今日係今年最後一日上課，下學期我就要去另一間學校，又要重新適應新工作。

第一二堂係1D，對卷之後，派左張相比佢地，最後一日，梗係有少少表示，雖然唔係D咩咁貴O既糖，但都係一份心意啦。

第三堂去左1A，琴日已經對晒卷，所以E堂冇咩做。先同三個同補考口試，之後就同佢地傾下計。落堂後同1A O既同學影下相，因為唔係個個都熟，所以唔係O個個都影。

第四堂去番1D，同D同學傾下計、影下相，咁就一堂喇。其實真係好唔捨得D學生，不過「天下無不散之筵席」嘛，為左自己O既前途，冇計啦！不過我會返去探同學O既！

下午約左D幫我手整野O既1D同學一齊去麥記食午飯，一齊傾下講下，不過嘉好、思穎、嘉怡都好靜，只係細聲講，大聲笑！

食完返學校入分，差不多四點半先走。入晒D分，我所剩低O既工作都唔多架喇，不過都要完成埋D手，要有手尾呢！

離開學校O既時後，完全忘記左獅藝O既學生，哈哈！不過有凱男睇住，應該冇咩大問題O既！祝佢地明天演出順利啦！

6點左右回到家，同妹傾左一陣，之後不知不覺O係書桌睡著了，起身已經七點幾喇。今晚冇飯開，唯有自己攪掂。

******************************************

阿根廷輸左喇！好傷心>.<!!!!!

今日係考完試O既第一日對卷，1D十幾個中史不合格，1A都唔少人唔合格，有D同學可能冇咩點溫書，有D同學就可能失手，不過，同學只要努力左，拿什麼分數都冇咩所謂。希望同學下次再努力。

今日第二第三堂上1B，捉左劉達康O黎玩！哈！

下午去青衣城食飯，邊食邊開會，食左都吸收唔到啦！唉！不過冇計，都係要去。

食完飯返學校，獅藝班學生好勤力練緊，我就叫晒佢地去7仔買野飲，當然係我萬歲啦！都咩機會請佢地，唔緊要啦！飲完佢地又練過，一路到四點。

5:30回到家，MSN，6點食飯。同OIOI傾左一陣，而家改卷。

今天早上下大雨，一邊出太陽，一邊下著雨，真有趣啊！

帶左o者，落到樓下就停雨，真玩野。

返到學校發現今日原來唔洗監考，咁就搏命改文啦。改改下訓著左，實在太悶喇，頂唔順。

想介左飲檸檬茶，但有d難度！哈哈，maggie送o既檸茶飲剩兩包咁大把。

十二點半就走佬，約左女友食飯。都係維苑d野好味d，西冷牛扒，正爆，不過好肥>.<

星期五先有阿根廷，好期待，快D到啦！

今晚去左同D舊同事聚舊，一共九個人，有好多野食呀！呵呵~~~~~~之後又吃了甜筒，今次真係有排減喇。@@

今日六點三起身返工，一個星期辛勤o既工作又開始。10點半先要監考，所以o係教員室改下卷。

9點幾oioi、yoyo、花花、珊走o黎話d中史好深，我睇完d卷都唔係好覺，可能對我唔深，對佢o黎講會深d啦！

卷五係我出，見d同學都好快做晒。

1:00同中文科o既老師去左食野，我只係飲左杯檸茶，大家傾下講下，1:45我就走了。

去個friend屋企吃d野，傾下計。佢煮d野都ok，唔錯唔錯，完全未食過e個大獲粥，有新鮮感。

吃左班馬仔，7仔7蚊有兩支。好味！

回家後傾下電話，抖下抖下，6:30就食飯喇。

今晚d飯送好..................呵呵！

冇計，有得食就算了，無謂多講，唔係下次冇得食。