自從會考之後,我己經無認真過溫書,講清楚D,應該係未試過認真溫書
每一日得過且過~每一日都戲皮笑臉,嘻嘻哈哈又一日。
雖然從細到大我都係咁既人,未到最後一刻都唔會開始做~
可以係咁既原因,漸漸成為我既習慣了。

會考考到咁既成績,我身邊每一個人都十分驚訝~
就算我自己都認為無咁既成績~當收到成績單果陣
我不斷問自己係未發夢-.-可能我會考果陣真係好負碌
定係上天關照我~我都唔知道出乎意料之外。

就係因為咁既關係,惡夢先真係既開始
由中一開始,我每一日都係HEA過
測驗考試都係HEA讀 會考果陣都會去網吧打機~
所以上到黎中六,我都係繼續咁邊玩邊讀,見步行步咁去。
但係.......大家對我有非一般既期望
話我會考咁既成績,係班到排22?
我話我平時都係咁,由中四開始,全班都係排20幾。
但係..佢地認為我唔會係咁,我覺得日日咁比人講,壓力漸漸浮現出黎。
我揸起本書唔夠一陣,或者做完一條題目,就會起身四圍走-.-
我係坐唔定同無集中力既人。
每日見到番學既人,個個都唔夠訓既樣,仲有好大既黑眼圈。
而平時自己就每日都訓到足,我有時都同佢地一樣既樣,但係我係通宵打機.,而佢地係溫書溫到3-4點。
佢地驚唔夠時間溫書,我仲係到懶懶閒。

每個老師同我既期望好高,係因為會考既成績先會係心入面對我既期望
仲有既心入面把尺係好高,覺得我應該識哂,己有知識。
可能大部份既老師都唔熟識我,唔知我之前D成績同操行係點。
有一位老師知道我之前既成績,都走黎問我點解會一嗚驚人,我都唔知點答好。

從我知道有得上台拎獎學金開始,我心入面不斷問自己,你憑咩?
我都唔知點答,見住D人成績好好,知識廣博,每日都溫書既人,就因為會考既小小失誤,
而失去拎獎學金既機會.我認為應該佢地先係,點解會淪落到我。


其實我唔鐘意讀書,但係依個咁殘酷既社會,你無拎住張證書係搵唔到食
既然我上到黎中六,就應該好好咁讀書
但係我有心無力,HEA己成為每日既精神食糧。
從等放榜期間,我每日都番暑假工,每日都打機
過住無憂無慮既生活。即使係一間普通既快餐店KFC
人工得好小,但係係入面,大家一齊聚埋一齊
一齊邊做野邊玩,得閒果陣圍埋一齊吹水
放工果陣一齊去食宵野(當然唔洗我比錢)
佢地大部分都係中三開始無讀書,就出黎做野
佢地每一日都可以好開心咁過,可惜放榜果陣知道可以升中六
就要同佢地分開。我個人認為係入面學既野比係學校學既野更加有用
起碼大部分都係實用性,而唔係書本上理論性既野。

我係一個唔鐘意講野既人,我鐘意一個人係街到行黎行去
即使無目咁行都無所謂.我鐘意自由,我唔鐘意受任何野約束
無論身邊既朋友比既意見都好,我都唔鐘意比人指指點點
我有我既諗法,而唔想受到其他人既影響。
我最鐘意早D番學校.自己一個人入班房,係呢個得自己一個人既班房入面,我覺得好自在
由於我每日咁早番到學校,所以呢就搵D野做,就幫全班派報紙~
可能漸漸成為習慣,差唔多每一日都咁做!可能我太得閒啦。

如果我係班入面一直唔出聲,就真係會無人理我
所以呢,我點都搵D野講,每次同人傾計,都講黎講去都係果D野
因為..,我唔鐘意講野關係,好多野都收埋哂係心入面
我覺得人與人相處之間一定要靠語言作為羈絆咩
係我既世界入面,我覺得只需要靠行為黎表達自己就足夠
語言呢D野唔需要太多,我覺得係呢個社會入面
即使係自己既朋友,都唔可以盡信
大家你瞞我我瞞你,我唔知道邊一句係真邊一句係假,
係咁多個朋友果中,都只係嬉戲既朋友
只是大家一齊玩~對於真係了解自己既朋友真係無
大家都認為我鐘意吹水,我終於佢地人目中成為不可信任既人
我己經達到任何目的,因為,對於呢D朋友,我唔想有好大既關係
即使大家分開,都無任何既思念同掛慮。
平時好鬼多野講
但係無人發現我係唔鐘意講野
當同朋友出街果陣,一句聲都唔出,佢地就覺得我好怪~