好期待O既一日，因為又可以見到1D班O既同學仔，今次真係可能係最後一次帶佢地去活動喇。

我9點就回校預備好，CHECK好車牌之後，我就拎埋D野落去操場等佢地。最後有29人去，少左9個。

一路上同MISS HO傾計，不過其實唔係好想傾，因為都係講埋O個D野，好悶。

到次之後，因為早左，所以自由活動左一陣先至去看展覽。其實有D同學都唔知點解要睇E個展覽， 老實講，真係冇咩好睇。我唔洗十五分鐘就出返去。

同凱琳、惠恩、綺琦吃東西，又影下相。

同嘉好玩，佢隻手比我打紅晒，哈！嘉好比左張記念珊O既紙我寫，我就係回程O既時間寫晒比佢，希望佢會記得我E個阿SIR啦！講起真係有D唔捨得，記得幫佢練朗誦O既日子，好開心呢！希望下年佢會繼續努力，可以拎到更好成績。

本來打算同思穎合照，唉！唔記得左呀！真係慘！~.~唔知仲有冇幾會，希望有啦！

回到學校，同學就O係校門解散，我就拿拿臨去銀樂O既大食會，食左一陣就要去帶比賽。

我同OITING、YOYO飛的去球場，去到差唔多1:30，點知D人未齊。

最後又輸左一場，不過唔緊要啦，都係當拎經驗O者！

之後同OITING、YOYO去千色店，本來想去買把O者，因為OIOI話O係大陸唔見左，但見佢揀佢又唔揀，不過唔緊要啦，等我睇下屋企附近有冇D靚D O既先。

5點左右我去搭巴士，佢兩個就去咩咩之城。

回家媽媽已煮好飯 ，有好野食！正！

晚上休息下，冇做野LU！

今日回去第一時間就係改卷，無他，因為2點前要改晒呀！嗚~~~~~~~

一邊改，一邊慨嘆，點解D學生成績可以咁差，一份卷，要寫字O既部份一粒字都冇寫過，只做了MC，但D MC都係亂咁做，真係有冇攪錯先！最後計左出O黎係16/100，真係死得。

12:30同MISS 江、MISS CHOI、MISS CHAN等人去金豐吃午飯，正呀！原本以為得5個人，最後有十個人O黎左一齊飯。

下午MISS CHOI, MAY WONG屈左劉SIR請食雪條，點知得20蚊，又唔夠分。之後叫佢添多少少啦，點知佢唔肯，最後小熊萬歲之餘，仲親手去買，真係要謝謝小熊SIR LO！~~~~~

3點走人，約QQ去看書展。四點左右去到SOGO，行左一陣銅鑼灣，之後去左M記吃D野，6點幾就入去書展喇。

本來想找本書比阿妹，因為佢上次話未睇第一本，但係搵唔到呀=.=！

其實有好多野都想買，但我認手，最後冇買到！嘻嘻！只係買左一本整薯仔野食O既書！10蚊~~~~~~~

仲有我又買左少少文具，諗住開學用呢。

10點閂門喇，迫於無奈走人。

去左一間茶餐廳食野，之後就回家去LU~

今日返工喇，八點幾返到學校，跟住快快地攪攪D 工作紙。今日係中一新生的編班試，唔知佢地考成點。

O係度攪左一陣野，十二點鐘走佬。

約左舊同事O係馬鞍山吃飯，一點十五就返到去啦。食完之後，我又返去以前工作的小學，傾下傾下，不知不覺傾到五點，都算誇張LO！

爸爸煮野食，哈！有飯開LO！

收到MISS CHAN電話，原來我要改騙班試O既中文卷，一D都唔知，為有明天返去改啦！

今日要比賽排球，又晨早起身呀！去到藍田食m記早餐，有我最愛的薯餅食，好野！

到左場地，叫佢地熱身，唉！冇心機咁。

第一局贏左，但係二三局輸左，都係o個d問題，冇辦法。之後去左坑口食大家樂。同oi去買書，之後佢陪我去新校，真好，唔洗自己一個人咁悶嘛。去到之後，職員話校長去左食飯，冇計，我放低d野就撤退。

搭番車去觀塘，轉地鐵同oi去到荔景，我又搭番去深水埗行下街，睇下d電腦，發現d價錢都跌得好勁。想買野，但又唔想洗錢，好矛盾！

睇完晒都冇買過野，搭車走人。番到屋企都唔洗六點。

剛收到消息，哥哥可能在十一月結婚。哈！終於都結了！

今早到青衣練波，真係濕得好勁呀！

練完去吃m記，vee佢話我欠佢一餐，是但啦！

吃完去左青衣城，睇左少少睇就搭地鐵去mk，因為約左qq嘛。

行左好多地方，又去睇下兔仔，吃吉野家，發現左一個好抵o既套餐，正！

8點幾就各自己回家。要趕工呀，因為已經遲左交比梁sir。最後o係12點幾send左d功課比佢。放下心頭大石。