今日有好多功課要做呀，好彩明天係勞動節，但係基於人有惰性的原則，我都係唔做功課住了，都係假期做好ｄ，但係明天有勁多野做，不過算啦。之前又唔比功課，一比就多到都唔知幾多樣，奪命功課=.=

今日老師話唔會講名次^^，要考到２０名內，考唔考到都唔知，如果今次真係可能因為唔講名次，而避開要罰，我下次一定拚命溫習，以作補償！

日日唔開心，星期五今日操童軍操到８：００，操左兩人個小時，累死我了！好在個leader肯準時，我都唔洗太辛苦，比人讚左幾句，操得好。我都唔知今日係唔係星期五，竟然得一樣功課（西史作業３面），在lunchtime做好左，咁就做完功課。

我初時我以為自己係一個對任何評擊都可以若無其事的人，但我發覺原來唔係，當我ｄ唔知係唔係朋友的朋友（唔多朋友∼）唔係好同我講野時，或者某某人講野罵我，我真係會傷心唔開心，我原來好易唔開心

ＡＭ　Ｉ　ｌｏｏｂｙ>????

我今天又係冇咩功課可以做，只有一樣功課，就係中文工作紙，好開心！但係明天係星期五，星期六、日冇可能冇功課ｍａ，所以星期六、日都唔可能太好過。

我好緊張，唔知個測驗點，考我唔好就死得人多，不過唔考都考左，驚都冇用，話雖如此，但係事實上真係好驚，我對我自己唔可以冇要求，想考好ｄ。

今日看好似好多功課，其實好多都唔係功課，所以我好快就有得休息。今日都冇咩特別的事發生，我好想快ｄ知個測驗名次，但係我看到我考得很差的話，我怕我會受唔住打擊呀。今次的測驗（考試果陣），我好似唔係好擔心，溫完書心安理得，但係好似就係我唔係太擔心，我覺得考完見到的成績唔多令我唔擔心，雖然我超越左好多人，但係我偏係唔安樂，我實在唔想次次名次在我之上的人永遠比我高名次。
現在我覺得好似咩都唔重要咁，好似冇野需要擔心，好似冇得玩電腦咁，ｅ家我好似唔在意咁，但係我一到左失去果陣時，我就真係唔開心。

今日又派卷，冇科考得好，科科都係咁，中文又唔及格，好想死，我怕講名次我會頂唔住。明天開始照常上課了，又要過一ｄ日日都差唔多的生活，生活很辛苦呀！都唔係日日唔開心，但係心裡好似有ｄ唔甘心被管制著，都唔知有咩意義。

我好想做一個觀察入微的人，我發覺我成日好大意。好似個統測咁，數學有一道數學題，就係因為一開始抄錯題目，成題錯晒，冇左９分。做埋ｄ野簡直同埋葬自己冇分別。

我都好想返小學探下我老師，但係我回到去我又唔知講咩好，咁久冇探Ｍｉｓｓ，又怕佢唔得閒，左住人地做野，都唔知返唔返好。得閒我真係想同ｄ小學同學傾下計，唉∼∼∼我都唔知人地唸咩！！

我有時都唔知點，做野要有時要理人先做成事（我覺得），但係唔理人又會養成一個不顧他人感受的習慣，我唔係好想咁＞＜，如果唔做好野會比人罵，點算好。