做左3件好失敗既事....
今朝10:00, 琴日果個人同我講..改左今日10:00元朗
好好, 今朝我就自己 由觀塘去元朗......
而且問我家姐借左手提..(我果個仲未好返..T.T)
一直都好順利, 而且仲發現有幾個女仔
睇個樣應該返緊功....着住高跟鞋
但係都仲矮過我.......^^
點知去到一半...要係美孚轉西鐵線....
唔識點行....=.=.....
跟住我call人
1, alan -- 我同佢傾左兩分幾鐘, 中間有兩分鐘係鬧我...
"你係咪傻嫁, 自己一個去咁遠?""有d返黎觀塘呀, 一個女仔去山卡拉咁遠..."
都唔知佢係咪有心, 明知佢果陣係街市(佢話..), 講野仲要好大聲....要拎開個電話少少
有d路人仲係度望住我..........=.=
佢一路鬧, 我一路應佢, 一路搵緊點行...
我失敗既係...點解要call佢, 問唔到路仲要比佢鬧
算啦, 佢都係關心我姐...唉..........
2, call呀譚...電話響左一半...突然記起
"九點幾...呀譚冇咁早起身...."所以收線
3, call果個約出黎既人, 佢好好人, 教我點樣行......
雖然係係唔明, 但係佢話"D出口, 唔好出閘, 上電梯"...我都識睇英文字.....
跟住行到一半, 唔識行=.=.........但係個電話, 好死唔死呢個時候冇電
我失敗既係, 點解我要問黃思雅借電話.........該死的冇電
我上左大堂果邊, 好大好空....又唔知點行, 個路牌又唔知佢講咩
之後我跟人行......行左去去紅磡果邊果條....諗諗下好似唔見元朗
跟住又自己周圍行, 行左去另外果條...終於掂左^^ ^^
返黎果陣......又係大堂果個位.....唔記得左點行....=.=
我失敗既係, 同一個位, 係一個鐘之內, 迷路兩次..
我係果陣突然覺得自己好鬼死白痴
跟住跟人行........行行下又記得點行~
又到返月台果邊, 有個呀姐問我前面既人
"西鐵線點去...."
甲 :果度轉黎轉去好煩嫁, 我唔知點同你講, 你問第二個啦
乙 :我都唔知點講, 總之你上去先啦.....去D出口上電梯.....跟住你再問下或者睇下路牌啦...
我岩岩行左....我識去, 但係佢冇問我...
去D出口, 上面條電梯, 跟住去到大堂好空曠既位, 大概7仔同廁所前面
有兩條線, 一係去屯門(1線), 一係去紅磡(2線)
不過一線要行遠少少, 2線就7仔前面....
搞左成個上午.......終於返返屋企...happy
今日既"歷險"好好玩.....(由心理學黎講)
今日既"迷路"搞到我成個kai女咁周圍跟住人走.....(由地理學黎講)
總之....有d累, 下午............訓教 |
