今日係本校第二十三屆陸運會，可能太緊張，凌晨５：２３就醒來 ，不過等到６：１０先起床．
可惜全日天氣好差，風很大．因本犬係紅十字會會員，所以早上既升旗禮我就有份兒步操(被迫) ，害我冇時間做熱身......
仲要凍到死......千人操打後係升旗禮，升旗禮打後就要即刻沖去比賽．
當我正在更衣室換衫的時候，就已經聽到A Grade跳遠第二次召集，我以極速的速度沖去換釘鞋，
再以極速的速度沖去跳遠，人剛到跳遠池就聽到A Grade 100m最後召集，於是我只好向跳遠請假，接著我又沖去跑100m，
唉∼在A Grade 中小犬是最細的一群，能力上實比人蝦，但結果我的成績是在A Grade 中跑第11，我都好滿意．
完左100m就沖返去跳遠，參加者有65人左右，我的編號係１６，可以話係等足ｎ世先有第二次跳，
就係咁我就在在大風中獨坐，我只穿著短衫短褲，外套都冇件，凍到我震......最好忍不住向視線之內的同學借外套．
成績係第９名，滿意！！
下午１２：３０，食完我媽媽的愛心三文治後，就與同學去散步，等到２：１０左右，
我就準備跑4x100m班際接力（中一至中三），第一棒Sally，第二棒本犬，第三棒Toeby，第四棒Mandy，
Mandy叫我地留力跑師生際接力，結果成績係第８．最後輪到重頭戲400米師生接力賽，第一棒Sally，第二棒本犬，
第三棒Mandy，第四棒係我地的男班主任Mr.Mak，我地跑線道７，好籤！！比賽時一直帶頭，雖然第三棒差ｄ比人追到，
但第四棒Mr.Mak一下沖前，領先半條街，嬴左Mr.Yu，全場歡呼，結果嬴左個金牌 ，哈！非常非常非滿意！！
爽呀．．．．．．
唉......可惜社際的獎項強差人意......
|
