...今日溜左兩個鐘冰...
唔知係咪太耐冇溜..
一落到場有d唔慣
之後..后後溜..都要再練一陣

練交叉腳果陣, 同一個位兩次..
慘慘

唔知點解...
我最近既頭痛次數愈黎愈頻密
前果排係幾個禮拜一~兩次
之前就係1個禮拜~兩次
最近就係1日次左右
今日.....一日兩~三次

中史堂上上下突然好痛...
按摩左大陽穴十五分鐘左右至好d..
中文堂少少啦.....唔算太痛, 都有少少
班主任堂又突然痛.......都按摩左一陣....

唔通最近真係唔夠訓...??
但我日日都好精神地起身....=^=
以後要帶藥油返學, 真麻煩

放學好大雨呀
仲好似愈落愈大咁
我同bobo雨中漫步
在雨聲雷聲的襯托下
我和她一起尖叫救命
只望, 叫聲比雨雷聲遮蓋...~~

因此我地叫得好爽
好難得見到bobo都係咁嗌
呵呵

今日整果個燈籠...慘........
我個設計比jaye, 櫻子改左好多..
除左, 長方形, 3層, dad既詩....之外
冇野同本來既一樣...唉.......
顏色, 質料, 頂部設計, 圖案, 其他裝飾部分, 燈籠大小
都比佢地改到唔同哂.............
結果出黎既樣
只係可以話用左一個下午, 用左好多材料, 整左個垃圾出黎
唉......搞到我都唔想講...佢本來既樣, 係我設計
不過改改下, 都唔係我既設計啦...

天日返到學...唉, 算啦, 邊個叫我係組長
整得咁樣衰...我都有責任....
我都係鐘意我本來既設計多d.......
見到而家變左咁既樣...有d想喊

lunch, d男仔關左課室門, 又熄哂d燈, 開哂冷氣
我敲門又冇人肯開, 仲比A鬧"洗唔洗敲得咁大力呀"..
你開比我, 我咪唔洗咁大力囉, 驚你聽唔到呀
又唔比開門, 佢地話會走冷氣
條門隙我兩隻手指都過唔到, 冷氣走極有限啦
一關門, d人又要入黎, 開門既又係叫我, 關門又係叫我
搞到十幾次....都係咁...B叫我 "你去關門啦~~"
我鬧 "少少隙冷氣都唔走得幾多, 唔洗關啦, d人又要入黎, 開開關關好煩嫁
一係你自己去開同關, 唔好叫人"
A又叫 "你去關門啦~~"
好~~我去關, 之後, 我一腳踢向道門.....哼
A "洗唔洗咁呀.." 要!!一係你自己一個lunch time去開開關關十幾次囉
中文堂, 蘭姨一眼就睇得出我"不高興"...

放學兩個呀sir又係度唔知鬧咩....
仲有一個明明今日冇數學堂, 又趁班主任堂比多樣功課我地
星期一交....5樣功課, 一個背默...(其他line既人我就要幫佢地默哀, 佢地仲多)
(星期六要大哥姐講座, 星期日要整班際比賽既燈籠)
欠一次就比人鬧一次, 好似驚我地唔夠多野做咁
放學買燈籠既材料, 同jaye, tracy鬧左兩個呀sir 10分鐘左右

今日粗口, 粗魯既動作都用埋
脾氣極差的一天