大家最近放假有咩做呢 ?
有冇一日係冇野做，留咗係屋企既呢 ?
你地留係屋睇電視個陣有睇到 AYU 新碟既廣告呢 ?
哈哈，AYU 真係好勁呀，連 TVB 都有 AYU 既廣告，
真係冇咩邊個日本歌手可以咁樣。
雖然個廣告唔係黃金時段度播，
但至少我日日返緊工既時候都可以睇到 AYU 既廣告
早兩日吃團年飯個氣氛比我搞到好差 ...............
個日我同我兩個阿哥 8 點幾度去到我阿哥係大陸既屋企，
因為要等埋阿媽先食團年飯，阿媽又要成 10 點幾先到，
我見冇野做就諗住瞓下覺 。
阿媽 11 點左右先到，之後我阿哥緊係叫我起身食飯啦，
但係佢既然一黎就扯開我將被，大家都知啦，
冇神神俾人扯開張被已經覺得好過份嫁啦，重要係冬天就更過份 !
跟住之後我就梗係非常之不爽啦 ! ( 雖然明知我阿哥都係同我玩姐 ~ )
我就鬥氣唔起身，點知一個二個係度話我，重好粗魯咁叫我起身 !
最後我唯有死死氣咁去食飯 。
個人又未瞓醒，淨係覺得好激氣，食唔落，就咁食白飯就算，冇夾過餸。
食完之後佢地就打麻雀，我就去瞓覺。
之後第二日我阿哥就話佢琴日差 D 想打我，
因為佢覺得我好無禮貌，係人地屋企唔應該亂發牌脾氣，要識得尊重 !
佢仲話一家人難得聚埋一齊吃飯，因為我搞到大家都食得唔開心，
咁樣食團年飯真係冇意思，不如下年唔好吃 。
其實我都知我咁樣係唔岩，唔識顧大體，
又控制唔到自己既情緒，我既表現真係好唔成熟 !
但係我屋企人之後都冇怪責我既意思，原來佢地個個都咁錫我，
反而我重係度向佢地發埋 D 小姐脾氣，真係唔應該 !
所以我也要為佢地好好努力先得 !
另外匯報一下我等待已久既農曆新年既收獲先 ~
年初一，公司放假，去咗四姨度拜年，有 11 封利是
年初二，公司同事俾我既有 33 封，客就得 3 封 only .....
另外再加一封開工利是 $300 
年初三，即係今日，公司同事有 9 封，客就有 6 封
因為我唔夠膽主動咁同人講恭喜發財，所以先得咁少 
不過真係過唔到自己個關，我面皮薄，怕尷尬。
而且我連同我阿媽講都覺得唔好意思，更何況對住 d 客 ................
不過 d 阿姐真係好勁，可以一 d 都唔做作地同人講恭喜發財，
所以佢地就有好多利是嘞 ，佢地重會鬥邊個 d 利是多 d 添 ~
搞到好似以前賣旗咁，你越主動越積極就越多 $$ 。
不過無論我收到幾多封都好，我都冇咩所謂，
反正我都唔會拆開黎睇，因為我要張佢地儲起黎 !
TODAY 'S 歌詞 :
Ｃ：難道買我的靈魂 能換被愛的幸運
錢有時買得到快樂 但卻買不到愛人
Ｇ：窮極亦有這友人 圍著在我的附近
不見人客的鮑翅席 難道有位更開心
＊Ｔ：一切買完 不知怎麼算
Ｃ：如何用錢 才能實踐
Ｔ：畢生所有心願
Ｔ：給你十億元 肯不肯心軟
Ｇ：流著汗紅著臉 討厭的說喜愛
喜愛的說討厭 Ｔ：只為賺大錢
Ｔ：只有兩元 分享都溫暖
Ｃ：旁人太吵 如何及你
Ｔ：真心給我一元
Ｔ：給我十億元 幾千卡火鑽
Ｃ：我本質 還未變
Ｇ：喜愛的 Ｃ：說喜愛
Ｇ：討厭的 Ｃ：說討厭
Ｔ：享受大冒險＊
Ｃ：無論賺過幾個零
Ｔ：還是沒太多用剩
Ｇ：只要月尾剛剛夠用
Ｔ：何用摘去滿天星
Repeat＊
Ｇ：喜愛的說喜愛 Ｃ：討厭的說討厭
Ｇ：不理多說幾變 Ｃ：不會倒轉反轉
Ｇ：討厭的 Ｃ：說喜愛
Ｔ：喜愛的說討厭 錢用完就算 ( 千金 - Twins )
|
