基本上, 我前幾篇野都係讀著普通話黎打,

所以大家會覺得易睇好多.

不過我覺得打出黎既文字冇咩"靈氣", 算啦, 橫豎冇應承過任何人.

我鍾意打口語就打口語, 打書面就書面啦.

反正blog係我既~

不過還是要謝過大家既支持, 否則我都唔知點捱落去.

睇黎,都係時候郁下個堆書啦......

今日約左hoho, 當然加埋呀翔車神兩條友啦.

本身諗著帶埋新買個個耳機, 插電腦既, 唔多用到,

仲諗著帶埋ms lau比我個張辯論章程既, 同呀翔傾傾.

唉,算啦, 我係咁腦殘架啦....

西鐵撞到車神, 新元中撞到呀翔.

佢地都著pe3, 睇黎我太奇特啦.....

同hoho傾左暑假奮進大計, 善用時間裝備自己.

呢個小組聽落好理想化, 當然實際上都希望咁理想.

choco, 木青, 仲有唔少人我地都傾過邀唔邀請佢地入.

但係我地3個既要求太高啦.....

比得我地邀請既,唔好浪費我地心意,

你冇需要, 我地唔會搵你.

你冇興趣, 我地唔會迫你.

理想係唔會有遺憾同怨恨, got it?

次後玩大富翁, 玩左幾個鐘,

對於三個頹青黎講好fit.

呀翔同車神都各懷鬼胎....雖然我都係,

有三國feel, right??

玩到2:00都未食lunch.....真係不良.

無良既eng scrabble 主席魚蛋再一次奪去我個 (15歲寶寶/智障朋友) 車神.

天有眼, 因為更無良既eng scrabble 負責老師冇幫呢個無良既主席 book 房.

三兔去了大家樂, 竟然突然覺得買票取餐呢種方法好文明同先進......

得, 我知實有人同我數歷史, 我話覺得姐.

講下講下講到香港既命運, 中國同台灣,

三條友原來已經可以創造咁多話題,

搞到我好期待下次既gathering tim....