又要補打日記，因為呢兩日實在係忙得厲害 ~
首先 9 號晚去左瞓街排隊買 AYU 既演唱會飛，
雖然到第二日 ( 即係 10 號 ) 既 10 點鐘先有的買，
不過我一收工都走過去通利個邊睇下，
諗住冇人排既就返屋企瞓陣先到朝早 5 點幾先再返過黎。
點知我 10 點半去到已經有幾個人係度排緊 !
咁我就即刻改變計劃，去 McCafe 買左杯 Mocha，
跟住再加件藍莓 cheese cake & 朱古力鬆餅，盛惠 $55 ~
反正買飛都用成千幾蚊，一於豪起佢，食好 d !
好彩買完野食條隊都冇陏過，
好，漫長既作戰開始 ~
而家諗返好似都唔係排左好耐隊，
但係個陣時 d 時間好似唔識行咁。
個晚做過 d 咩我都已經唔係好記得，
只係有印象同人吹水同「中下中下」中渡過。
個晚成晚都落住雨，我呢個懶人又冇拎遮出街 wor，
雖然我排個度係有瓦遮頭既，
不過都會有 d 雨水係地上反彈上黎。
隔離好好人，同我一齊分享佢地把遮，我先冇咁狼狽 ~
估唔到排排下既途中會遇見小強 
個晚有好幾次個雷都響得勁大，有次嚇到我成個彈起左 !
等左咁耐，終於到買飛既時候啦，
但冇端端殺出幾個程咬金，
有幾個師奶手拎住籌話琴日拎左籌，有得優先。
有冇搞錯，我排左成晚，
你地就係屋企大覺瞓都可以排我前面，唔公平 wor !
重要佢地都唔係睇，係幫 d 仔女買，
知道你地得閒啦，師奶強人，點夠你地揮呀我 !
咁樣講係冇禮貌左少少，但係我實在係太嬲啦，因為我聽到佢地話
「都唔知有咩好睇，唱日文既，一個字都聽唔明，
送俾我都唔要啦，睇張學友、劉德華個 d 好過啦 。」
個一刻我幾想同佢講唔識野就咪亂講啦，
AYU 咁多人鍾意得梗係有佢既原因啦，
點解要因為聽唔明佢唱咩而否定佢 ?
我都聽唔明嫁啦，聽唔明咪睇歌詞 lor，
我去睇 AYU 演唱會都係想親身係現場睇一次享受個氣氛之 ma ~
如果 d $ 780 係佢地手上買晒，我諗我會癲 !
所以我就托琴晚伯遮俾我個兩個人幫我買，
因為佢地個籌比個班師奶前，
每人限買十張，佢地都只係買兩張，所以就拜託佢地嘞 ~
等左咁耐，張飛終於到手，但唔知點解我冇太大既興奮，
可能係攰到已經冇晒反應 ................
其實我都託左人幫我係網上訂，
估唔到我地買到飛既時間差唔多，連位置都係差唔多。
知道呢個消息之後，個心沉左一沉，
咁我排左成晚咪即係白痴 ?
不過我諗我唔排過我係唔會心息既，
而且我仍然覺得好值得，
因為我証明到對於真係好想做既野，
我會不顧一切咁去做 !
這樣才不會讓青春留白，
到我老左既時候諗番我個時曾經做過 d 咁愚蠢既事既時候，
我諗到時我會會心地微笑出來吧 ~
因為年輕的我曾經這樣瘋狂過 
好嘞，講返今日 BBQ d 野先，
可能因為吹左成晚風，又瞓得唔好，
所以一返到屋企即刻大覺瞓，涼都冇沖 .............
瞓醒已經係兩點幾三點，沖埋涼就出發去阿凱屋企 B•B•Q ~
係途中，發生了一段小插曲，
這件事我也不知可以對誰開口，因為我不想人擔心，
可是我必須誠實的去面對事實吧，畢竟逃避對事情亳冇幫助 ............
反正都過左去，所以不打算跟大家說，
而且我應付得到，我不是不想跟大家說，
只是我不會冇緣冇故提起，
有興趣知道發生了什麼事的話可以問我 ~
估唔到我仲記得點去阿凱屋企 wor，
話晒我都有成年冇去過。
去到佢地已經準備好一切，
覺得自己有 d 衰 tim，因為我忙，
次次都唔可以同佢地一齊準備，淨係可以夾錢，
但佢地都冇怪過我，我真係好開心。
你們所付出的，我都知道，只是我沒有說出口而已 .................
時間過得超快，眨下眼就天黑，搞到睇唔清 d 野 @.@
不過天氣都算唔錯，只係有一段好小既時間 ( about 5 mins ) 落過雨。
哈哈，我又係度學人飲酒啦，仲要溝酒飲 tim ~
其實我都唔知算唔算溝，
我只係飲完支 Jolly Shandy 之後又飲多支 diamond black ~
不過冇醉到，只係個人有 d 熱 。
如果我地唔係係市區度就好 lu，好想盡情咁大嗌一下呀 ~
今日好難得地咁齊人，個個都有黎到，
不過時間過得真係快，又係時侯講拜拜。
幾唔捨得都好，都係要走，但係我趕唔切火車尾班車，
搞到要掉頭坐地鐵返旺角搭通宵小巴 ~
一日假期咁又冇左，點解呢個暑假咁攰既 ?
重攰過返工又返學個時 ..............
我重可以撐幾耐呢 ?
不過呢排都冇 short 錢，仲 fit 數 tim 
只不過而家返工都冇黎精神，野都唔想同人講咁。
但係而家好似又多返食野，差唔多晚晚都要買個 m 記餐返屋企食 !
之不過咁食法，遲早食窮我 ...............
TODAY 'S 歌詞 :
Ｃ：一天一天工作 消失感覺
也要奮戰以免別人 靠你肩膊
當天輕鬆的驅殼 如今已少了動作
甜夢變酸 冷汗常流額角 如何振作
Ｃ：身體差了 眉頭緊了 就似相機不懂對焦
是否我太倦了 體魄弱了 吹吹風也易發燒
身體差了 頭暈心跳 夏季彷彿縮短了
尚記得跟他 抱著放暑假 在那天很愛笑
Ｇ：書包早拋開了 不增高了
哪會碰到有趣事情 教我尖叫 Hu...
今天即使可跟你 能擁抱多數十秒
然後最終 各自沉迷電腦 其餘次要
Ｇ：身體差了 眉頭緊了 就似相機不懂對焦
是否我太倦了 體魄弱了 吹吹風也易發燒
身體差了 頭暈心跳 遇到知己也漸少
尚記得跟他 抱著放暑假 在那天很愛笑
Ｇ：同學重聚紛紛減少 Ｃ：彼此也禮貌了
Ｇ：歡呼減少 Ｃ：花名也漸忘掉
Ｔ：祝福減少 彼此也發現 理想之中 很多仍缺少
Ｔ：身體差了 眉頭緊了 就似相機不懂對焦
Ｇ：是否我太倦了 Ｃ：體魄弱了 Ｔ：傷風咳嗽增多了
Ｔ：身體差了 頭暈心跳 Ｃ：遇到知己也漸少
Ｇ：尚記得跟他 抱著放暑假 Ｔ：甚麼都很好笑 ( 那天很愛笑 - Twins ) |
