其實哩幾日嘅行程非常滿,但知道嘅事仲多!
北京係個歷史寶庫,最難得嘅係阿青就好似
一條寶庫嘅鎖匙。
因為好少導遊可以好詳細,
講一d書上冇嘅野俾你知,
仲有d溫故知新嘅感覺!哈哈~

當我聽完佢講慈禧太后d生活習慣、
對付人嘅方法後,我有一個想法!
如果可以俾我喺皇宮揀一個角色做,
之前一定會揀后宮佳麗或格格。
但宜家會揀做慈禧太后嘅近身宮女。
因為慈禧太后好注重自己嘅皮膚,
就連身邊嘅宮女都係!
佢曾經講過:「你哋(宮女)嘅皮膚,我見到你哋,
個心情都自然好。」所以佢保養d皮膚嘅時候,
d宮女都同時保養。係咪好正呢,女仕們!

P.S:但最重要嘅係,d保養品係慈禧太后出!
慈禧用得嘅一定唔會差得去邊。
喺佢身邊做死一世妹仔都底呀!<冇大志!!!>

我下次去北京(自由行),我一定會行曬故宮、
頤和園;去鳥巢、水立方,但唔會去十三陵!
再加上其他未去嘅景點就Perfect、玩眉啦!
哈~哈~哈~

第一站:同仁堂
原來,同仁堂喺百多年前係叫太醫院!有石碑為證嫁!
之後有醫生講解一下同仁堂歷史、
中醫嘅望、聞、問、切等,
講解完就有人同你把脈、穴位按摩(要$20人仔),
我同風都當然唔放過啦!出嚟嘅結果都係老毛病啦!
之後問我按唔按,我一定按啦;風就冇可能唔慣,
按完鬆曬~

第二站:胡同遊+家訪+酒吧街
我哋都係第一次坐人力車,雖然同香港有出入,
(香港用腳;北京用單車)但都係人力車嘅十種。
d風吹埋嚟好正呀!好舒服呀~中途要落車!

我哋去一個小小四合院家訪。
前院種咗d提子,開頭個個都以為係假,
個婆婆證實係真!我哋冇諗過可以種到野!
再上返車,直到酒吧街。
落車果陣,同個車伕講:辛苦啦!

去到酒吧街好像巡視業務錦,打個圈就上車!

第三站:午餐—北京最後午餐
哩餐係四天團last,之後就返香港啦!
所以大家都食得好開心!大放笑彈!!!

第四站~最後一站:腳底按摩
通常你同我講腳底按摩,我只知穴位按摩,
但今次係足浴!
喺車度阿青話小朋友冇得按,風話唔關佢事,
我同佢講:你聽埋落去先啦,
可能人哋小朋友嘅定義係18歲以下呢!
之後阿青話17歲以下唔可以按。跟住佢大聲講:
哈~真係「死好命」呀!(幾乎全車人都聽到佢講咩!)
我問佢咩叫「死好命」呀!!!
我知係好high,但洗唔洗錦講野呀!!!

最後,我哋起程返香港。
喺機場做最後沖次—買手信!
好!任務完成!滿足返香港!!!

北京,Bye Bye~