天氣又凍左, 有少少傷風...
搞到我好眼訓....

放學係bobo屋企樓下傾計果陣
bobo, 譚, 阿銘佢地傾計果陣, 我又插唔到咀
於是食糖, d糖紙我隨手x左
我又無聊得濟....踢下佢
一路係佢地附近兜圈一路踢
但係....有個人望住我...
個樣衰衰地, 好乞人憎咁
佢行過, 我冇理佢, 繼續踢..
踢踢下踢左落渠坑
我轉身, 又見到果個人企係不遠處, 望住我..地?
bobo佢地話, 佢只係望住我...(驚'')
突然覺得好不安,
因為佢既目光好.......唔知點講
之後佢好似聽到我講佢望住我地....佢就走左
死啦, 唔佢係咪佢見到我扔垃圾, 所以.......(no~~~)
但係佢地目光真係好恐怖, 死死地望住人果隻...
bobo佢地又係, 講到好似唔關佢地事咁
其實真係唔知果個男人望咩..
我又冇野得罪佢
佢成世未見過人地踢糖紙呀

好眼訓...

唉~今日個頭勁痛...
mat堂開新野
我聽到一舊舊....都唔知咩黎
後來比左3條數...功課
我放學趁住到英文討論果陣做
我用左5組既時間做哂果3條..
自己做, 冇問人, 突然覺得好有滿足感~
果然, 我需要時間黎吸收..

不過搞到個頭好唔舒服...
有d想吐

理解能力真係好差=.=....
泣

今日胃痛+m痛
上午既堂都冇咩心機...好靜

英文堂..
比阿king鬧我蠢...
識我既人都知我英文有幾差!!!
我唔理佢, 但係lunch time
我咒左佢成個時間
仲好有禮貌咁問候佢祖先...

放學, 好似比人整蠱咁
側田叫我地去ELC...
做彩排..我完全唔記得左呢件事
所以要講既詩冇背到
但好多人都係拎住張痴黎講=.=  (只係我地班)
我仲要企係中間.....糗爆
冇計, 唯有做咀形, 同埋望下人地手上果張cat paper
.....唉........好慘..........

今日有少少頭痛, 唔知係咪因為班度既冷氣同風扇..凍親
總之有少少頭痛, 仲好累..........頭暈暈
好想訓, 但係又有好多功課
攞命
今日發生既事, 冇樣好

alan好討厭!! 成日想睇得個樣(敏感未好返哂)
佢擺明想睇我有幾樣衰姐..
乞人憎...今日仲偏偏有講座
佢坐全我前面既格離2個位
佢個衰人, 成日望過黎....傳埋紙仔比佢(警告)
都唔理, 根據張紙仔既說法,
我要兩個禮拜唔理佢
太可惡啦

PE堂打排球...第一二堂就打
基本上都未訓醒, 好采仲有力開到過網既波

天日有HIS既test.....仲有一個評論要交
仲有要諗下天日既長文作咩好...諗唔到
"我這次真的害怕了......"為開首
我最驚係alan, panda, 蟑螂.....
其他都冇咩點驚...但呢3樣野, 叫我點寫....

今日唔知點解好累..由lunch開始
都冇咩精神, 仲要係放學一邊聽講座, 一邊同alan開戰
冇哂力, 好累...(原因不明)
而且都冇咩心情咁......唔會有野發生掛...
而日既test....我平時上堂一d都唔明...點算好

嗚....皮膚敏感
兩邊面都紅哂.....
好樣衰呀~~><
塊面乾乾地, 痕痕地..
又唔比抓....
好難頂呀
一日最衰都係我呀爸(真果個)
都唔知佢個潤膚霜邊度搵返黎
好似我呢d咁寶貴既皮膚, 特別係臉
係絕對唔掂得呢d不明物體!!!!
嗚......
我最錫, 最緊張, 係我塊面
我最錫, 最鐘意, 係我d頭髮
而家塊面都唔知幾時好, 差d唔想返學~~><

呢排要注意既事: (自己作的, 同埋呀媽, 網上既提供)
1, 用暖水洗面 (舒服d)
2, 一日查2-3次果d蘆薈啫喱 (滋潤)
3, 訓教之前用洗米既暖熱水洗下面...5分鐘左右 (滑d)
4, 早d訓..10:00pm, 功課寧願抄都唔開夜車!!
5, 訓醒要用..1同2, 仲要另外查d"曼秀雷敦薄荷膏"....(等佢冇咁乾同咁緊)
6, 戒口 (好多野...呢d野bobo會提我, 我唔洗煩)
7, 飲多d夏桑菊(清熱), 熱水(等皮膚冇咁乾), 牛奶(呢個唔知有咩用)
8, 見到alan即刻掉頭走!!!!!!! (免得比佢有藉口唔請糖)

嗚.....敏感敏感, 真d消失~~~心情有d低落
今日果個地震既地方, 我竟然覺得有少少心涼
我...塊面...好似毀容咁 (對我黎講真係有咁大件事)
果度既地下裂左, 慘得過我塊面咁.....
搵個地下黎同我陪葬都好~~哼