今日數學堂呀sir講左好多野...
個腦一時消化唔到...
做數果陣, 頭痛又頭暈...
今晚都唔知要做到幾放lu....
總之就死左.....

Angel~Happy Birthday...
你份禮物天日比你。

今日同呀譚大概都揀定左呀dad既18歲生日禮物
只係需要少少時間...

今日德育堂做左個人格類型
睇下以後岩做d咩功, 揀咩科
我~ 社交, 藝術
alan~社交, 企業
hannah~社交
king~社交
雅芝~研究
家富哥~研究
簡秀~研究
好多都係社交同研究......
我對我果個好滿意
好準呀^^
我就係對呢兩個有興趣~

今日開始睇下呀dad既生日禮物
見到d野好靚...好鐘意....
但有d貴.....唉
上網bid好....都係為左alan既18歲生日...
有d貴少少....都.............算啦...
財散人安樂T.T
自己鐘意既都未買到...好可惜...

有3層......
第一層係玻璃..
第二層係沙漏既玻璃
第三層係沙
好有層次感同色彩...
但係....78蚊一條.....
唉....睇下好啦....
雖然我揀野既評分標準好高分....
feel 20% --20 (一見鐘情呀~~)
靚 30% --30 (3層都有唔同既顏色, 透米色, 透明, 沙..)
有意思 30% --30 (即使有多層保護, 時間仍然在身邊流著...  亂吹><)
平 20% --0 (好唔捨得為條鏈而用咁多錢, 雖然靚, 但係有d奢侈...T.T)

joanna~生日快樂~~禮物遲d補...

今日有少少無奈...
我冇帶地圖集...搞到我周圍問借..
仲搞到bobo陪我搵...
d人以為我地傻, 見人就問.....
我連菠蘿琪都問埋....
跑左成個小息...累死
之後...彩免借左比我...
點知....miss冇返..............=.=

中文, 我地果組(5-8行)輸左
因為問題答得少, 字又寫錯哂...(d男仔..)
牡牛→牧牛
木柵板→木 板
廂座→箱座
長戈→長戟
踮起腳→(衣部手+店)起腳
仲有唔記得....
總之搞到我係咁笑....笑笑下就輸左...=.=
好簡單都錯...
不過算啦, 都冇一個女仔肯出...
所以都唔好意思話佢地啦...
只係....咁簡單都.....

放學有個理財講座
個講者都幾好笑....
不過佢一開始既比喻搞到我有d..汗
"自己識先至得, 如果唔識, 到果陣至黎學就慢左啦..
好似....自己明明唔識游水, 仲要去海果度游...
又好似明知自己唔識踩單車, 要去到大埔果陣至黎學踩..仲要學唔識, 要人地車你返去.."
我覺得佢好似講緊我..
唔識游水, 但係之前同joanna去沙灘..游水, 差d滲親=.=....
唔識踩單車, 但係之前12月25號果日...........唉..
佢一路講, 果度d人一路笑..
我都係度笑....不過係無奈地苦笑....
好采我坐第一行.....

最後一日對卷..
中史~ 78.5     (比我想像差...唉)
世史~85     (比我想像中差左少少...)
經濟~ 40/ 70     (唉...呢個冇野好講, 差唔多啦..)
CHM~54     (好開心, 竟然合格..)
BIO~69     (好采....都合格)

今次雖然科科既總分都合格
但係都唔會高得去邊
今日都知道我中文作文卷既排名...全班第2
唉, 呢次係輸比 蘭姨
可能我對我作文既要求有少少高....
好采我每年都係頭3名姐
作文能力都幾平均........但都好唔抵
而且我計過, 如果我冇做丙部...我份卷都有50分
仍然高過panda....贏左佢就覺得好好^^
但係下次一定唔可以再係第二啦....
唯有作文我唔想輸比人...

今日HIS果個新老師, 好似有d害羞...
但係佢話天日會問返之前教過既野...
真係煩煩地...