今朝9點就醒左喇，冇野做就當然例牌開電腦玩喇~~~
之後達話我知，今日MANDY同呀DON都黎屯門呀^^
咁我地就約左兩點半係屯門等喇

玩到差唔多12點，佢地話想去飲茶wor~~~
但佢地又未搞店曬，咁惟有我落去開定位先啦=.=因為今日星期日好多人><
落到去，我仲有成廿張枱先到我=.=有排等=.=咁就打住機等喇~~~
過左冇幾耐，媽咪都落左黎陪我^^
係呢個時候，個侍應就叫有冇4位唔介意搭枱 + 吸煙區嫁??
之後媽咪話，不如事旦，就呢張，唔駛等ma~~
咁我地就入去喇~~~點知..........
入到去，一張12人枱既都已經搭左兩枱，成8個人咁濟=.=
之後媽咪就同個經理講喇~~~
咁又係既，3唔識7咁坐埋一齊，仲要咁迫，點坐呀=.=
最後個經理就俾左另一張枱俾我地^^
哈哈~~仲唔駛搭枱同吸煙tim呀^^GOOD
哇....其實計落我地打左好多個尖tim呀哈哈~~~真係好彩呀^^v

食到差唔多兩點，達話我知好大雨呀=.=
咁我咪上返樓拎姐囉><真係趕死人呀><
又會冇啦啦落雨既=.=係落就早d啦=.=咁我就帶定ma=.=
不過咁=.=達話我知，個show係錦華果面，仲係露天嫁 >< 唔知會唔會除消呢=.=??
最後達又話返我知，因天雨關係改左地方，係目黑果面~~~
咁我地就直接改左係果道等喇~~~而我就遲左3/4分鐘先到><
到左之後，我地企左一個有利位置等mandy + don喇~~~
最搞笑既係明明我地係企等一排嫁ma，唔知點解變左第二排wor~~
不過達話佢地矮，唔緊要wor~~~
哈哈~~不過其實高都唔係咁好嫁，因為有個攝影師成日係道影我地><
達仲好奸呀><佢帶左mandy+don隻碟，可以姐住，而我就成日要避 ><
係等既時候，達就幫我下睇點解我個電話照唔到相，佢睇左一睇，熄一熄機，之後就影得啦
點解佢咁易就整到既總之等我自己黎啦><
哈哈~~好野~~可以同MANDY+DON影相啦~~THX

等到3點4到，mandy同don終於黎啦^^哈哈
佢地一開始就同d 小fans玩遊戲~~~
之後佢地各自唱左首歌 + 合唱^^好好聽呀^^
時間過得真係快><咁快又到4點啦~~~個show都完lu~~
之後我地就過左去隔離排隊~~點解??因為佢要囉mandy+don既簽名呀!!!
哈哈~~佢就好啦~~~又可以同mandy影相又可以有mandy + don既簽名，我又要
哈哈~~~一定開心死佢啦><heehee

睇完之後，我地就過左去置樂行下喇~~~
heeheehee我扭左隻keroro鑰匙鎖呀
哈哈~~好得意呀~~d質地又特別^^我好中意呀^^
之後達佢想搵One Piece wor~~
但係行左成個圈都好似唔係幾搵到咁><
咁我地就行多個圈喇~~~最後只係搵到奈美既裝飾錢箱咋，冇佢中意果隻><
不過都幾靚嫁^^哈哈~~~所以佢都有買^^
遲d我幫你留意下睇下其他地方有冇啦~~~

行完之後，達就陪我去元綠拎壽司喇~~因為媽咪係大新簽左卡，可以係果道換領壽司~~
不過係果道等左好耐呀><
拎完之後，佢又陪我去KFC買桶雞~~~thx
之後我地就行過去西鐵站就走lu~~~

係西鐵果到，竟然見到大表哥wor~~
哈哈~~又會咁岩既~~~
咁我地就一齊搭車車喇~~~

返到去都成7點啦~~~~
第一件事當然開餐 + 睇電視啦~~~
heeheehee

今日有得睇"天堂同地獄既美女廚房"呀!!!搞勁笑呀!!!
仲有呀~~~今日都係呀蘇win左呀~~~heeheee GOOD^^

今日就係因為一句"愛得太遲"，就搞到我7點半醒左><
點解??咪多得我細佬囉=.=
佢果日返學個電話教左每日7點半響呀!!又唔記得今日星期六要教返好佢><

咁起左身又有咩做呢??當然打埋d日記啦^^
一打就打到12點lu~~
之後家姐話去唱kwor，咁就準備一下喇~~~
搞下搞下都成一點lu~~不過咁都有得唱k lunch wor~~~
我地4個人唱唱唱，都係唱到3點幾咋 >< 真係準時呀><

唱完之後，我地就去睇相機~~~
哇~~好吸引呀~~sony果個T30有700萬像素，微距1cm咋
不過$3XXX，雖然仲有好多野送(有2個電，記憶卡，相機套，腳架....等等)
真係好吸引^^所以我地決定等佢跌價就買
因為佢都出左成4個月lu，應該好快就跌heehee

行完之後，都成4點幾lu~~~
咁我地就去食野喇~~~行左好耐都唔知食咩好~~~
最後....竟然去左柏麗食三文治果間wor
我係果道返左咁耐學，都未試過食果間野><
都ok好味wor~~最好味係果杯鮮炸奇異果汁^^好好味呀

食完之後就搭的士返去喇~~~
4/5個人搭的士真係好抵，同你搭輕鐵一樣錢錢，仲去到你屋企留下^^

返到去，冇野做，咁就打麻雀喇~~~
哇...今日都唔知咩事><??0
勁黑....冇咩點食過咁濟
之後打到十點到，開始FEEL到肚餓喇~~~
咁咪打電話落留下叫D糖水上黎~~
食完之後，我地就繼續打，打到12點就訓lu~~~

開學啦~~開學啦~~
不過唔係我，而係其他小朋友，911先係我開學既日子~~~
雖然今日唔係我既開學日，但係我都好似返學咁7點半就醒左啦=.=
點解==?? 咪因為我細佬囉=.=
眼見佢返學，我都好想返學tim>.<
原來唔經唔覺已經放左4個月假啦!!!時間過得真係快~~
可能今年暑假既活動比起上年豐富好多啦，都唔知時間過得真係咁怏>.<
雖則放左咁耐假，但我都好似冇咩點做過野咁(除左間唔中返工...真係間唔中-.-)

起左身之後就係張床look，look到9點幾就出去玩電腦喇~~~
玩到10點幾就同媽咪落街食野，落左街先記得今日係"青出於藍"大結局>.<
咁我地就快d食完仲行埋百佳就上返喇~~
(行百佳果陣仲諗住買湯丸啦....點知....竟然冇曬利川果隻牌子wor >.<
 其他牌子又唔好味=.=所以最後都係冇買=.=
 呢排好真邪呀想食咩都食唔到既)

返到上去，雖然趕唔切睇，不過都叫做睇到大結局
睇完之後，就開始整我呢個日記喇~~~
好彩有 kiki 教我整相咋^^thx
整到六點幾，就落街買野信免煮埋喇~~~
點知.......都係趕唔切睇呀笨，睇唔到頭果兩個字呀

食完飯之後，就睇電視 + 打埋D日記喇~~~~

十點到就醒左lu~~~
之後睇下電視，hea下又到11點，又係到落街食野既時候喇
係落街之際，kiki打電俾我wor~~~
原來佢同我琴日一樣，又係早左去到~~
咁我就叫佢俾五分鐘我喇~~~
落左街之後，就即刻打返俾kiki喇~~~
我地傾傾傾就傾到11點5，佢要入去lu~~~

食完之後，我同媽咪又去行下百佳喇~~~
行行下....kiki打俾我....佢話佢走得啦wor~~
下...15分鐘咋wor~~~咁快==??
張紙話個talk一個鐘嫁wor~~
我琴日45分鐘都覺得快.......

同佢傾左陣，就約左兩點幾三點打羽毛球喇~~~
返到屋企我掛住用電腦，用到過曬時
因為原先我諗住行過去，宜家得返四個字，唔知行唔行好=.=
跟住kiki就打俾我喇~~我問佢你估趕唔趕到丫拿~~~
之後佢話得wor~~咁我就行過去喇~~~~
行得我好急呀><又曬wor
最後仲早左一個字tim><

之後齊人就去打喇~~~~
一開始，達話要打我個電話破我紀錄wor~~
咁我就同kiki打先喇~~~
哈哈~~~今日我同佢既狀況都唔差，幾好幾好^^

之後我地打打下既時候，隔離間學校係到嘖緊油，好大陣味><
明明我地第一日打波開始，佢已經裝修緊嫁啦~~都唔明點解要整咁耐><
跟住達就返屋企拎乒乓波拍喇^^辛苦曬喇~~而我就同kiki就去針水~~~~
之後就去打乒乓波喇~~~
不過我地今日玩左陣6點幾就走lu~~~

之後我同kiki都覺得肚餓wor~~
咁我地就去搵野食喇~~
搵左好耐都唔知食咩好=.=
最後我地就去食格仔餅~~~
不過都唔夠之前果間好味><

食完之後，我地就搭車走喇~~~
返到去酒樓買雞果時，做左d低b野tim><

返到去就沖涼食飯同睇電視喇~~~
"愛上澳門"真係好好睇呀^^
睇完之後先洗碗heehee

由於琴日太眼訓啦~~~竟然唔記得教鬧鐘tim 因為今日要11點半返學聽talk~~~
好彩呀爹9點半打過電話返黎~~~聽完佢個電話之後，咁就睇返張紙睇下係咪真係返果個時間先~~~
因為我冇咩點睇過返幾點，只係聽kiki講過返幾點~~~
點知......原來我同佢返個時間係唔同嫁><我係返2點半嫁
噢.....打亂曬我既計劃tim
原先諗住返完學之後入返黎屯門搵達，再去元朗搵kiki嫁ma=.=
宜家點好呢=.=??惟有改一改個行程啦~~~
首先打俾kiki話佢知先，點知冇人聽既=.=之後就搵達喇，我地改左係12點係河田等~~~
到11點半我落左街，先知唔記得拎琴日迪士尼d禮物俾佢wor><
咁咪上返去拎囉=.=最後11點8先真正出門口=.=
落到去，當然要跑啦~~因為我仲要去買自悠通><
之後見到班車岩岩黎到wor，咁咪衝上去囉~~~
點知....又俾我趕得切wor~~~
上到車，同達講我上左車之際.....竟聽到"下一站天水圍"
噢.....原來我.....搭錯左對面線呀><
咁咪即刻同返佢講囉=.=真係fish呀!!!!
時間岩岩搭正12點=.=如果我唔係搭錯車車既話，我已經到左啦T^T
之後我咪行定車頭諗住方便落車啦~~~~
點知......落車果陣先知.....應該第二邊既車頭先岩(因為屯門係終點站冇分頭or尾=.=)
最後12點2/3先到，咁就即刻跑過去搵佢喇=.=hehee真係唔好意思呀><要你久等><

之後同佢去回收d紙好搞笑><哈哈~~我地真環保呀^^
回完收之後，我地就去食野喇~~~
唔知點解今日我好想食車仔麵呀~~~咁我地就行過去食啦~~~
點知.....去到....冇開燈既><唔通仲未開??冇理由嫁=.=已經午市啦wor~~~
最後果個人話我地知，今日停電wor><咩理由呀=.=黑到停電冇得食
之後達帶我食第二間麵喇~~~食完之後，我都差唔到夠中返學lu~~~

林走前，我地好似交換禮物咁~~~
哈哈~~我俾佢迪士尼d禮物而佢又俾左一份禮物我wor=.=??點解既
包住左睇唔到咩黎既=.=好似好神秘咁=.=!!
上到車冇野做，好想知份禮物係咩^^
咁我就裝左一裝睇下咩黎喇^^哇.........原來係giroro呀!!!
哈哈~~好得意呀!!!咁多隻之中我就係最鐘意佢喇^^
本應好想睇埋入面係點，不過最後都係忍住唔睇住><
之後搭搭下車，有人係道嘈交wor，跟住其中一位既爸爸係道勸交，推開佢唔好俾佢地係道嘈~~~
推推下既時候，仲推到我坐緊果排登到wor，勁驚呀~~~走又唔係，唔走又唔係
之後佢爸爸繼續推佢，推到車尾就叫佢坐低~~~其間佢地勁互bear同鬧><
過左一個站之後，d西鐵人上左車叫佢地唔好嘈，之後扮曬野咁查飛喇~~~
心諗西鐵人d效率都幾高wor，咁快到既~~~
不過最後我見到d西鐵人同一個紅衫人既眼神接觸同微微既笑
我就知西鐵人d效率並唔係我想像中咁高wor=.=

搭左西鐵之後，發覺原來早左咁多，就慢慢行同過左班地鐵先搭><
仲買左d糖糖同kiki介紹既蘋果味野飲之後，就返去喇，仲有時間wor~~
咁咪一路玩sms同聽mp3，係道等喇~~~

過左冇幾耐，就開始lu~~~
不過都冇咩野講既，佢講既野ice都講過我知=.=惟一一樣我新知既就係英文要考果個pitman試
上左9個字就走得lu~~~好野^^早左3個字heehee
放左學就即刻打俾kiki喇~~~
佢話佢岩岩出門wor，咁我地就約左整身分證果道等喇~~~
到我去到元朗果陣，佢打俾我，佢話佢已經影完身分證啦wor~~
咁快既=.=??好似幾個字咋wor=.=??上次同達去都要成個鐘啦~~~
真係唔好意思喇~~陪唔到你tim ><
之後佢話想飲豆漿，咁我地就約左係千色等喇~~~

買完之後，就去左kiki屋企^^因為有自悠通唔好sin~~~heehee用盡佢
不過原先我係想去佢屋企玩電腦既點知....哈哈....我要砌giroro呀
不過我砌左個幾鍾都係砌緊佢個頭咋=.=因為只係貼佢對眼都貼左好耐啦~~~(好似貼極都貼唔正既><)

砌到六點幾就要走lu，因為要買餸+煮><
咁惟有帶佢個頭返去再砌啦~~~哈哈~~

食完飯冇幾耐，我又開始砌啦~~~
不過有好多位好難"拍"入去，又好驚大力得濟佢都爛wor
係呢個時候，當然叫細佬幫我啦~~~
因為我唔敢太大力整ma 加上如果佢整爛我又可以話佢
哈哈~~其實唔係既~~~
因為佢砌慣高達果d，識得就力ma^^我點會咁衰呢^^
最後終於砌好啦~~~~哈哈~~~
一個掌心咁大既giroro就係我面前啦~~~~
佢有幾款手同腳，可以擺唔同既post
哈哈~~~好得意呀~~~
我已經忍唔住即刻幫佢影相相喇~~
之後仲拎埋其他軍曹幫佢地影大合照tim呀~~
heeheeheeheehee

PS  今日真係好黑好邪呀
      我今朝想食車仔麵既時候，點知個間野竟然冇電冇得食wor
      之後kiki又話想食砵仔糕wor，咁我地咪去天耀街市買啦~~~
      點之又賣曬wor=.=
      你話邪唔邪呢??