家長日....我呀媽好早到左....好早就走左
經過3樓, 見到hannah當值...我叫呀媽走先...
同hannah傾傾下....我代佢企左一陣...
又落左地下去搵當門口既alan....
有痛黎派野飲, 我話我唔係...
果個人又話, "是但啦, 代企都有份.."
真係開心, 企企下我又上返4樓搵yellow b..
又代佢企下....
跟住係咁係地下, 3樓同4樓之間行黎行去...
代企同陪佢地傾計
地下 : 有d家長唔知自己仔女讀咩班..有人問"12室係咪12樓"...我同alan呆左一陣...
alan都好有禮貌咁答心地幾樓, 我又幫手答人野 (呀dad把聲好好聽..)
不過佢都唔正經(如果係靚既家長既話)
有個我覺得幾靚~"ok喎果個家長"      alan" 咩家長呀, 姐姐黎嫁...佢一定未結婚, 就算結左都離左...佢冇仔女嫁.." 
有個有男朋友/ 老公陪黎既~ "果個都唔錯丫.."     alan"搞錯呀, 佢後面果個男人咁樣衰既..."  (我覺得果個男既都ok的)
有個著深綠色既長裙(低胸的..)   alan好眼利, 我都未見到, 佢轉身細細聲同我講"勁sexy.." 又轉返身笑住同佢講"幾多樓呀?"
見到馬宇家姐, "佢兩個家姐幾靚喎~"   alan "又真係好ok喎.."
唉, 真係冇眼睇佢......佢地當到3:30可以走人, 我上去4樓陪yellow b
yellow b果陣....佢企到4:30明明可以走
但係梁sir話 "走? 我仲未見完喎, 走咩呀, 你唔知有over time既咩?"
唉, 佢真係可憐, 我又陪多佢一陣
仲一個家長見哂, yellow b好開心, 點知又黎多一個 (朦豬梁一個見十幾分鐘..)
最後一個, 又黎多一個...yellow b幾乎想趕佢地走
真係辛苦
訓導處既梁主任黎左, yellow b即刻問佢"梁sir我走得未, 佢唔比我走呀..."
梁主任講左一大輪野..最後都比佢走

yellow話佢係同alan交換位...話"alan話佢唔想比風吹"
點知alan可以咁早走, 佢就要企到差唔多5點..
係咁鬧alan.....真係笑死我
yellow b話 , 我代佢當值既酬勞入alan數

我唔知d老師咁好人, 我明明唔係prefect, 都可以行黎行去, 代人位
仲有野飲tim~
不過好多功課, 都冇掂過..

      學習態度 考核表現 評語
英:   A-               B             成績勉強, 仍可再進一步
中:   B+             B+           努力向上, 值得嘉許
數:   B+             B+           勤奮上進
操行, 評語 : B+  能自律

CHI堂...作新詩~我仍然揀左雜草..
作左覺得有d唔多對路,
有d唔協調, 但又唔知邊度
之後我比miss鍾睇..
佢幫我改左d兩個次序...同一個字
即刻好好多~~
另一個既徵文比賽既文
只有65分...真係低
不過都揀左我果篇去...
仲有幾個都有6字頭
但係琴姐果份最高69分
不愧係模範生之一
我一定要再比心機心之後果d文
唯獨中文作文唔可以輸比d模範生
否則我係呢班無路可言...唯一既對手仍然係panda
佢唔同我講佢幾分><
只係話"好低.."我x佢, 佢既低姐係7字頭以下...
老師既評語都...好馬虎...
"有兩個錯字, 文筆好好, 好仔細, 心思都豐富....有3行佳句我都好鐘意...間低左"
佢唔同我講有d咩地方要改下....=.=
但係我聽到佢同人地講果d都有要改下既地方.........我要改既只有錯字??
冇咩可能, 我睇果陣有少少唔岩feel既地方, 但係唔知, 所以冇改
miss鍾都唔覺..姐係果個地方好小事......咁算啦

放學有個中文講座....好眼訓.....
又唔知佢講咩...(知, 但係冇心聽)

今日比之前好返好多啦.....
但係就忙到死

CHM要test...有d識, 有d唔識
但係都差唔多嫁啦

lunch, bobo唔比餅餅我食...我"祝福"左佢差唔多成個lunch time

中文堂, 玩錯別字, 好開心^^
跟住又落去操場搵作新詩既提材
我坐係地下, 望住牆邊既雜草^^好快就定左個題目
但係唔知點解好多人都行黎行去....
好難得可以著住裙坐係地下, 兩腳伸直咁坐
好想訓埋係度...
但係操場另一邊....d男仔個個望向呢邊...打消左個念頭
用左5分鐘
我幫個"雜草"諗左14個意思....咁又過一堂
好輕鬆.....但係d人都好似冇咩進展咁..
係咪我太馬虎呢??

雅芝問我"黃槐", 我諗左30秒...都冇, 就話, 我用黃槐比喻做佢...
1, 嬌小 (兩樣都好貼切)
2, 比其他開花樹, 雖然唔高, 但係花既顏色係最搶眼
3, 幼同矮既樹身, 睇落好似好虛弱咁..但係咁其他樹幫佢擋風, 加埋佢自己既力量, 所以到而家都依然不倒
(雅芝好似好嬌柔, 但係好堅強, 加上佢人緣好好...)
我咁講果陣, 係將我既第一個感覺講出黎
但係佢竟然話我串佢...
唔岩咩, 我覺得幾好....大姐呀, 30秒都唔洗就諗到呢3樣係咁嫁啦....
如果唔係..唔好問我囉...>3<

放學勁攞命....一放學就同組員去wellcome買材料,
買完毅屋企換衫, 洗米, 煮飯.....d米洗到一半
jaye突然打比我話唔夠錢買.......叫我快d去秀茂坪
我即刻扔低哂d野, 用左15分鐘由屋企(順天)換衫, 拎錢, 袋, 手機, 鎖匙
飛到秀茂坪, 拉到jaye佢地........累死我.....
只係計買材料, 都用成100蚊左右
一定要問佢地拎返錢
心痛死我啦.......

今日遲左4個字起身, 冇遲到地正常時間返到學校~掂!!
傷風仲差少少未好哂....><
個鼻成日都好想打乞嚏....
但又打唔出.......

今日果兩個test都好難
中文, 文言文....死左一大半
通識仲精采
我用埋最後5分鐘仲埋最後果3題
1條長, 2條短
d字潦都連我都唔知咩字
就黎搞掂, 呀sir話 "測驗時間, 請停筆"
我好快咁寫埋最後一隻字!!  隻手係咁震....
最後5分鐘完全係喪寫, 見行就寫.....有冇料都算...
成份卷搞掂~~
我見到好多人都好快趴低訓教
以為佢地咁快, 原來佢地放棄左好多題唔做~~
唉....不過今次都幾難, 唔好肥就得啦><

天日化學洗唔洗test呢?
今日有咩功課呢?冇寫手冊.....
仲係咁打乞嚏呀.....真係討厭

聽人講今日新聞話雲南果邊有地震..唔知幾多級
所以呢, 我就病左啦...
傷風好辛苦呀~~
打乞嚏打到我眼都腫埋...
搞到我今日成日都要戴住眼鏡
不過又戴得幾舒服^^
此終我自己都係個輕微近視...
鼻水係咁流....嗚....又有眼淚流出黎

今日放lunch果陣......岩岩想企係身
miss黃就係我面前好大聲咁鬧...panda (好似係因為格式唔岩+態度有待改善)
仲撕埋佢本簿, 我嚇到即刻坐返低....d人都企返哂係度
轉個頭同人地求救.....冇人幫到我...點解我要坐係老師枱前面....
我慢慢..慢慢咁起身, 想走人
一陣之後, miss問有冇人有膠紙
我好乖, 好老實, 好白痴, 好蠢咁舉手...(自然反應).....
果陣好想斬斷我隻手....因為panda既果樣搞到我腳都有d震..
一睇就知佢好嬲......唔知係咪嬲我..(應該唔會既..), 佢塊面黑哂.....
比完即刻走人......發覺出面十幾度既氣溫好溫暖~~
panda嬲果陣既寒氣差d搞到我可以冬眠....唉....鬧其他人都好, 點解要鬧佢
我最驚既野...
最驚 -- alan真怒 (果個氣勢, 可以壓死人....冇人可以勸掂佢, 但係一日之後就冇事)
次驚 -- panda真怒 (佢既氣可以凍死人....除左好fd果d人 eg,  alan...如果唔係佢邊個都唔理)
三驚 -- 蟑螂之類的小動物 (嚇到喊....我d fd都知嫁啦......)
唉~希望呀dad有計搞到panda啦.....

今日都唔知咩日子, 真係黑
傷風~~~好眼訓
但係天日有兩個test, 膠的, 好病唔病而家至黎病
仲有呀, 好地地攸咩要地震姐, 你唔震咪咩事都冇囉!!