我望住雅芝既指甲..: 嘩~好長呀, 與其剪左佢, 不如比我
雅芝 : 你想點呀, 有咩用?
我笑 : 將來要咀咒你果陣...
雅芝退後兩步 : 我今日會剪嫁啦...
我望住佢既指甲, 笑 : 我而家有指甲鉗, 借比你, 剪完就比我
雅芝 : .........你笑得好恐怖
後黎, 我係佢件衫上搵到一條甩左既連根頭髮^^

我同bobo講 : bobo, 你身為我既朋友, 借條頭髮比我都好應該
bobo : 做咩呀?
我笑 : 如果將來我要咀咒你, 就有用
bobo呆左
我再笑 : 或者有人要咀咒你, 我可以賣你既連根頭髮比佢, 好有用嫁...
bobo : 米傻啦, 我唔會比你.....仲有, 你而家個樣好恐怖
後黎, bobo用手梳一梳頭, 見到有一條連根頭髮甩左, 就比左我啦^^

我同bobo講 :係喎, 呀譚都未比...而家過去問佢拎啦
呀譚 : 做咩呀
我 : 咀咒...頭髮, 指甲是但一樣
呀譚 :唔比..(仲轉頭同方xx傾計)
我笑 : 咁我自己拎...(我輕輕拉下呀譚d頭髮 :我要頭髮.)
bobo : 算啦, 咁拉係拉唔.......(bobo又呆左)
果陣, 呀譚有一條連根頭髮比我拉左落黎^^
後黎呀譚以為我未拎到..一見到我就好驚咁縮隻手係後面..
仲話 :思樂, 你咁笑好恐怖

之後我問bobo :你拎你地頭髮果陣笑得好恐怖咩, 你地個個都咁講
bobo望一望, 笑 : 你而家至知呀, 你睇我地3個諗d野幾似~

好驚訝....
琴日係圖書館借左本關於學德語既書(英文版)
今日係閱讀堂睇
馮sir行過.....望左一陣
"咦! 德文黎個喎....你識咩?"
"學緊.."
之後, 我係果版睇黎睇去.....見唔到有寫書名係度...
但呀sir一眼就睇得出係德文...勁呀

sorry→pardon
see you tomorrow→bis morgen
good morning→guten morgen
yes→ja
no→nein

由於有好多字都唔識, 所以都係要查下啦
唔多識讀d音...讀到好難聽

啦啦~又搵到一系列好睇既書啦~~
繼《吾命騎士》之後係《玄日狩》
再之後, 就係我而家睇緊既《不殺》

好正既魔法戰鬥~~
呆呆的酷酷的異世界第一殺手,
有強大魔法力量但未完全醒覺既懶人,
外表可愛且是人間凶器的女生,
最強防彈但又愛美又自戀的男生,
可愛又愛食的5歲神聖白龍,
騎士學院最強又如王子般優雅的男生,
叫人哭笑不得又白痴又無聊的校長,
腹黑帥美強勁的X級通緝犯..............

點睇都係一個搞笑, 好睇既魔法戰鬥既系列
沉迷中....

真係開心
中文...新黎既潘sir教,
我同dad, bobo.....佢地一齊上
英文...miss鄧教, ( 好過由 好有威嚴氣勢既miss張教^^ )
有譚, jaye, hannah陪我~~

好采呢兩個老師都唔惡姐....
兩個主科可以讀得好開心>3<

除左數學老師+班主任既馮sir比左功課 (明明仲未上堂)
中英都冇野做
有d覺得bobo既英文班可憐, 咁快有3樣功課

今朝6點半, 比一股強烈既不祥預感嚇醒....
係床上諗下有d咩未做好.......
結果都唔係發生d咩大事......只係......
1, 學生資料表未簽名 (好采我訓醒就check下, 如果唔係第二日就比人罰企)
2, 有想嘔既感覺
我懷疑係因為我地班 9個男仔+兩個呀sir , 竟然冇一個係靚仔
搞到我心靈受創→精神差→抵抗力下降→想嘔.....
↑上面既呢d我都有同bobo.譚, 雅芝講
1既......比我預防左
2既......比第3既事件搞掂左

3, miss張上台講校服要求, 在幾百人中, 抽班號抽中左dad
我最緊張的人之一......我諗都算係不祥......
知佢無奈, 緊張, 尷尬....
但我就好黑心咁 拍手同笑 (dad, 真抱歉)

笑笑下, 想嘔既感覺就少左好多, 放學再去4E睇靚仔
好返哂~~果然需要靚仔黎養眼, 滋潤心靈^^