今日冇野做，o係屋企睇碟，第十三集睇到第三十，真係勁煲！

>.<

晚上去新港城睇書，買左d野！哈哈！

路過見到學生打排球，打左一陣， 成身汗返屋企。

今日回學校開升留班會，分左中四、六與中一、二，我當然係中一、二o個part la！

哈！知道晒佢地d成績，當然第一時間報訊比阿妹。真係恭喜晒呢！

幾經辛苦，1:30才開完會，之後唔知獅藝d人係唔係回來練習，唔敢走住，去到campus tv，見到個中六o既學生，咁就傾下計，一講就半粒鐘。吩咐左c冰自動波整野，又同小珠影左張相之後，走人。

約左阿妹吃午餐，遲大到，即刻飛巴士。

去到佢又唔食野，我自己一個食。見佢又係好頹廢咁，梗係啦，一日睇tv睇唔停。哈哈！

食完我去搭車，妹去涌尾拎野！去到轉車站撞到樹仁師姐(小強)，原來去左荃灣教書。由於邊搭車邊傾計，好快就回到馬鞍山喇。

約左qq o係新港城等，行左一陣，佢買左對鞋返工著。六點去左金滿廷食飯，實在叫得太多野，食唔落，但見到唔想side。最後食到盡為止，個肚漲晒，好似有左三個月咁。>.<"

十點九送佢去搭車。明天唔想返工，因為唔想回去冇野做。

今日晨早起身，無他o既，去唱k lo！

由於唔記得左maggie home phone no. 所以等佢打o黎！打左o黎，決定去，拿拿淋出門！

十點半左右去到，佢地三個已經唱緊。原來有早餐食，真係good！仲有羅宋湯，不過味道就一般了。

十二點九完場，每人大概50，比我想像中貴，我記得以前好似平d。

之後去左妹家煮餃子，樺樺、阿珊、阿芝o黎左食，不過我整到身水身汗。太耐冇整過喇，所以覺得味道麻麻地，不過佢地話好味。

食完後去左打排球，我又累又熱，唔想打，佢地叫左我n次，我都係坐o係度，5:00就走人了。

回家之後，爸煮野食，咁我梗係食埋一份啦！不過真係太大碗喇，攪到我好飽！

今日銀樂隊去比賽，我十點幾就起身了。由於我撞唔到個日記password，我晨早打比佢，點知冇人聽。

之後佢回我電話，嘻嘻，老豆聽，嚇到佢收左線。笑死！

本來約左d隊員lunch，但遲左出門，一個人買左m記外買。

1:00車o黎左，點知有個學生未到，等到1:25都未見人，唔等lu，開車！但miss lo留低等個學生。

1:45左右去到，坐o係近門的上角位，熱到死！

由於太悶，所以我去左行街街，4:15再回去幫佢地拍野。

最後拎左個唔知咩金獎，就係咁大把了。成七點二先回到學校，真係唔掂！

去7仔買左魚旦同碗仔翅頂肚。8:10去到大窩口球場，點知冇波，ling波o個個遲到，成8:50先到，激死！個場太熱，我濕到.......，完左沖個涼！hehe~

回家已經11:15！

明天有壽司吃！好期待呢！

阿根廷輸波，實在令人失望，可能因為咁，訓得唔好，所以十點左右就起左身。

換衫出街，十二點半左右去到佢屋企。今日佢煮意粉，好味呀！發玩左D公仔，好得意。

食完野去左太古城行街街，見到鞋舖有特價，買左一對   $299  O既鞋。之後又買左D禮物。

晚上去飲，舊同學結婚，可以同D舊同學聚一聚，真難得！仲有洪老師都有出席！VERY GOOD

食完後回到家已十二點四了！

上網睇賽果，英格蘭出局！哈哈！