掉左位, 呢個位勁唔掂
個位本來唔錯
但係....前面暖暖, 格離聰哥, 後面李慶,
前斜面係呀king, 後斜係簡秀....
跟住係牆^^
唉...有果4個男仔係度...好嘈
我仲要係中間....
真要命

今日唔多掂, 好累
返到屋企, 沖涼→訓教→食飯→訓教→溫書→訓教
個身好累, 個頭好暈....
可能天氣問題, 唔多舒服
但係天日mat 有test, GEO有默書...
好采d功課係星期六比我掃哂
可以輕鬆d

今日好悶, 冇野做
所以係度做功課.....
day a至day d 老師比定果d功課我都做哂
跟住..又再訓教....最近好易累=.=

無無聊聊..粗略計下, 今年有幾多利是...
因為我呀爸隻腳既關係......冇左至少8成
仔細d既話...唔講
講起黎都可悲.....只有呀譚知..暫時

唉....天日中文有test
但係我帶錯左數學書返黎...
冇得溫....勁薯囉><

今日好正呀~~
上午陪完靜雯見工
下完去整朱古力...
雖然整左軟心
但係....我覺得, 甜過頭
不過都好好味
而且當中都好d笑話
廢事果個人唔happy, 唔講名

1, 送比女朋友既朱古力包裝係....日本城膠盒
最後比我, 靜雯, 琛姐笑到......^^
聽到既第一個反應....
我 =呆左, 跟住....大笑....."你唔係呀...一d美感都冇"
我家姐 =冷笑地說 "哼, 幾有創意丫"
靜雯 ="下? 日本城膠盒? 佢冇野呀...." 跟住大笑
琛姐 =先一呆, 再大笑....."日本城膠盒? oh~no"
而且提議佢買個紙盒, 否則冇美感.....
仲有, 如果真係日本城膠盒.....真係有面送出去??
發夢起都識笑...真係唔知點解佢第一次講果陣...
個樣仲係好認真同理所當然

2, 叫左佢買現有既碎紙條...佢唔買
跟住諗諗下又買....聽左個老板娘話買左果d
佈置房既....紙條=.=....最後.....要我同琛姐幫手剪剪剪剪剪
人地老板娘幾多歲呀.....五十幾啦好冇
邊有人用佈置房既紙條黎...做整既墊底裝飾.....(唉..)
要我幫手裝飾.....都唔知係佢氹女朋友定係我氹佢既女朋友=.=
之後佢有幫手, 但係...佢一係太粗, 一係太幼....
搞到.."好有層次感" 同埋 "好有性格"
不過算啦, 整得太靚就唔係佢既傑作啦~

3, d朱古力排係個盒到...好似係19粒
我睇住佢排, 個額頭都開始流汗....
佢準備蓋好果陣...我一手搶左
交比琛姐.."琛姐, 你幫佢再排過啦..."
琛姐, 靜雯望左一眼, 呆左.....跟住大笑....
都唔知佢係點排出黎....
最後都係琛姐幫佢重新執過,
因為我冇眼睇, 所以比哂琛姐搞....

今日對住呢3個笑話, 都唔知唉左幾多次
佢仲好意思同我講: "第一次正~佢會睇諒我既~XD"
係呀, 佢會呀....咁我地呢.....
咩都係我地幫哂你啦......所以最後個樣都整得靚靚
唔係日本城膠盒.....
對住佢既"美感", 一日"唉"一百次都唔算多...
唉....今日真係身心都累死....返到屋企訓左一陣
食左咁多甜野, 天日會唔會變肥左呢? worry....
返到屋企, 野都唔食, 訓教...太飽啦

我準備訓果陣, bobo call我, 佢呀媽整d左餃子比我
勁正, 有臘肉, 青豆, 仲有d唔知咩肉同唔知咩菜
不過好好味^^ 至少我平時唔食既臘肉都我覺得好好味
bobo呀媽整野食真係正......新年果陣睇下佢地整唔整蘿蔔糕先~~
 

萬歲~~~多謝個天, 多謝我呀爸, 多謝......
個電話終於拎返個密碼啦~~~
可以用得啦, 封左成個月
真係感動到流淚TVT

今日心情唔錯, 但係朝早就病病地
下午唔遁係咪傳左比人
所以冇事~~

天日好忙,
1,陪靜雯去紅磡見工.. (我+靜雯)
2, 見完工, 買材料   (我+靜雯)
3, 2:00-5:00, 買完就去整朱古力~  (我+靜雯+琛姐+某人)
雖然要周圍坎, 但係好似好充實的^^

放學果個咩義工...講座...活動....唔知咩啦
搞到差唔多5:30至放得...
明明話5點..冇左我好多時間
返到屋企仲忙
用左十分鐘
換衫+洗碗+煮飯....累死啦
不過今日呀爸出院.....(佢搞到屋企好亂=.=)
唉........總之就煩字一個
不過..佢住左兩個月院...
我有成個月冇見過佢=.=
真係不孝....

今晚一樣忙, 天日電腦有test(筆試)
今日bobo同我講, 佢地班有....我問詩晴姐...佢都話有
但我好肯定, 天日有一半人係唔記得左
因為果個科長都好似唔記得左....
至於功課, 琴日見悶, 都做左兩樣
但係今日miss wong心情唔好, 話我地全班4組都唔夠5分
罰我地抄, 但係其實有d有5分囉, 只係佢掛住鬧人唔記得加返d分
所以就唔夠, 所以我又無啦啦多左一樣功課

唉........唔記點解, 呀爸一返左黎
屋企又好似多左d好耐冇聞過既煙味.....冇聞兩個月,
仲係好討厭, 雖然佢知我唔鐘意, 冇係我面前食,
但係佢好似唔知我個鼻都好靈=.=
而且屋企好似又迫左, 多左架輪椅同埋果個 扶住黎行既u形大架(唔知果個叫咩名)
輔行架?唔知呀

今日仍然好累.....