德育堂既...我的目標|呀sir竟然要我地用英文寫
仲有用英文匯報
好采抽唔中我

今日上完P.E堂, 見到terry係課室門口度等我...
向我請罪...
仲話 "本來佢係坐你個位, 見到個位係你,
我即刻坐去格離果個 "
之後唔知點解搞搞下, 爛左我把鎖..
我打左佢一陣...
吼左佢一句 "你見到個位係我, 仲敢整爛我d野!? 作死"
而且征用佢把鎖.....一定有去冇回, 賠比我的
好采佢自己自首
如果要我查係邊個, 佢一定唔止比我打+踢+鬧

打到出哂汗, 好耐都冇打到咁爽啦....

今日真係好尷尬...
地理堂....叫冇分既人起身答問題..
姚姚 : ....胡思諾....(好細聲)
黃sir : 咩話? 黃思樂?.......
我呆左, 企起身
姚姚 : 唔係呀, 係胡~思諾, 黃思樂有分嫁啦....
我坐返低..........果下好想撞牆死...

仲有個...中秋既燈籠設計...
今日係14/9...個燈籠要20/9 or之前交
去死啦, 得果6日, 通識功課平時都有1星期去做啦
點做呀!!!!
jaye, 我都比人話 "成班Art 最好既兩個.." 明明只係頭五姐麻...
櫻子...比我拉埋落水, 佢都係Art頭十呀~
煩死啦, 功課多...又要做埋呢d野

呵呵呵....琴日整左一個「黃家皇族表」
但係詳細唔多講
講出黎好似會令某d人無奈且尷尬
但係我都會寫張野比bobo
因為而家講d靚仔, 我都會用佢地既代號

我同郭若琪講左
佢都好認同, 仲叫我加埋佢同一個男仔
見個男仔都係中等靚仔.....
都加埋....

嘻嘻嘻..

嘻嘻嘻嘻....好開心呀
我既咀咒娃娃今日用得着啦.....

黃思雅今日話出街, 跟住又唔出
佢之前拆左我部機既線...拎走部新主機去佢果部電腦
部舊主機扔比我用, 又唔幫我插返d線
今日我用緊新既果部
佢又鬧我"用佢部機"  →主機是我的, 係佢私自掉走佢, 我都仲未同佢計
佢幫我插左d線, 但開唔到, 我叫佢"你幫我開到部機至算啦"
佢話"呢d你自己搞啦, 要人服侍呀?" →咁你就唔好拆我部機啦
我唔理佢繼續用,
佢話我"死都霸住, 又唔讓佢玩, 好自私" →唔知邊個搞到我冇得玩我果部呢

哼, 如此無理取鬧, 厚顏無恥, 歪曲事實的女人, 大概只有佢
仲打我發脾氣, 今日我唔咀咒佢
我唔叫黃思樂

放學經過4E班, 心情低哂...一諗到...
4B冇靚仔4B冇靚仔4B冇靚仔4B冇靚仔4B冇靚仔
要對住佢地3年要對住佢地3年要對住佢地3年
果陣真係...心情低到想喊...
忍....

見到郭若琪....打下招呼
跟住傾傾下, 傾到"靚仔".....愈講愈high
仲知道佢有新對象...呵呵
佢既眼光一向唔錯....^^
alan, berlin, yellow b, panda.......比佢鐘意過既, 連我都認同佢地係"靚仔"
當然仲有幾個...(一共有7個, 竟然都係4E....有兩個係4A)
講講下, 講都開心哂~
佢都好同情我...要係冇靚仔既班度生存...(又想喊啦)

傾靚仔→ 搵郭若琪
傾小說動漫→ 搵debby
傾閒計→ 搵bobo