今日十點幾起身，下午到維苑吃午飯。我咩事發生。

琴日練完波周身痛！>.<

5點半去跆拳，遲到比人罰。>.<"

去無印買爆谷，一邊坐巴士一邊食，上車食到落車！正！

回家煮左罐頭湯，又吃魚肉！好味呀！

同芍妍傾計，大罵一個人，唉！e 個人真係好唔掂！ 想到就興！

有人話我好冇同情心，但我覺得同情有個限度，開頭我都好同情佢，但之後真係冇辦法再同情了。

今日晨早回校話要開會，會埋d side時間o既會，唉！又o係度講埋d無謂野，正一黃老太(不是鳳姐)。

明明講左有暑期班要上堂o個日先要返，突然轉晒口風，話日日都要返去，真係有問題，我同林sir、bena勁不滿啦！同佢嘈左幾句，一於好少理，唔得閒我就唔會返。

今日又搏命執野，真係好多野要執呀！ 不過經過兩日o黎o既努力，已經七七八八，我張工作檯回到剛剛o黎做野o既時候咁。

攪攪下好快一點，走人，同miss戚一齊搭車落山，我o係青衣邨落車，之後同阿妹吃lunch。因為青衣邨冇咩好食，所以行番去青怡入面一間茶餐廳。因為冇咩胃口，所以同她share一碟飯同一杯檸茶。食完飯，我再吃埋妹整o既啫喱糖，飽到七彩！

兩點幾行去楓樹窩室內場練波，今日都幾多人o黎，good！有兩個人遲大到，實在唔應該，嘿嘿！下次唔好喇！

打完波本來想去青衣體育館交埋錢，點知去到話唔得住，冇計！又要去多一次！慘呀！

搭車回家，去到馬鞍山落雨，好在唔係好大。

今晚食出前一丁！自己攪掂！

今天轉了另一間茶餐廳吃早餐，因為我不想再與「小強」為伍。

吃過早餐，回學校去收拾收拾。差不多九時十五分，我與李惠恩閒談了差不多一小時，對她了解多了，希望她會為自己的將來計劃一下。後來陳益杰加入了，也談了不少時間。

他們走了之後，我在校園電視台把一些拍好的影片重新整理。之後回到自己的工作枱，開始收拾自己的物品。原來一年之間，我帶了這麼多東西回校，要把它們帶回家，真要下些苦功了。

我把不少廢物掉了，我的工作枱也覺寬闊多了。我面對著它，不覺感慨萬分。要走了，卻捨不得，捨不得同事們，捨不得同學們，這一年的所發生的一點一滴在我腦海中轉來轉去。唉！天下無不散之筵席。

今天又有老師請客，謝謝您們。到了別府吃魚生飯，味道很好。

飯後回到學校工作，差不多四時半才動身離開。

我把學生送給我的大小P帶了回家，家中又多兩位成員，屈指一算，我應該有二十多隻PC狗了。

晚上到茶樓吃晚飯，慶祝媽媽生辰。

今日好黑仔，唉！天意！

同miss戚去永華園，小強爬上我個身到走來走去，攪左一段時間，先至整走佢。。。。我真命苦啊！

冇晒心機食早餐啦！取消左，走人。

回校見到佢地，拿拿聲將大食會o既野放去雪櫃。之後去左hall，都唔攪咩，悶爆！太悶我走人，回教員室攪下野。

返上hall，都未開始，同d學生傾下計。終於開始喇！我個part係第二，播左出o黎，大家反應一般，不過d老師話唔錯。

事但啦，臨時臨急整o既野，係咁上下lo！

我唔鍾意校長o既介紹方式，不知所謂。下年就名正言順，狗眼只會看人低，算了吧，那人是小氣的家伙。

完晒之後去左1樓派summer功課，又去1D派左D禮物。希望下年佢地會比心機，真係好唔捨得D同學，特別係凱琳、嘉好、思穎等。

點幾開始大食會，好多野食呀！正！ 好多人一齊食同玩。大家食下傾下，我又將D禮物比左OIOI、花花、YOYO、阿珊，知道阿珊同YOYO轉去2E，希望佢地都可以繼續努力啦！收到f2佢地送比我o既一隻大pc狗！好開心呀！多謝晒你地。

收到同事送給我o既一隻手錶，好多謝o個幾位老師！

4點半先至走人，同妹行落去搭車。

約左QQo係新城市，去到都5點半。我地先去報名，決定左去泰國，9/8-13/8，5天！

之後去食壽司，又去吃上海面！好飽啊！回家同qq砌砌圖，比我地一陣間就攪掂左，呵呵！

今日好大雨呀，我冇帶傘，但我都冇咩濕。

回校繼續整片，不過都攪得七七八八。校長睇過之後，佢話好，咁即係可以安心去食飯啦。

活動組洪sir請食飯，又有一餐免費，今個月已經食左好多餐免費餐，真係好lo！

食完回校執野，又睇下d summer course o既資料。本來放工想比左d野阿妹先，點知佢突然唔得。oh！比左個中六同學拎住先。

晚上回家吃飯，可能下午吃得太多，所以冇咩胃口。食完整下段片，整靚d。