今日回校上堂，本來冇咩事發生，點知第一堂完左，居然奇女子打o黎話返唔到工，真係認唔住，鬧左佢一獲之後cut線，條氣唔順呀！冇計，頂埋佢o個堂啦為有！

完左就即刻走人，因為要回馬鞍山打波。o係車上進午餐，一個炒粉加六粒魚蛋，其實都唔係好飽。

恆安個場雖然整過，但一樣咁熱，好似一個焗爐咁。

打完波去左m記食野，一邊食一邊傾下計。送佢地搭車之後，我就回家沖個涼，又要再去同跆拳師兄去買電腦，因為應承左幫佢砌部新電腦。

攪掂晒拎到返屋企已經差不多九點了。

今日晨早帶佢地去比賽，點知去到冇球證，原來對隊棄權了，一個通知都冇，排總都唔知攪咩！

佢地打friendly match，始終技術太幼嫩了，仍有待改善。看她們也是一群有心於排球o既人，我付出咁多時間都係值得，希望佢地繼續努力！

完左比賽，我同oioi、嘉慧去唱k，去到仲有凱琳、烏龍、旭倫、俊深。唱得太多了，哈！佢地都唔係好唱。三點九oioi話走，咁我就同佢走啦！去到mtr附近我就去搭巴士，佢就搭小巴。

返屋企後好快有飯食，爸爸煮湯飯，味道不錯，不過太多了，飽到頂住。

今日早上練波，勁熱呀！聽老豆講今日係大暑，所以可能特別熱。

因為o黎唔切買早餐，叫左oioi幫我買兩個包同一支水，都可以頂得一陣o既。

完左練習，同oioi去青衣體育館book場，點知又係book唔到，白行一趟。

同oioi去左青衣城食雞(kfc)，買左唔係好多野，點知佢都係食唔晒，我執手尾。

2:30左右我就走喇，去太古城搵QQ行街街，買左少少野，唔知係唔係行得太多，加上朝早練波，所以隻腳軟晒冇力。

同QQ食完飯之後，我送左QQ回家，就搭巴士返屋企。上車又睡著了，差D唔知醒落車。

今天仍然是十分炎熱，所以沒有打算外出，怕給那火紅的太陽煎乾。可是家中沒甚麼好吃的，因此，我還是冒著那炎炎的天氣到附近的商場吃午飯。

到了新港城(家附近的商場)，這裡正舉行一個小型的玩具展，我也得湊湊熱鬧呢。我拿出手機，順道拍了一些玩具模形，頗有趣的。

事實上，這個玩具展並不怎麼吸引，或許人大了，對這些東西的追求已不及兒時。

我最後決定到街市吃「車仔麵」，這是最便宜、最好吃的，只需十多元就有交易。

大約五時左右，我又回到童年居住的屋邨。看到了小時候就讀的小學經已面目全非，不禁慨嘆時光飛逝呢！屈指一算，已經是十八年前了，未知從前的老師還在否？

晚上跟嘉嘉(教院的一位同學)談了兩句，說到一位教院同學的文章了得，可是我卻沒有甚麼興趣去仔細研讀他的文章。談及寫作文章，確實是疏於練習，現在要拿起筆來寫一篇，就像小孩搬大石。在學時還是有興致寫作詩文，現在有空也想多睡一點，那有時間精力來寫文作詩呢！

今日要上暑期班，仲以為奇女子唔返Ｏ黎，要教埋中２升中３，點知佢突然返左Ｏ黎，嘩！開心死我喇！

因為佢返左Ｏ黎，我１０：２０就上完堂。之後陳ＳＩＲ借左架車比我，Ｏ係青衣兜左個圈，過下手癮，嘻嘻！

下午同３Ｅ學生去左金豐吃，都冇咩機會喇，我請啦！傾左好多野，都幾開心呢！

回到學校發現左Ｄ新教材，上網搏命下載，正！

３點２５搭車去練波，全部當遲到，一百三十下掌上壓Ｏ既懲罰，下次唔好喇。

搭車回家，同阿娥阿儀上車講到落車，希望佢地比心機打啦！

買左四個西蘭花，２蚊豆腐卜，咁就一餐，都唔錯呢！