唉...個膝頭係星期六撞到瘀左
到而家....果個位又黑又紫咁...
好難睇呀><

bobo仲話要我搓酒....真係咪搞
我驚我隻腳會係咁先......
而家行到就算啦......雖然偶然會痛痛地..
另外手掌既傷都仲未埋哂口.....
真係煩

不過呢幾日我心情都好好哦^^
原因不明~~

踏車, 好累, 好痛, 好暈, 好失敗...
今日我學轉彎....果個訓練既地方...d彎真係好彎
我同一個位, 次次都轉唔到..
仲有次...人車一齊炒....唉
成個人仆左係地下....勁痛

下午, 我同呀譚, 又係好似上次咁...坐人地車尾
alan -- 坐佢後面好安全, 好穩定.....下斜轉彎既技術都一流, 所以好輕鬆
vincent -- 體力唔掂 ....
肥恆 -- 體力都差左d, 上斜/ 加速都要由我黎
但係佢地3個都踩得好正...
不過踩得耐, 又用得力多...
對腳差d冇知覺........累死..
而家d風都ok大.....再加我坐巴士少少暈車=.=...
唔知點解我突然我得我...好•唔•掂

不過好采lunch有肥恆請,
我第一次食既富豪雪糕有alan請
都算係安慰品^^

返到屋企...手有3個傷
腳一共有15個地方瘀左..
鬼咩, 呢度跌, 果度撞, 仲有炒左一次....
d傷多度我自己都嚇親(同上次唔好得幾多..)
不過呢d係我努力既證明!!!!
唉....天日一定唔洗出街啦
成日都有傷, 仲有今日咁落力.....
天日一定好痛

天日唔好落雨呀......唔好落雨呀......

PE堂果陣我勁火囉...無啦啦比miss lee鬧左一餐
今日都係上平衡木堂...有高同低兩邊...
我一開始係扶住高果邊.....扶到對手好似抽抽地筋
頂唔順, 我至走去低果邊幫手扶實條木..唔洗咁大力..
點知果邊都係3C既人係度玩...
miss lee就走過黎鬧
"你地以為我講笑, 我就好鬆呀....(刪以下5分鐘既鬧句)...
你地跟本就冇幫過手, 只係係度玩...你睇下高果邊果d同學呀
你佢扶到對手都就黎斷啦...你地又幫過咩手呀?
(再刪以下5分鐘既鬧句)"
我夠知對手會痛到好似斷咁濟啦..
我夠知辛苦啦...
我冇幫到手咩, 佢係唔係都鬧...
我過左去一分鐘...佢就連我都一齊鬧
佢話佢有眼睇, 佢有冇見到我幫手呀
只係識鬧
因為我高低我幫手扶過
所以我高低都未上過去行
之後我仲有份比人鬧我成堂都我冇幫過手
如果佢鬧我"成堂都冇上去行"我冇計, 但係佢鬧"成堂都冇幫到手", 我點都唔据

就係因為我呢條紅劍魚, 係紅劍池幫到好累..
所以我游左去金魚池果邊可以細力少少咁幫手....
點知班金魚咩都唔做, 只係嘻水...搞到個飼主以為我唔幫手
所以殃及池魚...連我都要一齊鬧
(紅劍魚=德社的我；金魚=果度多數都係恆社既女仔)

後黎班3C的去左高果邊幫手
真係他x的, 果陣佢走左, 3B果d女仔, 後黎都過左低果邊...
我仲同hannah, debby佢地耳邊爆粗
我條氣絕對唔据!!!!
我仲係企係佢既最前面, 聽佢地獅咆功, 我冇聾到真係多謝呀dad既保佑
好采最近有睇d心理書....
就算條氣幾唔順, 幾不滿, 幾想怒睥佢, 幾想上前打佢一巴
幾想衝口而出咁大聲講粗口, 幾想轉頭就走唔理佢,
幾想串返佢, 幾想秒咀秒舌, 幾想幫佢黎一個上勾拳
我都識得忍..........識得點樣控制面部表情
我果陣係面無表情, 但係個心就比火山更加噴火地講左n個粗口
最後我仲"好受教咁", 聽左講完5~10分鐘既「獅咆 無理式訓話」

我真係好想知佢老公點解會頂得順呢個人
如果我係佢老公, 唔比佢嚇死, 唔比佢激死, 唔比佢鬧死, 都會比佢d口水噴死啦
但係佢老公到而家仲未離婚? 個女都仲未比佢鬧到去自盡?
真係佩服佢地有比金牛座更強既忍耐力

今日勁慘呀><仲嚇到我死死下..

LS堂, 呀sir講緊書, 我好眼訓
突然我見到地下有粒黑色細細地既野移動緊
對於黑色好細既野, 一向都好敏感既我黎講....
第一個反應, 向後面既hannah求救...
因為..呀king冇返....=.=
而且果隻蟑螂....係好大隻既成年蟑螂
我見到佢好似係啡啡地色...行路d聲好大
佢係黑板同第一行既枱中間果條路, 係我而前打橫行過
去到老師枱後面...
梁sir :唔緊要, 蟑螂唔會嚇得死人, 佢都係生物黎, 唔洗理佢....
佢仲好好心同我地講廸, 捉蟑螂唔好捉佢既肚, 如果唔係佢d內臟會....x_x嘔
我果陣嚇到d眼淚係眼眶度打轉......好想流落黎...
因為我坐係老師枱前面.....勁驚
個死格離位呀king偏偏今日冇返...
直到隻蟑螂突然去到蘭姨面前, 佢叫左一聲
呀sir.....一腳踩死左佢
林x傑又好好心咁講: 呀sir..佢d汁仲未清呀....
果陣真係想kil鬼左佢
佢又唔係唔知本小姐最驚就係蟑螂.....

GEO堂比蟑螂嚇親...受驚過度...
默書錯左3個....勁失敗

eng堂...lunch完既鐘野果陣, 我至發覺..我冇帶英文書.....
跟住靈機一動....拎左呀king櫃桶果本
1, 好采佢冇返
2, 好采佢冇鎖櫃桶
3, 好采佢唔會拎書返屋企....
呢個就當佢今日冇返, 搞到我比蟑螂嚇親又冇人陪我既「安慰」

好采bobo, 呀譚, joanna, 雅芝, 佢地知我見到蟑螂都會嚇到喊既fd
事後都好同情我....而且都有為我擔心....
真係好........

希望蟑螂死之前最後望住既唔係我啦....
千其唔好返黎搵我.....
冇計啦, 我呢個天生既公主性格....(任性, 嬌貴XD)
見到蟑螂驚係正常^^

慘啦....數學果d平方根一早唔記得哂...
而家教緊果d又一定要我地用平方根
搞到我d答案次次都係錯錯錯錯錯錯錯><

今日miss鍾第二日請病假..
聽講馮sir喉嚨都唔多舒服...
我....仲好, 冇病^^
所以今日兩堂中文堂, 我係度做數
我做左成兩堂...
仲係有4條唔識呀><
明明條式冇咩問卷題 / 我唔知邊度有問題
就係計唔到個答案出黎
煩死我啦
計計下, 又搞到頭痛 (最後頭痛多左少少..= 我用腦既次數又多左少少^^  好事好事)
然後好累
小息都冇去搵呀譚佢地....
一陣再計多次.....我唔信果4條我計唔到!!
否則, 我天日去抄雅芝果本~

最近多左d人病....我提議一下..
[每日笑10次/ 多次]  → 根據 《每天懂一點好玩的心理學》
笑, 可以增加個人免疫力....少d病
靜雯成日比yellow b激到係咁笑....所以病假都比上年少左好多多多多多啦~~
靜雯繼續加油!!!