唉, 我都唔知佢兩個搞咩野
年年都係母親節呢幾日嗌交....
我印象中冇一次係過得開開心心..
佢唔知佢地搞咩

今朝, 呀爸一大清早出街
之後呀媽又出...
下午呀爸返左黎...睇完城市論壇又出去
之後呀媽又返返黎=.=...

食飯果陣..平時佢地一齊坐, 今日呀媽無啦啦坐到好遠
佢地兩個又冇講過野....

好心呀媽啦....無啦啦做咩搞呀爸d魚至得嫁....
呀媽而家又冇嬲...佢就自己係度嬲人
我都冇佢地咁好氣, 唔得閒理佢地

今日終於搞掂果d煩人既功課
但係仲未溫書....屋企而家 "好凍"
冇哂mood啦

呢幾日都唔多得閒...唉

天日就係母親節
但係我呀爸呀媽而家係度冷戰緊
話說.....
呀爸今日一見呀媽返到黎就唔理佢
呀媽唔知咩事: 你到底嬲我d咩姐.....又唔出聲
呀爸理都唔班佢, 睇馬.....
後黎黃思雅同我講....
呀媽又倒左呀爸果兩盆魚.........落廁所...沖埋
真係可憐
由1缸幾盆, 一共幾百條魚BB.........
變左兩盆, 一共不多於50條既魚BB......
而家....一條都冇=.=

呀媽又係既.....明知呀爸冇左隻腳, 自己去到既地方已經唔多
仲到倒左呀爸唯一既娛樂同消閒玩具........
仲要唔知自己做錯d咩
如果係我, 我都嬲啦........

唉......眾多的小生命, 我為你地默哀......

慘....最近既脾氣愈黎愈差
坐得係第3組........算啦...
但係淡氣屈埋屈埋.....好唔舒服
搞到好似發自己脾氣
真係乞人憎
而且讀讀下書, 無啦啦自己喊.....
真係戇居, 搞到我lunch都冇心機食
佢地死佢地事......咪當呢組得4, 5個人囉
其他5個人, 死嫁

今日放學phy補課
..........我睇我都係要再溫下

考試愈近, 測驗默書愈多
考來呢個月....暫時有5個...
LS, phy, CH, chi, ECO....
唉.....默書.....
天日chi, 英文又唔知幾時
咁搞法, 我幾時至溫得書呀....
功課......唉.............愈講愈心灰

知道5月有排忙, 可能連抖氣既時間都冇
所以, 書, 漫畫, 所有野都係呢兩日搞掂
連bobo, joanna都開始溫書...
自問慚愧..........

唉....辛苦既日子黎啦

今日大匯演.....唔洗上堂, 1:30至返
10點半, 同debby去左牛池灣圖書館
借書同做數學既練習
做做下覺得肚餓..冇哂力...=3=~

返到順天, 食左碗粥, 炒麵同bobo家姐整既甜品^^
飽飽

到睇表演.....偵探學會果個好似變左搞笑....
panda, 林x傑, 賴松扮女仔...果把長頭髮....攞命
不過panda有3句我覺得好正..仲要係用女仔聲黎講....冇得頂
1, 不愧係高級女校, 連d男老師都咁靚仔     (由於我不嬲都鐘意周圍望下有冇靚仔, 所以我特別呢句)
2, 林 :點解你會知道果個人係佢男朋友?
panda :呢個係女仔既直覺   (佢仲要一邊講, 一邊用手摸個頭...呢下至正)
3, 下, 唔係呀, 今次要去男校? 咁我咪要扮男仔攞? 我接受唔到囉    (佢係唔會適合嬌滴滴既聲)
不過pamda既表現真係笑爆人地個肚

賴松都扮得好似女仔, gd~
林x傑把聲沉左d...