考完試感覺真好，但係我有４科未做完（中文、科學、數學、西史），星期一派卷一定驚餐死，一定考得唔係太好。

考試和復活節時，一個日記都冇打到，打算４月２０日（考完試）打日記，但係我又唔記得左，唔好意思。

星期六又有得返童軍，我都幾開心。

差一天就easter，雖然好難捱下去，但我會盡力＝　＝

雖然ｅａｓｔｅｒ就到，但死期也就到，點解咁講？？？因為考試就到了，我又要溫書，考試我可能已到極限了，我再努力都好似冇用咁。考試我都唔知用咩心情對待好，考試對我來說係生命的磨鍊，要下好多苦工，幾生苦。

在我班好多人都冇一個對考試的焦慮及固執，考試唔出全力，唔見棺材唔流眼淚咁款，我都好怕，考試一唔出力我就會覺得好唔安樂咁，我一定要溫。

在生命中，我好多野唔做唔舒服！！！！！！！

Hihi

仲有兩日就放假，好開心。

今日放學下雨，我都好怕，因為我書包ｄ書會濕，但我有帶傘子。我放學時，我見到羅立賢，我同佢用同一把雨傘，我都有好多野想同佢講，次次同佢同一把雨傘，我都被迫到好出，搞到左臂濕透。升左上中二冇幾久，我覺得我同佢感情差左，想同佢講野我都唔知講咩好了。

我今日我估我都做錯事了，我用陳子君借筆用（我ｄ筆有好多問題），豐哥又突然問我借筆，我比左陳子君支筆佢用，陳子君似乎好憤怒＝　＝，佢話　我咁信得過你，你借支筆比佢，整到我都唔知點好。

可能everybody對everybody的價值觀都唔同，但我覺得有好多人已變得同上年唔同了，我都絕對認同人會變，對everybody的價值觀都有長短，但我可以肯定唔係三言兩語講得完，甚至用語言或文字都沒法表達。 每個人都有內涵，但你唔係太熟悉佢或佢唔係人，只係空殼，你會覺得這個人好冇用，但如果接觸佢，一定有些對人生的啟發。我都所有人的價值觀都係唔會好易變，羅立賢、Alan Wong、vienne、ｋｉｋｉ，咩人都好，我相信我唔會太變。不過，我覺得friendship冇可能可以forever，因為人會變，但變的係心理、樣子，可是人記憶人有限、隨著時間過去其他人可能會唔記得對方，也可以咁講，當你同一個最近你最FRIEND的人一起玩也好，ｐａｒｔｙ也好，好自然你會在這瞬間唔記得其他朋友了，好可惜。其他朋友唔可能一生都在等自己，所以我都會珍惜眼前人。

在上個Ｓａｔｕｒａｄａｙ去童軍，有個ｎ（１０∼２０）年前在我地ｓｃｈｏｏｌ畢業的童軍回來幫我地操，佢講左一句令

我覺得好感動的說話。你地有人鍾情於游泳，有人鍾意打機，但我鍾意你地所有鍾意的東西，因為我熱愛生命。

佢整到我差ｄ哭。=.=我都幾開心。

今天係星期天，我好似冇咩做咁，但係成日覺得好似有野未做咁，

有一些不安的感覺，我又講唔出係什麼，都唔清楚。有ｄ野我做的

時候有時可能太過分，可能已忘記或不清楚自己個底線。做某些事

情，我都唔知做咩先係好ｄ，吃渴玩樂多了，好似太放縱自己，在

某ｄ時候，覺得自己已失控了。