進入左上課o既第二星期，真係感到壓力大左，或者對自己的要求亦都大左，所以出現無形壓力。

今日上左六堂，時間亦都過得好快，每日都好似轉下眼就過，不過日日都五點幾走，比起上年，以經早左好多。但係返到屋企都係要備課，其實一樣o係工作緊。

今日感到特別累，唔知點解好似提唔起勁做野咁，或者我應該早一點訓。

今日開學喇，第一日真係攪都頭都大。今年係第一年做班主任，好多野都唔知，不過唔緊要啦，慢慢就會攪得掂。

今日晨咁早就返學，話晒第一日，梗係要早少少啦。八點三有一個小會議，講左上禮堂個程序，之後就去課室，睇下自己班d學生喇。介紹過之後，同佢地排好隊上禮堂，都算幾快。去到禮堂，有d學生都開始講野，不過都好正常，咁鬼悶，唔講o個個可能有病。成個程序overrun晒，攪到班主任時間少左好多。以極速去完成班務，原本定左o既，有d都講唔到，唯有留番星期一繼續啦。

下午去飯堂食飯，12蚊都冇咩要求了，都吃得飽，係味道差d。下午繼續做野，攪攪下五點幾先走人，好鬼累呀！

去左拎西裝褸，之後回家sleeping。十點幾先食飯。

今日晨早回校工作，要預備一下來年的教學。教員大會之後，我知到自己要做班主任，幸好是跟另一位老師一起，有人分擔一下，總比一個人好的。

上午更新了中文科的網站，沒有甚麼放進去，還待其他同事有何資料。中午跟其餘三位新老師到元綠吃午飯，每位五十元，肚子十分滿足。

下午終於收到1B班的人名表，同事表示某些同學要注要，當然會留心。本來想多找找學生資料看才離校，不過跟朋友約會，還是先行一步了。

今天真的「大出血」，買了七百元衣服，都是明年工作所需。

晚飯與QQ到吉之島吃，我選了一客壽司飯，味道甚佳:)。

今日終於開校務會議喇，由8:45一直到1:15，食過一餐唔係咁好食o既飯，又繼續開到5:30，真係攞命。

開會o既途中，我都釣過幾次魚，因為實在太長喇！不過開會期間介紹左好多教學上o既野，都獲益良多o既。

收工拿拿淋返歸，食左少少野，睇下tv，玩下msn，咁就一日喇。

明天約左以前o既教授飲茶，嘻嘻！好耐冇見。

今日十點半要開會，不過我晨咁早就返左去。開會聽左好多野，知道要教三班中文，再睇真d發現有一班普通話，真大獲。我明明無有考基準，點解會教呢？完來係攪錯左。哈哈。

而家一星期有23節課，平均一日有四、五堂，都唔算吃力呢！

開完會同新同事去左將軍奧飲茶，原來有兩個同事生日。

食完野去左買野，然後返學校。5點過青衣，之後拎左d壽司吃，邊行邊吃，好快就食晒lu！

晚上去上課，唉！side 時間。