黎，d熱氣係咁向上升，好似入左個蒸籠咁！唉！命矣！

好不容易返上車，簡直兩個世界，我將個冷氣開到盡，幫自己散下熱！

回去之後，又要去青衣城食飯，去左唔知咩咩皇宮酒樓，好多野食呀！

回校比鎖匙獅藝練習，又去剪下片。差唔多六點先走，都算係考試之後最晚走o既一日lo！

回家之後吃飯，有媽媽蒸的毫仔水蛋，真係好好味！

同妹傾左陣，知道佢唔開心，希望安慰佢，要堅強啊！