第一站:玉器店
當知道會去玉器店,我知道一定會買到野。
因為上次去泰國嘅寶石城,我諗住唔arm我,結果……
所以我一定要買手信俾琦,因為連埋上次個份!
最後,我哋都買咗份手信送俾人!

第二站:寶樹堂(我稱為「寶樹黨」)
我哋到寶樹堂到此一遊,主要聽佢哋sale葯。當佢哋話找人做模特兒
示範d葯膏貼,貼喺咩穴位嘅時候,其中一位男團友好踴躍。
貼完左腳之後就話:「我諗大家可能睇得唔係太清楚,
 貼埋右腳,好唔好?」「好!哈哈!!!」之後示範網球手要點貼。
當示範完右手後,果位女團友突然記得d野:
「呀!我唔記得咗我係用左手!」之後大家都笑翻,
之前位男團友講笑話:「你又唔早d講,等人哋貼曬先講!」
我哋he哈完就去下一站。

第三站:十三陵+午餐
十三陵小小資料:<明十三陵從1409年營建長陵到清順治元年營建思陵,
在長達200餘年間依次建有長陵、獻陵、景陵、裕陵、茂陵、泰陵、
康陵、永陵、昭陵、定陵、慶陵、德陵、思陵,故稱十三陵。>
我哋去睇嘅係定陵,但只係仿製品。因為「阿爺」話:
喺未有方法可以令古蹟唔會氧化前,唔可以再繼續。
我發現有好多錢喺d仿製品度,我同風都有個疑問,
點解d人將d錢拋落去?本來打算上去先問,但之後就唔記得咗。

原本古時d人要防止被人盜墓,就用一塊大石呈45度角喺門後頂住。
正因為錦d考古學家用咗一段時間先打開它。
之後去十三陵餐廳食飯。今日哩餐幾乎食齋,因為得一碟肉!
(食多兩碗飯先得呀!!!)

第四站:擇水蜜桃+萬里長城
每個人最多可以擇五個,我哋當然唔會放過哩個機會啦!
d水蜜桃嘅size真係有大有細,有d大到成個拳頭,有d細到好似布冧錦!
我都係第一次送俾人嘅手信係「土產」!去長城啦~~~

萬里長城詳細資料:<http://www.chiculture.net/1201/html/1201c11.html>
我身為中國人竟然感受唔到長城係中國好偉大嘅建築物!!!
一上到去見到「不到長城非好漢」哩七個字一定要影返張合照,
證明到此一遊都好呀!!!

只係短短嘅幾百級到千幾級,都已經令我想走人。
因為它級與級之間嘅距離可有兩個到四個磚嘅高度,
真係唔知d人可以做到!!!
但個女仔不停叫我陪佢,再加上風一支箭衝咗上去,
又擔心佢會中暑,所以就一齊上去。
(雖然有水,但大大個太陽喺頭頂,都有d危險)
結果,我哋三個同其他三個團友行到最高點,有相為證!0拿↓↓↓

第五站:德勝門箭樓
德勝門箭樓小小資料:<是明清北京內城保存至今的兩座箭樓之一,前樓后廈,
上下四層,開箭窗八十二個,作為射擊的窗孔。1979年8月,
德勝門箭樓被公布為北京市重點文物保護單位。>
去到箭樓打個圈,之後去聽佢哋介紹貔貅(音:皮休)。
本來打算送俾Lin做手信,但果個人話:「如果有線嘅,就請它返去,
唔係買它返去。」之後我就諗:如果它同Lin有緣當然好啦!
但如果冇緣而又發生d唔好嘅事,就唔係我本意。so……
上車前有d小商店,我就去睇下,結果我睇中咗個水晶球,
入面係長城,我決定送俾Lin。當我俾錢嘅時候,全部都係$100紙,
風哥又走咗上車,我結果要買兩個,另一個就送俾wing!

第六站:水立方、鳥巢+湖北菜
當我哋差唔到開飯嘅地方,我哋見到水立方同鳥巢,
但水立方前面太多樹,所以冇影到靜係影咗鳥巢。
食飯期間,個個都講行長城嘅事!

第七站:少林功夫表演(=雜耍)
同以前睇果d一樣,甚麽頂缸、轉碟、變臉錦,
只係當中加d笑點,但都拍咗d片!

返到酒店都係八點。我哋沖完涼就去打保齡球,
之後返上房執行李同zzz

喺車度阿青同我哋講下慈禧嘅故仔。
「其實我覺得慈禧好叻女,無人可以喺佢面上睇到佢嬲個樣。得罪佢哋人唔會即刻拖出去斬,但會令得罪佢嘅人求生不得,求死不能、精神崩潰,唔多亦唔少做到剛剛好!
有一次慈禧去頤和園睇海軍操練,揸船嘅軍人唔小心將d泥彈到佢,全隊海軍連將軍即刻幫佢求情,當時慈禧無任何表情。一個月後,成支海軍人間蒸發,而個將軍全家流放塞外。慈禧下令押送佢哋d土兵嘅費用,由個將軍負責。d士兵食野唔俾錢,對佢哋拳打腳踢。但佢哋無錢點找數呢?為有賣女做妹仔。慈禧知道又下令,所有貴族唔可以收買佢做妹仔。結果只有一個地方可以收買佢哋,就係妓院!賣曬d女都唔夠俾,咪要賣埋d老婆囉!
(賣女已經慘,仲要賣埋老婆,唔精神崩潰就假啦!)
又有一次,有個宮女冲茶俾慈禧,唔小心將d熱水彈到慈禧隻手,仲起咗個水泡。慈禧好注重自己嘅皮膚嫁,當然唔容許哩d事發生啦!所有宮同李連英都幫手求情,慈禧同佢講無事。但李連英仁知個宮女一定凶多吉少,成支海軍都可以人間蒸發,更何况佢!
但個宮女真係無事,因為慈禧知道如果對d宮女、太監都用一樣嘅方法,有人收買佢哋或者佢哋要嚟殺我都輕而易舉。對佢哋好,自然成為一個自我保護平障。」
再過到陣就到第一站!

第一站:頤和園+北京烤鴨
頤和園小小資料:<http://www.chiculture.net/1201/html/1201c27.html>
行到去長廊,所有橫梁係用嚟看圖睇故仔!我就講笑同風講:
「返去同政府反映下,叫佢哋用哩個方法嚟教書,我相信一定得!
中、英、數就話唔得啫,其他可以一試,特別係中、世史,
宜家通識都係類似錦啫!」佢嘅回應係:「痴線!」
之後去祭五臟廟。

北京烤鴨(即片皮鴨),之前都食過一次,諗住今次會地道d,
但……<無分別>。去完花園玩,又食飽飽,都係時候返去啦!
『擺駕回宮!』(哈哈~)

第二站:故宮=紫禁城+表演
故宮小小資料:<http://www.chiculture.net/1201/html/1201c08/1201c08.html>
原來,文武百官上朝係並喺太和殿前面個空地度,
而漢林學院就係太和殿嘅左手邊。
但好可惜太和殿剛剛維修緊,所以睇少好多野同聽少好多故仔!!!

第2.1站:鐘錶館
一入到去見到奉先殿,風又搞爛gag!「嘩!『奉先』(鳳仙)雪條呀!」
我除咗傻笑同感到無奈,都唔知可以點,實在太爛啦!~~~

入去之後,除咗有一定識嘅日規&銅壺滴漏之外,其他都好現代化!
其中有幾個幾特別嫁!
e.g:鬼佬寫字、唱京劇,踏正會做。

第2.2站:珍寶館
展出d玉璽、鼻煙壺、壁玉(big 玉)等珍品。
去到最尾就係全皇宮最出名嘅一個井—珍妃井!
其實個井已經封咗(有讀中史嘅人都知),但點解d人仲會問:
「點解個井口錦細?」「珍妃點跳?」「有冇錦細粒?」
之後經過一條長廊,係拍戲必用嘅地方,即被選中嘅秀女入宮必行嘅地方!

去睇表演—吞劍、吞鐵丸,但無咩好緊張,覺得同睇住個電視一樣!

第三站:餃子宴+夜遊長安大街
餃子宴總共有十一碟餃子,真係可以食到你傻呀!
我開頭以為最多有四、五碟,再加上夜晚點都要有d飯落肚。
但點知有錦多碟,每碟一件都夠飽,等我仲食咗碗鈑!
食仿饍都無話飽到上心口呀!結果個肚好滿足!!!!
最後夜遊長安大街,之後返酒店好好休息!