幾日前的25號，早上9點鐘就已經出門口返大陸，大約中午12點鐘就到屋企．
第一日：返到大陸後到已經係12點，食完飯就同班表弟表妹玩，突然靈機一動，玩大哥大遊戲，我叫佢地叫我老大，
我又列左個表，由老二到老八將我嗰7個表弟表妹按年齡排好，之後個幾日我地都係以老咩老咩作稱呼．晚上就玩煙花，
第二日：食完早餐就過阿太(婆婆既媽媽)既屋企到玩，點知遇到我表哥，佢染左一頭金髮，一個耳朵釘兩個耳洞，成個飛仔．
跟住去村府到睇舞獅比賽，參加者有兩隊，全都是青少年夾雜小朋友．第一隊有點悶，不過第二隊精彩得多，隻麒麟走到圍觀者到，
有個小朋友將封利是放在牠口中，牠一口咬住，好可愛呀！之後買左一大盒砂炮(小拇指大小的一種砂炮，白紙緊裹著一點點火藥
和一些黃泥砂子，用力摔在堅硬的表面就會爆炸，聲響驚人，但是殺傷力極差)．誰知老三玩既時候一不小心就被砂炮炸到隻手，
老三件上衣同隻手都黑左小小，好彩冇咩事，不過我係老三炸到隻手同時，都唔小心被個砂炮在手中爆炸，仲彈到我塊臉，
差ｄ炸埋我對眼．晚上就去南都酒店食飯，食飯前我同班高手打左兩局麻雀，第一局我出允，第二局我自摸雞糊．．．．．．
第三日：全日都係屋企玩電腦，晚上就幫美娟姨姨慶祝生日，不過個蛋糕太多忌廉，食到我有ｄ滯．唉！內地ｄ蛋糕．．．．．．
第四日：全日都係屋企玩電腦．．．．．．
第五日：大姑婆一家到左，加埋大姑婆帶黎既小朋友，屋企總供有9個小朋友出現，這可辛苦我了．．．
突然之間我好似變成小飛俠裹的褓姆狗．．．．．．食飯前玩左一陣煙花，晚上兩家人就一齊去南都酒店食飯．
食完飯大姑婆一家就返屋企，我一家都返屋企慶祝我的農曆生日，個生日蛋糕係兩層的芒果蛋糕，係美娟姨姨的丈夫古姨丈買的，
仲好味過美娟姨姨個生日蛋糕，我個蛋糕成四百多元．真多謝曬呀，古姨丈，我第一次過生日係食兩層的生日蛋糕的，好感動喔．．．
睡前食左碗婆婆煮既米粉，我一直最鍾意公公婆婆煮既米粉，我曾試過叫媽媽煮米粉比我食，好奇怪，妗N唔出公公婆婆既
米粉的味道，食婆婆既米粉完我牙都唔刷就去睡覺．
第六日：30號了，食多次婆婆既米粉當早餐，食完午飯就返香港．．．．．．唉．．．好唔捨得呀！！
大哥大列表：
老大 當然係玉樹臨風,風流倜儻既本大狗啦!!本大狗今年15歲．
老二 琳琳（８歲）最知我心，好幫得手，係我既得力助手．
老三 寶寶（７歲）因家庭問題（我唔講咩事）所以思想最成熟，識睇人面色，不過有時都令我好激氣．
老四 文浩（７歲）又霸道又百厭，連佢阿媽都睇唔掂，不過我竟可壓制佢，哈！
老五 俊霖（５歲）以前好百厭，現在卻乖左好多．
老六 婷婷（３歲）好乖，不過佢直呼佢阿媽個名，我從未聽過佢叫媽媽．
老七 權權（２歲）百厭得來又識逗人開心，真令我哭笑不得．
老八 誠誠（六個月，當１歲啦）最小最可愛，好好玩．
|
