七一遊行, 最記得的要數得上50萬人上街的那一次. 最初的七一只是泛民號召民眾與政府對抗的一個政治資本. 現在, 有睇新聞的相信都聽過, 市民開始珍惜遊行, 珍惜這個表達訴求的機會, 再不願讓泛民把控, 如宣戰般向政府公布遊行人數.
以下是一則新聞:
示威者花槽小解 政府深夜再清場
(明報)2009年7月3日 星期五 05:10
【明報專訊】社民連立法會 議員「長毛 」梁國雄 同埋港大「示威女」陳巧文等近百名七一遊行 示威者，前晚喺遊行結束後死守政府總部，話要同曾特首對話講普選 。警方為咗迫使班示威者自行離去，除咗鎖埋政府總部道大閘，等示威者有出冇入之外，仲唔肯開放喺政府總部入面嘅廁所畀示威者使用，結果唔知班示威者係「忍無可忍」，定係要向警方「示威」，有男示威者索性將政府總部門外嘅花槽當作「尿兜」小解。到咗凌晨4點警方抬走晒所有示威者後，負責政府總部管理嘅行政署 官員走過花槽時，就聞到陣陣難擋尿味，於是大喊一句，請工作人員快啲搵條水喉冲一冲個花槽。哈，估唔到警方清場後，政府仲要喺深夜展開第二輪「清場行動」喎。
誰是誰非? 政府施政不到肉, 市民有上街訴說的權利, 但亦有當然的義務. 一向覺得,申請遊行是一個十分文明的規定, 民主自由, 執法管治, 劃下鴻溝, 互不侵犯. 可是現正和平時代, 部份議員又或是社會人士往往做出令我無法接受的行為, 如果香港政府殘酷無理, 屈辱外番, 相信長毛等烈士的非暴力抗爭會贏得全港掌聲. "如果", 多麼的美妙, 將打後的革命風雲都拋棄了. 好一個忍無可忍, 出位行為若沒有道理的支持, 換來的相信是人民的唾棄. 或許這就是民建聯的票數比泛民多的原因. 因為民眾均看不到實際社區服務, 印象中, 泛民只是一群死抱著"不切實際"的政治話題的罵員. 非常諷刺, 係民主既選舉下, 支持民主的泛民反而比不上"不支持民主"的民建聯, 欠的, 可能就是身上那股尿味.
|
