就快又考試了，我都唔想暑假冇得玩。今次又要２０名ｗｏｗ，唔係暑假冇得玩。上年最後果次我都考得好好的，今次唔知會唔會再有奇蹟呢？其實我都唔知自己有冇盡力，我只知道考得唔好就冇得玩。ｅ排成日比人逼溫書，既然都係要溫書，點解唔認真ｄ溫呢，我認為是對的，但是我一面對咁多書，就唔多開心，加上考試亦未到，我未有緊張，一緊張就勁溫書。我成日怕背左又唔記得，我就不斷溫習，溫到睡覺，既係唔溫唔舒服，覺得既然有時間，點解唔溫下去呢，好運是唔會成日光顧我的？我都唔明點溫才是最好的，我不斷溫，不斷背，到左考試就懂做了。

上年的成功是：　緊張＋努力＋幸運

今次要成功就是：緊張＋２ｘ努力＋毅力　最好我會幸運

我估我都有排都唔打日記了，好多野要擔心的，我打係因為我有好多野想講。唔想冇得打機，真係要自己爭取，但係條件真係好刻薄。

好久都冇打日記，一時就多功課而冇打，一時就因為顧著玩而唔打日記，不過有時唔係唔記得打，而係唔想打。

現在係星期日上午，下午我可以慢慢玩，昨天我又玩到唔應人。

今日係星期三，過多４８小時就係星期五的晚上，好難捱呀。生活好枯燥呀，就快把我悶死啦，好似冇咩開心野咁，冇咩挑戰性，悶死了。到左６月中時就真係夠刺激，又考試，考得唔好又比人罰啦，大家都用心溫書的話，我就玩完，所以我都要拚命地溫書，講就易，做就真係好難。

吃得苦中苦，方為人上人　係唔係真的=.="

我考到２０名內，考到１８，唔洗比人罰，好開心，得晒啦。
星期日，我可以去成哥屋企做音樂報告。今個星期好難過！好似過左一個月咁，可能因為等成績，原來杞人憂天，唉∼

　　今日我Miss找到我班名次，但係Ｍｉｓｓ唔係全部人都講名次，我問左Miss，佢話我成績冇咩點變，有ｄ差左，我又問咁我有冇低過２０名內，佢又話冇咁後，唔低過，都有２０名內。我好開心呀，佢好似話明天全班都講名次，希望Ｍｉｓｓ冇記錯我個名次啦，如果真你有２０名內，哈哈，我就唔洗比人罰啦。Ｍｉｓｓ千萬唔好記錯，唔係我就玩完！！！

唉，唔知點解我班有ｄ進步得好厲害，而我只是在原地踏步，有點兒不高興，不甘後人！下一次我會再努力的，但係可能又事倍功半，又係因為做唔晒。等待Miss講正確的名次，希望可以更好。