今日上堂都冇咩留心...
好似呆下呆下又一日咁.....
可能心情仍然莫名地低落...

放學有個選科講座..
本來都好好地
但係點解要跟學號坐??
所以我就同左個雪人一齊坐=.=
同佢講野, 佢唔理我；問佢野, 佢用動作答我=.=
cool到死...搞到明明冷氣吹唔到既地方
都變到好凍=.= 仲凍過風口位

心情好納悶=.=唔知想做咩

嗚哇~~好頭痛呀....
唔知係咪我太蠢....唔識計呀
對左d數差唔多成3個鐘.....
只係做左一半 >口<

平時食飯最耐食10分鐘 ( 計埋添飯..)
今次食左15分鐘以上....
食食下, 我仲係度望住d數發呆.....諗緊點計
聽黃思雅講 :你拎住載滿湯既湯匙, 又唔飲, 對眼只係望住張紙, 發哂呆咁.....人地同你講野你又唔理...
我聽唔到有人同我講野=.=
只係知....好頭痛呀, 又相似又體積
明明唔係難, 但係總覺得好亂又好煩...

而家為大家現場報導..
１號選手 ── 相似，２號選手 ── 體積。
現場的戰況非常激烈，拳來拳往又打成一團，令到戰鬥場地 ── 大腦都搖搖欲墜，
嘩~ 兩方的拳風都很強勁，竟然同時產生了強大的旋風。
連雷台都幾乎要倒塌了。          【 救命啊~~~~ 】

係呀, 倒塌既係我呀.....
點算呀, 天日中史test呀, 我溫都未溫過><
最慘既係, d數未計哂, 我就唔想停...(份功課星期二交..)

好頭痛呀!!!!

今日既義工都ok, 唔算好累
但係..我係第一組既司儀, 真係好~~緊張T.T

但後黎 馬宇, terry, 家富哥佢地都好識搞氣氛^^
唔錯, 但係.....死人yellow b
當個個男仔企係前面, 上哂台唱粵曲果陣....
得佢一個企係台下女仔堆果度...
有個呀婆叫, 佢都唔出..."我都有野做嫁, 派禮物丫麻.."
派你個死人頭!!!!
好企唔企仲要企係我後面....=.=

整體黎講, 今日都唔錯~

返到屋企.....突然好累, 訓左一教, 又同bobo, joanna去圖書館
返屋企之前, 我痴住bobo一陣一陣又一陣至比佢走

又返到屋企, 覺得心情好納悶.....
又有一種想再剪短d頭髮既衝動
我同黃思雅講 "我想再剪短d個頭"
佢 :又剪? 你冇野呀........
唉, 唔通真係我有問題? 今次連黃思雅都為我心痛
但係..我個心冇咩感覺=.=

終於搞掂果個閱讀分享啦
miss鍾既評估都ok
1, 整體唔錯, 好實用, 而且果個方法真係得
2, 但係唔夠自信  →呢個係人都知, 但我就係改唔到....=.=
之後本書借左比bobo睇~~

放學睇男仔打手球比賽,   3A vs 3B
個個既表現都唔錯, ~^^
但係....panda射到個女仔既頭....
果陣個波既衝擊力..一定唔細....
panda出返黎抖抖, panda個樣....我feel到有陣陣殺氣...(心理作用..)
同bobo走果陣, 行過panda前面, 我地急急行過
我地話 "feel到有d寒氣..."

天日就係義工啦..........
唔好懶床就好啦=v=

 今朝起身..對腳有少少痛
可能琴日突然間心情好好..(原因不明)
所以....玩左15分鐘既拉筋運動
我識果d, 幾乎都玩哂..總之15分鐘, 連續又跳又踢,
成身鬆哂...好舒服~
自從整傷左對腳....今次係第一次玩到咁...痴....
結果小腿痛痛地=.=

P.E打排球..ok啦, 上次打係上年...今日打返...失哂準~

小息搵bobo果陣...比我見到d唔應該見既野......
唉~呀譚........唉......女大不中留............唉...

天日有HIS test..雅芝唔記得帶份notes返屋企....
借左比佢.....今晚再問佢拎返.....8樓姐...我落4層...冇咩問題

不過, 個頭又開始暈暈地, 佢call我果陣岩岩沖完涼
個身仲熱, 突然要我落去8樓.......
行樓梯又吹左涼風...........@@

閱讀分享又後多一日, 天日中文堂.....唉...