返咗 5 日工，冇一日夠瞓 >.<

今日放假都冇瞓耐 d ，因為要去書展。

上網睇知道書展 1300 前入場只係要 $10，

1300 後就要 $25，所以就揀咗去早場 ~

我都係早兩日先決定今日去書展，

所以開頭都幾驚搵唔到人同我去。

好彩咁岩表姐都係今日去，

仲要都係早埸，真係 fit 晒

原來上一次去書展已經係前年既事，

上次去仲要一本書都冇買到，

行咗好似一、兩個鐘就走人，蝕晒 d 入場費。

今次幾大都唔蝕俾佢，

我同表姐，仲有表姐夫由 11 點幾行到 5 點幾先走，

仲要我地每人都係 $10 入埸費 only，

真係咩都抵返晒 ~

今年我仲買咗 4 本書，

加上角個本係表姐送俾我嫁，

因為我話個本書讀書個陣有用，

但係個價錢同我黎講貴咗少少，

表姐見我猶豫咁耐，又知本書我有用，

所以就話送俾我嘞，真係好

去書展除咗買書，仲可以順便買埋文具。

之前我係出面買呢種 file 要成 $8-9 一個，

但係書展個度 $20 就有四個，

所以即刻入貨先 ~

不過我唔係好捨得用 >.<

之後又見到「塗改液」(薰衣草味個隻) $26 兩支，

平時賣成 $15 一支嫁，所以又買咗。

一支可以用成年嫁，兩支真係有排用 ~

呢兩支仲要係表姐同表姐夫幫我俾嫁，

真係要多謝佢地

之前應承咗肥哥哥幫佢買 stephy 本書，

但搵晒成個煬都搵唔到，

到臨走個陣買 d helper 先知得大眾有 = ="

睇咗幾頁，都唔太差，仲有 CD 送 tim ~

不知不覺就係書展行咗 5 個幾鐘，

我地走既時候爆多人，

可以用「水洩不通」黎形容。

我地早埸黎真係醒目 ~

今年都有好幾個朋友係書展做，

小妍子、小花，仲有 katian，

不過見到佢地都真係幾辛苦，

尤其係小妍子，聲都沙埋，陰公 !

行完書展我地都體力透支晒，

所以就想快 d 搵個地方坐佐兼食晚飯 ~

不過因為我地都唔熟路，

所以好難先搵到岩心水既食肆。

最後我地搵到間酒樓打邊爐，

雖然我唔係咁鍾意夏天打邊爐，

不過表姐想打邊爐，

而且今餐係表姐佢地請，咁就冇所謂啦 ~

食食下我仲頂唔順扒低瞓咗一陣，

之後又再食過，十足十隻豬，淨係識食同瞓

今日真係好開心呀，有咁多收獲，

不過唔知幾時先會睇晒 d 書呢 ?

仲有要多謝表姐同表姐夫咁錫我，對我咁好

做野做到皮膚敏感 .......................

琴日出旺角個颱風都未係好勁，

到咗夜晚凌晨既時侯就開始感受到佢個威力嘞。

我沖涼個陣度門閂都閂唔住，

個門個扣咁岩又爛咗 wor，

搞到我沖涼個陣要一路沖、一路禁住度門 >.<

好彩屋企人瞓晒姐 ~

成棵樹吹到「歪」晒，d 雨又係咁打落個窗度，

打到啪啪聲，真係好恐怖

好彩今日瞓醒個天氣已經正常返好多，

唔係就冇得麻雀同樂日嫁啦 ~

原本只係傾開計提議黎我屋企打牌，

估唔到會成真 !

阿欣、阿茹、阿凱同 bri 今日齊齊黎我屋企玩，

感覺同自己一個係屋企真係好唔同 ................

我地去咗 pizza box 外賣自取上我屋企食，

因為外賣自取有半價，

我地計返每個人 $20 都唔洗，真係好抵食 !

之後就開始打牌，

打咗一圈半我地就轉咗鋤 dee，

之後仲玩埋「夾三文冶」，

即係猜包剪揼輸咗要疊隻手上去，

到最後贏咗果個可以打輸咗個 d 人既手 ~

開心既時光過得真係快，

話咁快佢地就要走啦 >.<

佢地走咗之後我做咗樣好冇聊既野，

就係偷拍佢地

 你地可以話我冇聊，但唔可以話我變態

附送短片兩個

仲有呢個頭個 1 分鐘同 2分38秒最好笑 ~