今日約左qq去開茶會，嘻嘻，好快就去旅行喇！yeah~

11:30去到金鐘等，之後一齊去旅行社。由於早左，我地就係o個度食左d野，11:45就開始，講左半個鐘就完喇。

我地之後就去左搭丁丁去銅鑼灣行街街，行左好多地方呀！好開心！

六點左右我送佢去搭車，而我就去旺角搵舊同學食飯。今晚約左嘉嘉、小john、阿基三個，其他舊同學都唔得閒，10個得番4個。

邊食邊傾，食完飯又去食糖水，嘻嘻，晚飯阿基萬歲，而我就請食糖水。

大家傾左好多野，講下一年來o既辛酸，不過今年大家都有著落，帶望日後大家都好景啦！

今日三號風球，老賽講，我覺得唔止三號咁簡單。

返到去學校，本來我第一堂唔洗上，點知......唉！又係咁！我又要頂佢O既堂，真老土。

連續上左兩堂 ，好在對我O黎講都冇咩難度。完左之後我要預備最後一堂O既小測，一路攪到差唔多兩點先走人。

一路上我拎住把傘，去到街市外面一陣怪風，唔單止反骨，仲斷開兩截，真係恐怖，你話有咩理由得三號？

我約左阿妹食飯，事實上就係佢陪我食，哈！順便比左本雜誌佢睇，佢成日話O係屋悶WOR！睇雜誌啦細路！

佢又剪左頭髮，哈！真係有趣，真係笑死我！我建議佢下次唔好去O個度剪。不過我唔好得過佢幾多。

之後佢送左我去青衣邨搭車，佢去搵人，而我就去深水埗買野。

買左一個叉電器，又買左一個250G O既硬盤(Hard disk)，終於都買左喇。今日咁就用左7百幾蚊！

回家去食飯，媽媽煮，正！

拿拿聲安左個hard disk，將所有野過落去！yeah！而家有足夠o既空間用喇。

今日10點先返到學校，因為今日冇堂上！返學校最大O既目的你印埋D工作紙，當然準時完成左啦！

12點左右我就走了，同MISS戚兩個去左葵芳吉野家共膳。哈哈！我唔記得比錢佢，返到屋企先醒起。

食完飯同佢去左打機，我地玩左頭文字D賽車，我連續四次輸比佢，不過距離拉近左。都算係咁啦，我第一次玩E個賽車GAME。

打完機就返屋企，O係E個時候特然好大雨呀！不過唔洗怕我有帶傘。去左家附近剪髮，唉！又係咁，都唔知點解次次都剪成咁！算啦，好快又長番。

回家之後就幫個朋友砌電腦，今次係我幫佢揀，3000蚊就攪掂，仲性能良好！呵呵！

今早回去上中一的多元智能課，第一節要他們作閱讀匯報，分組後進行。今年的中一與上一年的相差不遠，但明顯有些同學的學習是較認真的。由於時間多了，跟他們閒聊。

他們及學校屬於甚麼banding，我說是band2頭。我叫他們當作沒有聽過。

今天帶了一支ice wine回校跟同事分享，我空肚喝了少許，已感到一陣醉意。不過我散酒氣的速度很快，不用一小時已再沒有感覺了。

我十二時半便離校而去，因為約了qq到旺角幫她的表妹買東西。兩大本的電腦書，一個視像鏡頭，一隻滑鼠。

到教協看東西，在書店買了兩部阿濃的散文集，還未有開始看。

逛完旺角，我們到銅鑼灣sogo購物，買了一條衭和兩條毛巾，共二百一十元，因為有兩張一百元的現金劵，所以只用付十元。

到一家最愛的店舖吃滑粉，之後乘車送她回家。

今日返學校做野，因為有d同事冇返，所以3個同事點晒5班中一o既名。不過冇咩所謂啦！

去左電腦室同人吹水，之後又返去教員室影印。不知不覺十二點幾，走人。

去左旺角行街，又去元綠食晏，吃多了，今晚要多做點運動。

一邊搭巴士，一邊打機。買左一本我最愛看o既設計雜誌同一條送比qq o既毛巾。

返到馬鞍山o既時候，我見到d天色好靚，好藍o既天呀！如果日日都係咁就正lo，希望d空氣污染會越來越低啦。

今晚老豆煮飯，又吃多了。

今日冇飲過檸檬茶，我要戒呀！