今日係o係泰國返o黎o既第一日，咁快就過左五日。

今次旅行真係勁，淨係我一個都影左一千一百多張相，我諗qq應該影左百多張。仲有拍左3個幾鐘o既video，我諗淨係整理e d相同video都有排攪。

今日8點幾起左身，打比阿妹傾左一陣。搭車去青衣，拎d米同手信比阿妹。食m記，一個6號餐。

返梁中執野，好似走佬咁一大袋拎走。同office o既 kitty傾左一陣，原來佢都係琴日o係泰國返，可能大家同一班機添。校長過o黎搭訕，話自己去左烏魯木齊，仲話氣溫有成70幾度，咁熱佢都可以返到o黎，真好野。

拎野過左新校，set好自己d野，然後走人。o係巴士聽到一個女仔講野，應該係三育中學o既學生啦，不過佢係大專部，可能係中六的。

5點幾約左qq，去左旺角行左一陣，之後就去左康怡花園o既吉之島行街食飯，最後就送佢返屋企。大家思想上可能有出入，又吵了，不過算了吧，最後還是我讓她好了。

回家已經11點多了，電話由7點幾開始冇電。買左一本《新假期》睇，邊搭車邊睇。

旅行o既相同日誌遲d會送上網，大家一定要睇呀！

今日本來想八點起身，但係起左又訓過，一訓就十點，打比阿妹傾左一陣。

出門去阿哥度，比左d野佢，又拎左d野走。

回三育清潔自己個位，順便拎d野返去擺，唔好放係屋企，阻住晒。

同新同事去飯堂食飯，味道一般啦，好過冇。

係新校周圍影下相，嘻嘻，好鬼大。同ida傾下中文科o既野，大家研究下，希望合作愉快啦！

明天8:15機，今晚要早抖喇！

五日後再見啦！~~

今日係新校O個邊有活動，所以要8:15回到學校。我6:15起身，6:40分上車，估唔到7:10就去到觀塘，真係超快呀！

因為早左，所以就去左M記食早餐，叫左個紐紐粉早餐，好味呀，仲有一個我最愛O既薯餅，正呀！

食完之後去搭車，7:35上車，7:50已經到學校喇，計起上O黎，仲快過返梁中。

活動O既時候見到D新生，UMM...有D一睇就知有問題，以後就要面對E D學生，不過已經有晒心理預備，就當係挑戰吧！

終於有自己O既位喇，可以搬野過去喇。

睇完幼師，跟住開會，一路到一點幾。新同事到坑口食飯，傾下18/8 O既活動。

本來約左嘉好4:00比D野佢，但我遲大到，O係度講聲唔好意思。

比左野嘉好之後，行左去葵興搭車返屋企。

今日冇咩好做，只係上下網，聽下歌。下午去左食KFC，哈！正呀！

晚餐又係大豆芽加豆腐卜，好味。

八點鐘練波，去到一個人都冇，八點二先生慢慢到，真係激死人。不過今日都幾多人，有接近20個咁多呀。

今天晚了起來，因為昨晚遲睡了。好不容易從睡床上爬下來，腦海中仍回盪著夢中的景象。梳洗過後，精神多了，回復到現實世界之中。

今天要往屯門拜祭祖父母，他們不經不覺已離開我多年了，還記得當日他們各自睡著的景況，是安祥的，是寧靜的，是解脫的。祖母在離去前，病的很重，看著她辛苦的臉容，也覺心酸。她的離去，可能對她來說是件好事吧！還記得她去世前的一個晚上，我往醫院探望她，因為探病的時間完結，我和家人也回家去了。翌日的早上，我突然接到爸爸的電話，他說祖母已魂歸天國。我腦內一片空白，也不知如何是好。這是我第一位較親的親人離世。

到了祖父母的墓前，我上了香，向他們表示懷念和敬意，已再沒甚麼好說了。縱使我再多說，他們也不會對我作出回應，以往跟他們的光景，不禁又從腦海中出現。

拜祭過後，跟親友們到附近的酒家吃了午飯。由於要練習跆拳，我沒有跟爸媽回家去。

往道場其間，我路過小時候居住的地方，發覺印象已開始模糊了，我在刻拿出相機拍了幾張照片，希望可以留待日後作為回憶。